Dibadika 19:2 - Mukanda wa Nzambi Dihungila Dikulukulu ne Dihungila Dihia-dihia 2003

² Eu udi mukenji wakuela Yehowa ne, Nuambile Bena Isalele bua bobo balue kûdi ne muana wa ngombe mukunze, udi kayi ne ditoba anyi tshilema, udi kayi muanze kuya muinshi mua mutshi wa tshikokedi.

MUKANDA WA MYIDI MUKULU

² — Nuambile bena Izrayele ne: nututuadile ngombe mukunze, udi kayi ne bulema, kabidi udibu kabayi banji kuenza nende mudimu.

Dibadika 19:2 ပူးပေါင်းရင်းမြစ်များ

Ekesode 12:5

Muana mulume wenu wa mukoko neikale muakane ne wa tshidimu tshimue nebamuangate munkatshi mua mikoko anyi mua mbushi.

Yeshaya 1:18

Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

Muadi 1:14

Mibi yanyi yakusuikibua bu mutshi wa tshikokedi; tshianza tshiandi tshiakuyisuika ha nshingu hanyi; yeye wakutekesha hukole buanyi. Mukelenge wakunfila mu bianza bia bantu bandi tshiyi mumanye mua kuluisha.

Lewitiki 1:10

Bikala mulambu wandi wa kuosha muana wa mukoko anyi muana wa mbushi, yeye neafile mulume udi kayi ne tshilema.

Lewitiki 1:3

Bikala mulambu wandi wa kuosha wa muana wa ngombe, neafile mulume udi kayi ne tshilema, neamushihele ku mbelu kua ntenta wa kusangakena, ne Yehowa neamuitabushe.

Lewitiki 14:6

Yeye neangate nyunyu utshidi ne muoyo ne mitshi ya cèdre ne bintu bikunze-kunzû ne mabeshi a hisopa, nealue bintu ebi ne nyunyu utshidi ne muoyo mu mashi a nyunyu wakashihabo ha mutu ha mai adi ahueka,

Dibadika 19:1

Yehowa wakambila Mose ne Alona ne,

Dibadika 19:6

ne muakuidi neangate mitshi ya cèdre, ne mabeshi a hysope, ne bintu bikunzubile, neabiele munkatshi mua kahia kadi kosha muana wa ngombe.

Dibadika 31:21

Eleazâ muakudi wakambila bena nvita bakaya mu nvita ne, Eu udi mukenji wakela Yehowa kudi Mose:

Luke 1:35

Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Dielulula 21:3

bakulu ba mu musoko udi utamba ha buihi ne muntu mufue nebangate kana ka ngombe kadi kakayi kanze kuenza mudimu ne tshikokedi;

Ebrewu 7:26

Bua muakuidi munene wa nunku wakadi mutukumbane, wa tshijila, kai ne bubi, kai mubiha, mutahuluke kudi bantu babi, muvuishibue ha mutu ha mulu;

Ebrewu 9:10

bualu bua bidi anu mikenshi ya ba ha buloba, mu malu a bia kudia ne bia kunua ne bia kuvua kua mishindu ne mishindu, yakatekabo tô ne ku tshikondo tshia kubilongolola.

1 Petro 1:19

kadi nuakahikudibua ku mashi a mushinga mukole, bu a muana wa mukoko kai ne tshilema ne kai ne ditoba, ku mashi a Kilisto mene;

1 Petro 2:22

Yeye kakenza bualu bubi, kabakamusangana ne didinga mukana muandi;

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

1 Samuele 6:7

Nunku nuangate dikalu dihia-dihia, nudilongolole bimpe, nuangate ngombe ibidi idi ne mabele, idi kayiyi mianze kumanya mutshi wa tshikokedi; nusuike ngombe ku dikalu, nuhingishe bana bai mu nsubu wai;