Dibadika 18:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yehowa wakambila Alona ne, Wewe kuena ne buhianyi mu buloba buabo, wewe kuena ne tshituha munkatshi muabo meme ndi tshituha tshiebe ne buhianyi buebe munkatshi mua Bena Isalele.

MUKANDA WA MYIDI MUKULU

²⁰ Maweja-Nangila kuambila kabidi Arone ne: — Mu ditunga dindi mpesha bena Izrayele, kuakupetamu tshiebe tshitupa tshia buloba, nansha buebe bupianyi to. Meme ke bupianyi buebe ne bubanji buebe munkatshi mua bena Izrayele bonsu.

Dibadika 18:20 ပူးပေါင်းရင်းမြစ်များ

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

Misambu 142:5

Ndi ndila kûdi, Yehowa; ndi ngamba ne, Wewe udi tshinyemenu tshianyi, udi buhianyi buanyi mu buloba bua badi ne muoyo.

Misambu 16:5

Yehowa udi luanyi luseke lua buhianyi buanyi ne lua luhanza luanyi; wewe mene udi unjadikila luseke luanyi lua buhianyi.

Misambu 73:26

Mubidi wanyi ne mutshima wanyi bidi bihanga, kadi Nzambi udi dibue dia mutshima wanyi ne buhianyi buanyi tshiendelele.

Muadi 3:24

Mutshima wanyi udi wamba ne, Yehowa udi buhianyi buanyi, nunku ndi ne ditekemena dianyi kudiye.

Yezekiyele 44:28

Kabikadi ne buhianyi, bualu bua meme ndi buhianyi buabo; kanubahi luhetu mu Isalele, bualu bua meme ndi luhetu luabo.

Dibadika 18:7

Wewe ne bana bebe balume badi nʼebe nenuikale ne mudimu wa buakuidi bua bintu bionso bia tshioshelu ne bintu bidi ku nyima kua tshilulu tshikudika, nuenu nenuenze mudimu eu, nakunuha mudimu wa buakuidi bu mudimu wa kuha kuenu, muenyi udi ulua ha buihi, nebamushihe.

Dibadika 26:62

Bungi buabo buakabalabo buakadi binunu makumi abidi ne bisatu ba mu ngondo umue tô ne ha mutu, kabakababala munkatshi mua Bena Isalele bualu bua kabakadi ne buhianyi munkatshi mua Bena Isalele.

Dielulula 10:9

Bua bualu ebu Bena Lewi kabena ne buhianyi munkatshi mua bana babo; Yehowa udi buhianyi buabo bu muakabambila Yehowa, Nzambi wenu).

Dielulula 12:12

Nenuikale ne disanka dia Yehowa, Nzambi wenu, ne nuenu ne bana benu balume ne bana benu bakashi, ne bahika benu balume ne bahika benu bakashi, ne Bena Lewi badi ku mbelu kuenu badi kabayi ne buhianyi kunudi.

Dielulula 14:27

Kanuhu Muena Lewi udi ku mbelu kuenu muoyo; bualu bua yeye kena ne tshituha tshiandi ne buhianyi buandi kunudi.

Dielulula 14:29

ne Bena Lewi, bualu bua bobo kabena ne tshituha anyi buhianyi kunudi, ne benyi ne bana ba nshiya ne bakashi ba mu lufuila badi ku mbelu kuenu nebalue, nebadie, nebukute; nunku Yehowa, Nzambi wenu, neanuvudishile disanka mu mudimu wonso unudi nuenza ne bianza bienu.

Yoshua 13:14

Yeye kakaha tshisamba tshia Lewi buhianyi nansha; milambu idibo boshila Yehowa, Nzambi wa Isalele, ha kahia, mbuhianyi buabo, bu muakabambileye.

Yoshua 13:33

Kadi Mose kakaha tshisamba tshia Lewi buhianyi nansha: Yehowa, Nzambi wa Isalele, mbuhianyi buabo bu muakabambileye.

Yoshua 14:3

Bualu bua Mose wakamana kuha bisamba bibidi ne tshituha buhianyi buabo dishiya dia Yadene; kadi yeye kakaha Bena Lewi buhianyi munkatshi muabo nansha.

Yoshua 18:7

Bualu bua Bena Lewi kabena ne buhianyi munkatshi muenu: bualu bua buakuidi bua Yehowa budi buhianyi buabo. Bena Gada ne Bena Lubena ne tshituha tshia tshisamba tshia Manashe bakamana kuangata buhianyi buabo dishiya dia muamua dia Yadene ku esete, buakabahabo kudi Mose, muntu wa Yehowa.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.