Dibadika 17:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe mulangala wa muntu unakusungula newele ntonga, meme nenshikishe kutontolola kua Bena Isalele kudibo bakutontolola.

MUKANDA WA MYIDI MUKULU

⁵ Bitata abi bivua bivuluija bena Izrayele ne: muntu udi kayi wa ku ndelanganyi ya Arone, kena mua kuoshila Maweja-Nangila musenga wa kamonya to. Maweja-Nangila ukavua mumane kuambila Moshe bua kumanyisha Arone ne: “Pikala muntu mukuabu muoshile Maweja-Nangila musenga wa kamonya, neapete dinyoka bu dia Kora ne bonsu bavuaye nabu.”

Dibadika 17:5 ပူးပေါင်းရင်းမြစ်များ

2 Kulondolola 26:16

Kadi hakalueye muena bukole bua bungi yeye wakadisua mu mutshima wandi, wakenza malu mabi, wakatombokela Yehowa Nzambi wandi; bualu bua yeye wakabuela mu ntempelo wa Yehowa bua kuosheleye Yehowa musenga wa manananshi ku tshioshelu tshia manananshi.

Ezela 2:62

Bobo bakakeba mena abo mu mukanda wa kulondolola kua bankambua, kadi kabakâsangana; nunku bakadi bu bantu banyanguke, bakabumusha mu buakuidi.

Misambu 105:26

Wakatumaku Mose muntu wandi, ne Alona wakasunguleye.

Ekesode 16:7

ne dinda nenumone butumbi bua Yehowa, bualu bua Yehowa udi munvue munudi numujiana, tuetu tudi banganga bua nudi nutujiana?

Yeshaya 11:1

Lutonga nelutoloke ku tshikuku tshia Yishai, ne ditamba dia ku miji yandi nedikuame mamuma.

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yeshaya 27:6

Mu matuku adi kâyi manji kulua Yakoba nêle miji; Isalele neabaluluke, neasampile ntonga; nebûshe buloba buonso ne tumuma tua nvinyo.

Yeshaya 5:24

Nunku bu mudi ludimi lua kahia luosha misengeleke ya mponda, ne bu mudi bisonsa biume bihona hanshi mu kahia, muji wabo newikale bu tshintu tshibole, tshilongo tshiabo netshibande mulu bu mudi luhuishi luenza, bualu bua bakuhita diyisha dia mikenji ya Yehowa wa misumba, bakulengulula dî dia Wa Tshijila wa Isalele.

Yezekiyele 16:41

Neboshe nsubu yebe ne kahia, nenkulumbuluishe ku mpala kua bakashi ba bungi; nunku nenkulekeshe kuenda kuebe kua masandi, ne kuena uha balunda bebe difutu kabidi.

Yezekiyele 23:27

Nunku nenkuleshe malu ebe a tshikama, ne masandi awakalua nʼau ku buloba bua Ejipitu; nunku wewe kuena utangisha mesu ebe kudiu ne kuena uvuluka Ejipitu kabidi.

Osheya 14:5

Nengikale bu mume kudi Bena Isalele, bobo nebele bilongo bu tshilongo tshilengele, nebele miji bu mitshi ya mu Lebanona;

Dibadika 1:51

Hayabo ne nsubu wa tshitendelelu mu nshila, Bena Lewi nebatule nsubu, ne halongololabo tshitudilu, Bena Lewi nebamushimike, bialua muenyi ha buihi nebamushihe.

Dibadika 11:1

Bantu bakadi batontolodi, bualu ebu buakadi bubi ku matshu a Yehowa ne hakabunvua Yehowa, tshiji tshiakamukuata, kahia ka Yehowa kakabosha tô ne ku matshika a tshitudilu.

Dibadika 16:11

Wewe ne bantu baudi nʼabo nuakudisangisha bua kuelangana ne Yehowa! Alona udi nganyi bua nuenu nudi numutontolola?

Dibadika 16:5

wakambila Kola ne bakadiye habo ne, Dinda Yehowa neadileshe bantu bandi, ne nganyi udi wa tshijila, neamubikile ku mpala kuandi, neabifile wasunguleye ku mpala kuandi.

Dibadika 17:10

Yehowa wakambila Mose ne, Hingasha mulangala wa Alona ku mpala kua mushete, bu tshivulukidi kudi bantu badi basue kutomboka, neumanye mua kushikisha kutontolola kudibo bantontolola nʼaku bua bobo kabafu nansha.

Dibadika 17:6

Mose wakamanyisha Bena Isalele, bakelenge babo bakamuha milangala dikumi ne ibidi, mukelenge mulangala wandi mukelenge mulangala wandi, bu mu nsubu ya batatuʼabo, ne mulangala wa Alona wakadi munkatshi mua milangala yabo.

Dibadika 17:8

Hakatshiabu Mose wakabuela mu ntenta wa kusambakena, ne monai, mulangala wa Alona wa mu nsubu wa Lewi wakadi muele ntonga ne bilongo, wakakuama tumuma tukese tua amandes.

1 Korente 10:10

Lekelai kutontolola, bu muakatontolola bakuabo babo, bakashihibua kudi mushihi.

Yoshua 4:7

nenubambile ne, Bualu bua mai a Yadene akahanduluka ku mpala kua mushete wa tshihungidi tshia mei a Yehowa; hakasabuka mushete Yadene, mai a Yadene akahanduluka; ne mabue au neikale bu tshivulukidi kudi Bena Isalele tshiendelele.