Dibadika 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² Muntu ne muntu wa munkatshi mua Bena Isalele nenshimike ntenta wandi hehi ne dibendele diandi, didi ne bimanyinu bia nsubu ya batatuʼabo bifundahu, nebashimike ntenta yabo minyunguluke tshitendelelu mitangile ku tshitendelelu.

MUKANDA WA MYIDI MUKULU

² — Bena Izrayele bonsu base mitanda yabu muaba udi tshisumbu tshiabu tshia bena mvita, pa buipi ne dibendela dia tshisamba tshiabu. Mitanda yabu neyinyungulukile ntenta wa kusambakena, kadi mikale mutantshi ne ntenta awu.

Dibadika 2:2 ပူးပေါင်းရင်းမြစ်များ

Misambu 74:4

Badi nʼebe lukuna bakuela Mbingu munkatshi mua muaba wa tshisambakenu tshiebe. Bakushimikamu mabendele abo bobo bu bimanyinu.

Misambu 76:11

Uditshihe kudi Yehowa Nzambi webe mitshihu yebe, umufutai; bonso badi bamunyunguluke balue ne maha abo kudi udibo ne bua kutshina;

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 18:3

Nuenu bonso ba ha buloba bua bukua bantu, ne nuenu badi bashikame ha buloba, habandishabo dibendela ha mutu ha mukuna, tangilai! Helabo mpungi, unvuai bienu!

Yezekiyele 43:7

Yeye wakangambila ne, Muana wa muntu, eu mmuaba wa nkuasa wanyi wa butumbi, eu mmuaba wa makasa anyi kudiatau, muaba undualua kushikama munkatshi mua Bena Isalele tshiendelele. Bena Isalele kabanyangi dina dianyi dia tshijila kabidi, nansha bobo bine, nansha bakelenge babo, ku masandi abo ne mpingu, ne ku bitalu bia banfumu babo hafuabo.

Zekâya 9:16

Yehowa Nzambi wabo nebahandishe mu dituku adi, nealame bantu bandi bu tshisumbu tshia mikoko; bualu bua nebikale bu mabue a mushinga mukole mu tshifulu tshia mukelenge, bakenka mu buloba buandi.

Dibadika 1:50

kadi usungule Bena Lewi bua kuenzabo mudimu mu nsubu wa tshitendelelu, ne wa bintu bionso bidimu bobo nebatuale nsubu ne bintu bionso bidimu, bobo nebabibale, nebashikame ha buihi ne nsubu wa tshitendelelu.

Dibadika 10:14

Bena Yuda bakaya ku mpala ne dibendele dia tshitudilu tshiabo, Nashona, muana mulume wa Aminadaba, wakadi ku mutu kuabo.

Dibadika 10:18

Bakaya ne dibendele ba tshitudilu tshia Lubena, ne Elisû, muana mulume wa Shedeu, wakadi ku mutu kuabo.

Dibadika 10:22

Bakaya ne dibendele dia tshitudilu tshia Bena Efelayima, ne Elishama, muana mulume wa Amihuda, wakadi ku mutu kuabo.

Dibadika 10:25

Bakaya ne dibendele dia tshitudilu tshia Dana, bobo bakadi halua ku nyima kua bakuabo, bakaya ku luendu luabo ku bisumbu biabo, ne Ahiezê, muana mulume wa Amishadai, wakadi ku mutu kuabo.

Dibadika 2:1

Yehowa wakambila Mose ne Alona ne,

Dibadika 2:10

Nebateke dibendele dia tshitudilu tshia Lubena ku luseke lua ku sude. Elisu muana mulume wa Shedeu neikale mukelenge wa bana ba Lubena.

Dibadika 2:3

Bantu badi ne bimanyinu bia dibendele dia tshisamba tshia Yuda ku tshisumbu ne ku tshisumbu nebashikame ku luseke lua ku esete kudi diba dihatuka. Nashona muana mulume wa Aminadaba neikale mukelenge wa bana ba Yuda.

Dibadika 24:2

Belâma wakabandisha mesu andi, wakatangila Bena Isalele bashikama ku milongo ya bisamba biabo, Nyuma wa Nzambi wakalua kudiye.

1 Korente 14:33

bualu bua Nzambi kena Nzambi wa malu mabuelakane, kadi udi Nzambi wa ditalala. Bu mudi bualu mu ekelesia yonso ya basanto,

1 Korente 14:40

Kadi malu onso enjibue bilengele, ne alondangane biakane.

Filipe 1:27

Anu bualu ebu, bikadilu bienu bikale biakanangane ne lumu luimpe lua Kilisto; bua binalua kunumona anyi bingikala kukuabo, ngunvue bianyi lumu lua malu enu ne, Badi bajalama mu nyuma tunue, ne badi batshinta hohamue ne mutshima umue bua ditabusha dia lumu luimpe,

Kolose 2:19

udi kai ulamata Mutu, kudi mubidi wonso, mukoleshibue ne musuikakasha ku manungu ne mijilu, udiundaku ne kudiunda kua kudi Nzambi.

Yoshua 3:4

Kadi nushiye muaba hankatshi henu ne mushete bule bua coudées binunu bibidi; kanusemenyi ha buihi nʼau, nunku nenumanye nshila unudi mua kuya; bualu bua kanuakaya mu nshila eu diambedi.