Dibadika 20:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Isalele bonso bakalua mu tshihela tshia Sina mu ngondo wa kumudilu, bakashikama mu Kadesha, Mîyama wakafua, bakamujikamu.

MUKANDA WA MYIDI MUKULU

¹ Mu ngondu wa kumpala, bena Izrayele bonsu kufika mu tshipela tshia Tsine, kusomba mu Kadeshe. Miriyame kufuila muaba awu. Kumujikabu muine amu.

Dibadika 20:1 ပူးပေါင်းရင်းမြစ်များ

Genese 14:7

Bakahingana, bakalua ku Ene-mishapata (eu udi Kadesha), bakahaula buloba buonso bua Bena Amaleka ne Bena Amole bakadi bashikama mu Hasasona-tamâ.

Misambu 29:8

Di dia Yehowa didi dizakasha tshihela, Yehowa udi uzakasha tshihela tshia Kadesha.

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Ekesode 2:4

Muanʼabo mukashi wakimana kule, bualu bua kumanya muenzelabo muakunyʼandi.

Ekesode 2:7

Mukuluʼandi, muana wa bakashi, wakambila muana wa bakashi wa Palô ne, Nye kukubikidila muamushi wa muana wa mu bakashi ba Bena Ebelu, alue kukuamushila muana mabele, anyi?

Yezekiyele 47:19

Mukalu wa ku luseke lua sude uyile ku Tamâ tô ne ku mai a Melibota-kadeshe ne ku kasulu ka Ejipitu tô ne ku Mai Manene. Eu mmukalu wa ku luseke lua sude.

Mika 6:4

Bualu bua nakanuluhula mu buloba bua Ejipitu, nakanuhikula mu nsubu wa buhika; nakatuma Mose, Alona ne Miyama ku mpala kuenu.

Dibadika 12:1

Mîyama ne Alona bakasonguela Mose bua mukashi wa Bena Kushi wakabakeye, bualu bua yeye wakadi mubake mukashi wa Bena Kushi.

Dibadika 12:10

Difutu diakumuka ku mutu kua Ntenta, ne tangila, Miyama wakadi mûle tente ne disama dia nsudi mitoke to Alona wakatangila ne Mîyama wakadi mûle tente ne nsudi.

Dibadika 12:15

Mîyama wakashala ku butshika bua tshitudilu matuku muanda mutekete, bantu kabakaya ku luendu to ne hakaluabo ne Mîyama kabidi.

Dibadika 13:21

Bakaya nunku, bakatentekela buloba ku tshihela tshia Sina tô ne ku Lehoba udi mu nshila wa ku Hamata.

Dibadika 13:26

Hakafikabo, bakalua kudi Mose ne kudi Alona ne kudi tshisumbu tshionso tshia Bena Isalele mu tshihela tshia Palana ku Kadesha, bakalua kudibo ne kudi tshisumbu tshionso ne dî diabo, bakabalesha mamuma a buloba abu.

Dibadika 20:16

ne hatuakadila kudi Yehowa, yeye wakumpa dî dietu, wakatuma muanjelo wakatuhatula mu Ejipitu, ne tangila, tudi mu Kadesha, musoko udi ku butshika bua buloba buenu mene.

Dibadika 20:22

Bakabisha luendu luabo mu Kadesha, ne Bena Isalele bonso bakalua ku mukuna wa Hô.

Dibadika 20:28

Mose wakavula Alona bilulu biandi, wakabiluatshisha Eleazâ, muanʼandi mulume, ne Alona wakafua biandi ha mutu ha mukuna, ne Mose ne Eleazâ bakahueka mu tshibanda.

Dibadika 26:59

Dina dia mukashi wa Amalama diakadi Yokebede, muana mukashi wa Lewi, wakalelabo mu Ejipitu: yeye wakalelela Amalama Alona ne Mose ne Miyama, muanʼabo mukashi.

Dibadika 27:14

bualu bua nuenu nuakahidia dî dianyi mu tshihela tshia Sina, hakatontolola bantu bualu bua mai, kanuakanjidila ku mesu kuabo. (Au mmai a Meliba mu Kadesha mu tshihela tshia Sina.)

Dibadika 33:36

Bakumuka mu Esione-gebê, bakashikama mu tshihela tshia Sina (dina dikuabo ne Kadesha).

Dielulula 1:46

Nunku nuakashikama mu Kadesha matuku a bungi, nudi bamanye bungi bua matuku anuakashalamu.

Dielulula 2:14

Bungi bua matuku atuakalala mu nshila ku Kadeshe-bânea tô ne ku kasulu ka Zelede akadi bidimu makumi asatu ne muanda mukulu; tô ne hakafua mulongo wonso wa bena nvita munkatshi mua tshitudilu, bu muakabalaya Yehowa.

Dielulula 32:51

bualu bua wewe wakahidia dî dianyi munkatshi mua Bena Isalele ku mai a Meliba a mu Kadesha mu tshihela tshia Sina; bualu bua wewe kuakanjidila munkatshi mua Bena Isalele.

Balombodi 11:16

kadi hakaluhukabo mu Ejipitu, ne Bena Isalele bakahitshila mu tshihela tô ne ku Dishiba Dikunze, bakafika ku Kadesha;