Dibadika 18:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Milambu yonso ya bintu bia tshijila bidibo banyukula bidi Bena Isalele bafila kudi Yehowa, nakunuhabi ne bana bebe balume ne bana bebe bakashi, bu tshintu tshienu tshiendelele: etshi ntshihungidi tshia luehu tshia tshiendelele ku mesu kua Yehowa kûdi wewe ne kudi bana bebe badi nʼebe.

MUKANDA WA MYIDI MUKULU

¹⁹ “Nanku milambu yonsu ya tshijila idi bena Izrayele bandambula, ndi nkupeshayi kashidi. Nebikale bintu biebe wewe, ne bia bana bebe ba balume ne ba bakaji, bilondeshile ndondu utuvua batue nebe, kabidi ne ndelanganyi yebe yonsu.”

Dibadika 18:19 ပူးပေါင်းရင်းမြစ်များ

2 Bakalenga 12:16

Kabakalua ne argent yakangatabo ku milambu ya bisambukidi ne ku milambu ya kubuikila nʼai mibi mu nsubu wa Yehowa; ei yakadi ya bakuidi.

2 Kulondolola 13:5

kanuena bamanye ne, Yehowa Nzambi wa Isalele, wakaha bukelenge bua Isalele kudi Davidi tshiendelele, kudiye ne kudi bana bandi balume ku tshihungidi tshia luehu, anyi?

2 Kulondolola 31:4

Bualu bukuabo kabidi, yeye wakelela bantu bakadi bashikama mu Yelushalema mukenji bua bobo bafile bintu biabo bikuabo kudi bakuidi ne Bena Lewi, bua bobo badijidile ku mukenji wa Yehowa.

Ekesode 29:27

Wewe neujidile tshiadi tshidibo banyukula, ne tshihela tshidibo babisha mulu tshia tshimpanga tshia kujidila kua Alona ne tshia bana bandi balume.

Yezekiyele 43:24

Hawalua ne munyinyi wabi ku mpala kua Yehowa, bakuidi belehu luehu ne bobo babifile bu mulambu wa kuoshela Yehowa.

Lewitiki 2:13

Neutuishe milambu yonso ya bukula ne luehu, kanulekedi luehu lua tshihungidi tshia Nzambi mu milambu yenu ya bukula, tuishai milambu yonso ne luehu.

Lewitiki 21:22

Yeye udi mua kudia bidia bia Nzambi wandi ne bidia bidi bitambe tshijila ne bia tshijila,

Lewitiki 7:14

Neafile tshituha tshia mulambu ne mulambu bu mulambu udibo bakuha ku mesu kua Yehowa, netshikale kudi muakuidi udi umiamine mashi a mulambu wa kuvuisha nʼau ditalala.

Dibadika 18:11

Ebi mbintu biebe kabidi: bintu bidi Bena Isalele banyukula, ne milambu yonso idibo bakuha, nakunuha ne bana bebe balume ne bana bebe bakashi badi nʼebe, bu tshintu tshienu tshiendelele muntu yonso udi muakane mu nsubu webe neabidie.

Dibadika 18:8

Yehowa wakambila Alona ne, Mona, meme nakakuteka ku mutu kua milambu yanyi idibo banyukula ne bintu bionso bidi Bena Isalele bajila, nakakuha bintu ebi bu tshituha tshia bintu biebe bualu bua kujidila kuebe ne kua bana bebe balume tshiendelele.

Dibadika 31:29

nutshiangate kudi tshituha tshiabo, nutshine kudi Eleazâ muakuidi bu mulambu udibo banyukula kudi Yehowa.

Dibadika 31:41

Mose wakatua mulambu wa Yehowa kudi Eleazâ bu mulambu udibo banyukula, bu muakambila Yehowa Mose.

Dielulula 12:26

Nuye anu ne bintu binuakajidila ne milambu yenu ya kuditshiha ku muaba udi Yehowa Usungula;

Dielulula 12:6

nenulueku ne milambu yenu ya kuosha, ne nyama mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu, ne bintu bidi mitshima yenu misue kufila, ne banʼa bute ba ngombe yenu ne ba mikoko yenu.