Dibadika 4:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kushikisha Alona ne bana bandi balume kubuikila nsubu wa tshitendelelu ne bintu bionso bia mu nsubu, hayabo mu nshila, hashishe bana balume ba Kohata nebalue bua kubituala, kadi bobo kabalengi bintu bia tshijila bianza, bua kabafu. Bintu ebi mmajitu a bana balume ba Kohata mu nsubu wa tshitendelelu.

MUKANDA WA MYIDI MUKULU

¹⁵ Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Dibadika 4:15 ပူးပေါင်းရင်းမြစ်များ

2 Samuele 15:24

Monai, Sadoka ne Ebayatâ bakatua ne Bena Lewi bonso bakadi nʼabo, batuale mushete wa tshihungidi tshia mei a Nzambi; bakateka mushete wa Nzambi hanshi; Ebeyatâ wakayaku tô ne hakumuka bantu bonso mu musoko.

2 Samuele 6:13

Hakaya batuadi ba mushete wa Yehowa mutantshi wa makasa asambombo, bakashihela Yehowa ngombe ne muana wa ngombe.

1 Bakalenga 8:3

Bakulu bonso ba mu Isalele bakalua ne bakuidi bakambula mushete.

1 Kulondolola 15:15

Bena Lewi bakatuala mushete wa Nzambi ha maha abo ne mitshi, bu muakamba Mose bu muakadi dî dia Yehowa.

1 Kulondolola 15:2

Hashishe Davidi wakamba ne, Anu Bena Lewi badi ne bua kutuala mushete wa Nzambi; bualu bua Yehowa wakabasungila bua kutualabo mushete ne bua kumukuatshilabo mudimu tshiendelele.

1 Kulondolola 23:26

ne Bena Lewi kabena ne bualu bua kutuala kabidi nsubu wa tshitendelelu ne bintu biakadimu bia kuenza nʼabi mudimu.

Ekesode 19:12

Wewe ujidike nshila ya ku mukuna, wambile bantu ne, Nudimuke, kanuyi ku mukuna, kanûlengi tshianza, muntu udi ulenga mukuna tshianza nebamushihe.

Ekesode 19:21

Yehowa wakambila Mose ne, Uhueke biebe, udimushe bantu, kabalu ha buihi bua kumona Yehowa, bungi buabo nebafue.

Ekesode 27:7

Buesha mitshi ei mu nkanu idi ku nseke ibidi ya tshioshelu bua kutshituala.

Lewitiki 16:13

neateke musenga wa manananshi ha kahia ku mpala kua Yehowa bua ditutu dia muishi wa musenga wa manananshi dibuikile tshibuikilu tshia mushete wa Nzambi, bua yeye katu nansha.

Dibadika 1:50

kadi usungule Bena Lewi bua kuenzabo mudimu mu nsubu wa tshitendelelu, ne wa bintu bionso bidimu bobo nebatuale nsubu ne bintu bionso bidimu, bobo nebabibale, nebashikame ha buihi ne nsubu wa tshitendelelu.

Dibadika 1:51

Hayabo ne nsubu wa tshitendelelu mu nshila, Bena Lewi nebatule nsubu, ne halongololabo tshitudilu, Bena Lewi nebamushimike, bialua muenyi ha buihi nebamushihe.

Dibadika 10:21

Bena Kohata bakaya ku mpala batuale bintu bia mu nsubu wa tshijila, ne bakuabo bakashimika nsubu wa tshitendelelu diambedi bobo kabayi banze kulua.

Dibadika 18:3

Bobo nebalame bintu biebe ne bintu bia mu Ntenta: kadi bobo kabalu ha buihi ne malonga a mu nsubu anyi tshioshelu, bua bobo kabafu ne nuenu kanufu kabidi.

Dibadika 3:38

Mose ne Alona ne bana bandi balume nebashikame ku mpala kua ntenta wa kusambakena ku luseke lua ku esete kudi diba dihatuka, bua kulama nsubu wa tshitendelelu ne bintu bia Bena Isalele; bialua muenyi ha buihi nebamushihe.

Dibadika 4:14

nebâteke ha mutu hatshi bintu bionso bidibo benza nʼabi mudimu watshi ne malonga a kahia ne nkobo ya munyinyi, ne nkasu, ne bihanza ne malonga onso a tshioshelu, nebâteke tshibuikilu tshia biseba bia nkonge, nebabueshemu mitshi yatshi.

Dibadika 4:19

nubenzele nunku, bua bikale ne muoyo, kabafu, haluabo ha buihi ne bintu bia tshijila Alona ne bana bandi balume nebabuelemu, nebaleshe muntu ne muntu mudimu wandi ne bujitu buandi,

Dibadika 4:20

kababuedi bua kutangila bintu bia tshijila nansha kakese, bua kabafu.

Dibadika 7:9

Kadi yeye bakaha bana balume ba Kohata tshintu, bualu bua bobo bakadi ne mudimu ne bintu bia mu nsubu wa tshitendelelu, bakabituala ha maha abo.

Dielulula 31:9

Mose wakafunda mikenji ei, wakayifila mu bianza bia bakuidi, bana balume ba Lewi, bakadi batuala mushete wa tshihungidi tshia mei a Nzambi, ne kudi bakulu bonso ba mu Isalele.

Yoshua 4:10

Bakuidi bakadi batuala mushete bakimana munkatshi mua Yadene, tô ne hakashika malu onso akambila Yehowa Yoshua bua kuambileye bantu, malu onso akambila Mose Yoshua; ne bantu bakasabuka lubilu.

1 Samuele 6:19

Nzambi wakabutula Bena Bete-shemeshe bualu bua bobo bakatangila munda mua mushete wa Yehowa, wakashiha bantu binunu makumi atanu ne makumi muanda mutekete: bena musoko bakadila muadi bualu bua Yehowa wakashiha bantu ba bungi ne kushiha kukole.