Dibadika 16:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bualu bukuabo, wewe kuena muanze kulua nʼetu mu buloba budi bûle tente ne mabele ne buitshi, kuena mutuhe buhianyi bua madimi ne madimi a tumuma, udi musue kuvuisha bantu aba bafofo, anyi? Katuena tulua.

MUKANDA WA MYIDI MUKULU

¹⁴ Bushuwa, kuena mutufikishe mu ditunga didi ne biakudia bia bungi to. Katuena bapiane madimi a mvinyo, nansha madimi makuabu to. Udi wela meji ne: tudi bampofu anyi? Katuena basue kufika to!

Dibadika 16:14 ပူးပေါင်းရင်းမြစ်များ

Ekesode 22:5

Bialekela muntu ngombe wandi mu budimi bua muntu mukuabo, ne biadieye mitshi yandi ya tumuma tukese, yeye neamuhingashile bintu bidi bitamba buimpe bia mu budimi buandi ne bia mu budimi buandi bua nvinyo.

Ekesode 23:10

Mu bidimu bisambombo nukune bintu mu buloba, nuhuole bintu bidi bikumbana,

Ekesode 23:11

kadi tshidimu tshia muanda mutekete nushiye buloba bua kututuka ne bualu bua bantu bahele ba munkatshi muenu badie bintu, ne bintu bidibo bashiye, nyama ya mu mpata neyibidie. Nuenze mitshi yenu ya tumuma tukese nunku ne mitshi ya olive kabidi.

Ekesode 3:17

Nakumana kuamba ne, Nennuhatule mu dikenga dia Ejipitu, nendue nʼenu mu buloba bua Bena Kanana ne bua Bena Hiti ne bua Bena Amole ne bua Bena Pelese ne bua Bena Hiwi ne bua Bena Yebuse, mu buloba budi ne mabele ne buitshi bia bungi.

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Lewitiki 20:24

Kadi meme nakanuambila ne, Nenuhiane buloba buabo, nennuhebu, buloba budi bûle tente ne mabele ne buitshi meme ndi Yehowa, Nzambi wenu, nakanujidila munkatshi mua bantu bakuabo.

Dibadika 13:27

Bakamuambila ne, Tuakuya mu buloba buwakatutuma, bulelela, buloba abu budi bûle tente ne mabele ne buitshi, â mmamuma a buloba.

Dibadika 14:8

Bikala Yehowa ne disanka bualu buetu, yeye nealue nʼetu mu buloba ebu, neatuhebu; buloba budi bûle tente ne mabele ne buitshi.

Dibadika 20:5

Bualu kai nuakatuhatula mu Ejipitu bua kulua nʼetu mu muaba eu mubi? Kimoko kakuena bintu bia kukuna nansha mamuma a nfigi nansha tumuma tukese nansha mamuma a grenade, kakuena mai a kunua.

Balombodi 16:21

Bena Peleshete bakamukuata, bakatunyina mesu andi, bakahueka nʼandi ku Gaza, bakamusuika ne nkanu ya tshiamu tshia mitaku; yeye wakadi uhela mu nsubu wa lukanu.

1 Samuele 11:2

Nahasha, Muena Amona, wakabambila ne, Netuhunge nʼenu dî ku bualu ebu ne buonso buenu nutule mesu enu a ku bianza bia balume: bualu ebu nebuikale bu kusamina kua Bena Isalele bonso.