Dibadika 6:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ ne tshisaka tente ne mampa adi kayi ne luevene, ne mikata yakenzabo ne bukula bubotesha ne manyi, ne mikata idi kayiyi ne luevene ne manyi mela ha mutu hai, ne mulambu wa bukula ne mulambu wa bintu bia kunua.

MUKANDA WA MYIDI MUKULU

¹⁵ Afile kabidi mikata, kayiyi miela buanga bua mampa, kadi milamba mu mafuta, tshisaka tente. Ikale kabidi ne tuampa tukese katuyi tuela buanga, tulaba mafuta, kabidi ne bukula ne mvinyo, bia kulambula musangu umue ne milanbu mikuabu.

Dibadika 6:15 ပူးပေါင်းရင်းမြစ်များ

Ekesode 29:2

ne mampa adi kâyi ne luevene, ne mikata idi kayiyi ne luevene misangisha ne manyi, ne tukata luhehele ludi katuyi ne luevene tudi ne manyi mela ha mutu, ubilambe ne bukula buakane bua blé.

Yeshaya 62:9

Kadi badi babihuola nebabidie ne nebatumbishe Yehowa; badi basangisha tumuma nebanue nvinyo yatu mu biendelu bia tshitendelelu tshianyi.

Yowele 1:13

Luatai bilulu bikayabala, asai muadi, nuenu bakuidi, asai muadi, nuenu bakuatshi ba mudimu wa tshioshelu; luai bienu, lalai baluate bilulu bikayabala bufuku bujima, nuenu badi bakuatshila Nzambi wanyi mudimu! Bualu bua mulambu wa bia kudia ne mulambu wa bia kunua yakûmushibua mu nsubu wa Nzambi wenu.

Yowele 1:9

Mulambu wa bia kudia ne mulambu wa bia kunua yakushika, kayena mu nsubu wa Yehowa kabidi. Bakuidi, bena mudimu ba Nzambi, badi basa muadi.

Yowele 2:14

Nganyi udi mumanye ne kena ukudimuna mutshima wandi, kena uhanga kunushila disanka, disanka mene dia mulambu wa bia kudia ne mulambu wa bia kunua bia Yehowa Nzambi wenu?

Lewitiki 2:4

Hawalua ne mulambu wa bukula budibo balamba mu nfulu, nebuikale mikata ya bukula budi kabuyi ne luevene busangisha ne manyi, anyi mikata ya bukula budi kabuyi ne luevene idi ne manyi mela ha mutu.

Lewitiki 7:12

Biafila muntu mulambu eu bua kubakidila Nzambi, yeye nealue kabidi ne mikata ya bukula budi kabuyi ne luevene busangisha ne manyi, ne mikata ya bukula budi kabuyi ne luevene miela manyi ha mutu, ne mikata ya bukula bubotesha budi busangisha ne manyi.

Lewitiki 8:2

Angata Alona ne bana bandi balume badi nʼandi ne bilulu ne manyi adibo bela ha mutu ne mulume wa ngombe wa mulambu wa kubuikila nʼau bubi ne bimpanga bibidi ne tshisaka tshia mampa adi kâyi ne luevene,

Lewitiki 9:4

angata kabidi mulume wa ngombe ne tshimpanga bu mulambu wa kuvuisha nʼau ditalala bua kubishiha ku mesu kua Yehowa ne mulambu wa bukula busangisha ne manyi, bualu bua Yehowa neamueneke kunudi lelu.

Dibadika 15:10

nebafile kabidi tshituha tshia dikoho dia nvinyo bu mulambu udibo banua, bu mulambu wa kuosha, bua kûtuisha dihembu kudi Yehowa.

Dibadika 6:16

Muakuidi neabifile kudi Yehowa, neafile mulambu wandi wa kubuikila nʼau bubi ne mulambu wandi wa kuosha ha kahia

1 Korente 10:31

Nunku binuadia anyi binuanua, anyi malu onso anudi nuenza, nuenze malu onso bua kutumbisha Nzambi.

1 Korente 11:26

Bua misangu yonso inuadia bidia ebi ne inuanua luhanza elu, nudi nuambila bantu bua lufu lua Mukelenge tô ne halueye.