Dibadika 9:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bikala muenyi munkatshi muenu udi musue kuvuluka kuhita kua Yehowa, yeye nênze bu mudi mikenji ya kuhita kua Yehowa, nenuikale ne mukenji umue kudi muenyi ne kudi muntu mulela munkatshi muenu.

MUKANDA WA MYIDI MUKULU

¹⁴ Pikala benyi badi munkatshi muenu basue kungenzela tshibilu tshia Dipita dia Maweja-Nangila, batshienze mudi mikenji ne bibidilu biatshi. Bualu mikenji idi anu mushindu umue bua benyi ne bena ditunga.”

Dibadika 9:14 ပူးပေါင်းရင်းမြစ်များ

Ezela 6:21

Bena Isalele bonso bakadi bumuka mu buhika ne bantu bonso bakadi baditahulule ku malu a bundu a bisamba bia bantu ba ha buloba bua kukebabo Yehowa, Nzambi wa Isalele, bakabidia;

Ekesode 12:43

Yehowa wakambila Mose ne Alona ne, Etshi ntshilele tshia kuhita kua Yehowa muenyi kena mua kutshidia.

Ekesode 12:47

Tshisumbu tshionso tshia Bena Isalele netshienze tshilele etshi.

Lewitiki 19:10

Kanusangishi tumuma tuonso ludi mu madimi enu, kanuambudi tumuma tuakahona hanshi mu madimi enu, nushiye bintu ebi bia kukuatshisha nʼabi bahele ne benyi meme ndi Yehowa, Nzambi wenu.

Lewitiki 22:25

Kanuitabushi mulambu ei ku bianza bia benyi bua kuyifila kudi Nzambi wenu, mulambu ei idi ne bilema, tshiena nyitabusha bualu bua idi munyanguke.

Lewitiki 24:22

Nudi ne mukenji muomumue kudi muenyi ne kudi mundi muledibue mu nsubu yenu bualu bua meme ndi Yehowa, Nzambi wenu.

Lewitiki 25:15

Bu mudi bungi bua bidimu ku nyima kua tshidimu tshia disanka dinene wewe neusumbe bintu kudi mukuenu, ne yeye neakusumbishe bu mudi bungi bua bidimu biakamaneye kuhuola bintu.

Dibadika 15:15

Bualu bua bantu bonso nebikale ne mukenji umue kunudi ne kudi muenyi udi munkatshi muenu ku bikondo bienu bionso: muenyi neikale bu nuenu ku mesu kua Yehowa.

Dibadika 15:16

Nenuikale ne mukenji umue ne dî dimue kunudi ne kudi muenyi udi munkatshi muenu.

Dielulula 29:11

ne bana benu bakese ne bakashi benu, ne benyi badi munkatshi muenu, ne batatu ba nkunyi ne basunyi ba mai;

Dielulula 31:12

Nusangishe bantu bonso, ne balume ne bakashi ne bana bakese ne benyi badi munkatshi muenu, bua buonso buabo bumue, bayile lungenyi, batshine Yehowa, Nzambi wenu, batumikile mei onso a mikenji ei;