Dibadika 4:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² nebangate malonga onso adibo benza nʼau mudimu wa mu nsubu wa tshitendelelu nebâteke mu tshilulu tshia bleu, nebâbuikde ne tshibuikidi tshia biseba bia nkonge, nebâteke ha mitshi ibidi idi mikuatakasha

MUKANDA WA MYIDI MUKULU

¹² Nebabuikile tshilamba tshifikuluke pa bintu bionsu bidibu benza nabi mudimu muaba wa tshijila. Nebateke kabidi tshiseba tshikole tshia nyama wa nkonga pa mutu pa bionsu ebi. Nebateke bionsu pa mabaya a kubiambula nawu.

Dibadika 4:12 ပူးပေါင်းရင်းမြစ်များ

1 Kulondolola 9:28

Bakuabo babo bakadi ne mudimu wa kulamabo malonga a mu nsubu; bakadi babala malonga hakabuelabo nʼau ne hakahatukabo nʼau.

1 Kulondolola 9:29

Bakuabo babo bakadi balami ba bintu bia mu nsubu, ne bivuadi bionso bia mu tshitendelelu, ne ba bukula bubotesha, ne ba nvinyo, ne ba manyi, ne ba musenga wa manananshi, ne ba bintu bia muhuya muimpe.

2 Kulondolola 4:11

Hulama wakatula bivuadi ne nkasu ne mpanza. Nunku Hulama wakashikisha mudimu wakakuatshileye mukelenge Solomo mu nsubu wa Nzambi;

2 Kulondolola 4:16

Bivuadi ne nkasu ne bitubuidi bia munyinyi ne mpanza yonso, Hulama tatu wandi wakatudila Solomo bintu ebi bionso ne tshiamu tshia mitaku tshiakadi tshikenka bia kutekeye mu nsubu wa Yehowa.

2 Kulondolola 4:19

Solomo wakatula bintu bionso bia kuteka mu nsubu wa Nzambi, ne tshioshelu tshia or ne mesa a bidia bilesha;

2 Kulondolola 4:22

ne bijimishi bia minda ne mpanza ne nkutu ne bivuadi bia kutekamu kahia, bia or mimpe; ne ku bibuelelu bia nsubu wakateka bibi bia ku muaba wa tshijila ne bibi biakadi munda mua nsubu, ntempelo mene, biakadi bia or.

Ekesode 25:5

ne biseba bia bimpanga bina mu mai makunze, ne biseba bia nkonge ne mutshi wa acacia,

Ekesode 25:9

Nutshiase bu bintu binakakulesha ne bu tshidikishilu tshia tshitendelelu ne bu tshidikishilu tshia bintu bia kutekamu.

Ekesode 31:10

Nebenze bilulu bitambe buimpe, ne bilulu bia tshijila bia Alona muakuidi, ne bilulu bia bana bandi balume, bua kunkuatshilabo mudimu wa buakuidi,

Dibadika 3:8

Bobo nebalame bintu bia mu nsubu wa tshitendelelu, ne bintu bia Bena Isalele, bua kuenzelabo mudimu wa mu ntenta wa kusambakena.

Dibadika 4:11

Nebateke tshilulu tshia bleu ha mutu ha tshioshelu tshia or, nebâteke ha mutu hatshi tshibuikidi tshia biseba bia nkonge, nebabueshemu mitshi ya tshioshelu

Dibadika 4:13

Nebumushe butue ku tshioshelu, nebatekehu tshilulu tshikunzubile

Dibadika 4:6

nebâteke tshibuikilu tshia biseba bia nkonge ha mutu hatshi, nebâteke tshilulu tshifike ha mutu hatshi kabidi, nebabueshemu mitshi ya mushete.

Dibadika 4:7

Nebateke tshilulu tshia bleu ha mutu ha mesa a mampa, nebâteke ha mutu hatshi malonga ne nkutu ne mpanza ne makoho adibo balongolola nʼau, ne mampa neikalehu,

Dibadika 4:9

Nebangate tshilulu tshia bleu, nebabuikile hatshi bitekelu bia minda ne minda, ne bintu bidibo bajima habi minda, ne tuhanza tua mishila ya kahia, ne bihanza bia manyi adibo bakuatshisha nʼau minda