Dibadika 22:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bakulu ba Bena Moaba ne bakulu ba Midiyana bakaya ne bintu bia kumubila nʼabi mu bianza biabo, bakatua kudi Belâma, bakamuambila mei onso a Balaka.

MUKANDA WA MYIDI MUKULU

⁷ Bakulu ba bena Mowabe ne ba bena Madiyane bavuabu batume, kuangata bintu bia kufuta nabi muambi. Kuyabu kumonangana ne Balaame, bamuambila mikenji ya kudi mukalenga Balake.

Dibadika 22:7 ပူးပေါင်းရင်းမြစ်များ

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 56:11

Mbua idi ne lumpukusu kabidi, kayena mua kukuta; ne bantu aba badi balami ba mikoko badi kabayi ne meji. Buonso buabo bakuhingana bua kuenda mu nshila yabo, muntu ne muntu udikebela luhetu luandi, kakuyi muntu udi kayi wenza nunku.

Yezekiyele 13:19

Nuakuhenda dina dianyi munkatshi mua bantu banyi anu bua kuheta manza a orge ne bihese bia bidia; nuakushiha bantu badi kabayi ne bua kufua, ne nuakusungila bakuabo badi kabayi ne bua kushala ne muoyo, bualu bua nuakudinga bantu banyi badi bitabusha mashimi enu.

Yezekiyele 21:21

Bualu bua mukelenge wa Babulona udi wimana ku masangu a nshila, kundekelu kua nshila ei ibidi, bua kutempesha lubuku; udi unyungisha mikete, udi webesha telafima, udi utangila mu mutshima wa nyama.

Mika 3:11

Badi ha mutu ha musoko budi balumbulula bilumbu anu bua mbueshilu, bakuidi badi bayisha anu bua difutu, ne baprofete badi bajingulula bantu malu anu bua kuheta argent. Kadi badi beyemena Yehowa, ne badi bamba ne, Yehowa kena munkatshi muetu, anyi? Bualu bubi kabuena mua kutukuata.

Dibadika 22:8

Yeye wakabambila ne, Nulale bienu kunoko butuku ebu, nennuambile dî kabidi, bu mudi Yehowa ungambila, ne bakelenge ba Moaba bakashala ne Belâma.

Dibadika 23:23

Bulelela, kakuena muena muhongo munkatshi mua bana ba Yakoba, kakuena batempi ba mbuku munkatshi mua Bena Isalele, katataka nebambile bana ba Yakoba ne Bena Isalele ne, Yehowa wakuenza tshinyi?

Dibadika 24:1

Hakatangila Belâma ne bualu ebu buakusankisha Yehowa bua kuvudishila Bena Isalele disanka, yeye kakaya kabidi kutempa mbuku bu muakenzeye misangu mikuabo, kadi wakatangisha mpala wandi ku tshihela.

Rome 16:18

Bua badi benza nunku kabena bakuatshila Mukelenge wetu Kilisto mudimu, kadi badi bakuatshila anu mafu abo mudimu; ne bua mei abo a lubombo ne a kutumbisha nʼau bantu hatuhu badi badinga mitshima ya badi kabai badimuke.

Tite 1:11

budibo nʼabu mbua kubuikidishibua mishiku yabo; bobo badi bona ditabusha dia bena nsubu mijima, bayisha bantu malu adibo kabai ne bualu bua kubayisha, hua kuhetabo biuma bibihe.

Yoshua 13:22

Belâma kabidi, muana wa Beo, mutempi wa mbuku, Bena Isalele bakamushiha ne muele wa nvita munkatshi mua bantu bakuabo bakashihabo.

2 Petro 2:15

Hakalekelabo nshila mululame, bakahambuka, bamane kulonda nshila wa Belama, muana wa Beo, wakasua difutu dia bienzedi bibi;

Yuda 1:11

Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.