Dibadika 15:3 - Mukanda wa Nzambi Dihungila Dikulukulu ne Dihungila Dihia-dihia 2003

³ ne hanuafila mulambu wa kuosha ha kahia kudi Yehowa bua kushikisha kuditshiha, anyi mulambu udi mitshima yenu misue kufila, anyi mu matuku anudi nudia bidia bia disanka, bualu bua kumusha dihembu kudi Yehowa, nansha mulambu wa ngombe nansha wa mikoko,

MUKANDA WA MYIDI MUKULU

³ nungoshile nyama mijima bua kundambula. Nundambule kabidi milambu ya bobumue. Nuenze nanku bua kukumbaja malaya, nansha anu ku budisuile buenu, nansha kabidi bua bibilu. Milambu ayi, ikale ya ngombe, mbuji nansha mikoku. Nenganyishe mupuya muimpe wayi.

Dibadika 15:3 ပူးပေါင်းရင်းမြစ်များ

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

Ezela 7:17

nunku bûdi nʼabu mbua kusumba ne argent ei ngombe ne bimpanga ne bana ba mikoko ne milambu yabi ya bukula ne ya bintu bia kunua, biudi ufila ha tshioshelu tshidi mu nsubu wa Nzambi webe udi mu Yelushalema.

Misambu 54:6

Nenfile mulambu wanyi kûdi ne mulambu wa kukusakidila nʼau; nensakidile dina diebe, Yehowa, bualu bua didi dimpe.

Ekesode 29:18

Wewe newoshe tshimpanga tshijima ha tshioshelu, tshidi mulambu wa kuoshila Yehowa, udi utua dihembu, udibo boshila Yehowa ha kahia.

Ekesode 29:25

Wewe newangate bintu ebi ku bianza biabo, ubioshile ha tshioshelu bu mulambu udi utua dihembu dimpe ku mesu kua Yehowa, udi mulambu udibo boshila Yehowa ha kahia.

Ekesode 29:41

Neufile muana wa mukoko mukuabo dilolo, neumufile ne mulambu wa bukula ne mulambu wa kunua, bu muwakenza dinda, bu mulambu wa dihembu dimpe, mulambu udibo boshila Yehowa ha kahia.

Lewitiki 10:13

nenudie mu muaba wa tshijila, bualu bua etshi ntshintu tshiebe ne tshia bana bebe balume munkatshi mua milambu idibo boshila Yehowa ha kahia, bualu bua Yehowa wakangambila nunku.

Lewitiki 27:2

Wambile Bena Isalele ne, Biasua mundi kushikisha kuditshiha kua kudifila kuandi, wewe neubale bungi bua bintu bidiye ufila kudi Yehowa.

Lewitiki 7:16

Kadi bikala mulambu wandi wa kuditshiha nʼau anyi mulambu udiye ufila ku disua diandi, yeye neaudie mu dituku didiye ûfila ne tshituha tshidi tshishale yeye neatshidie makelela,

Dibadika 28:27

hadi nenufile mulambu wa kuosha ha kahia udi utua dihembu kudi Yehowa bana balume ba ngombe babidi ne tshimpanga tshimue ne bana balume ba mikoko muanda mutekete ba tshidimu tshimue,

Dibadika 29:8

ka dî nenufile mulambu wa kuosha ha kahia udi utua dihembu kudi Yehowa muana mulume wa ngombe ne tshimpanga tshimue ne bana balume ba mikoko muanda mutekete ba tshidimu tshimue badi kabayi ne tshilema,

Dibadika 6:15

ne tshisaka tente ne mampa adi kayi ne luevene, ne mikata yakenzabo ne bukula bubotesha ne manyi, ne mikata idi kayiyi ne luevene ne manyi mela ha mutu hai, ne mulambu wa bukula ne mulambu wa bintu bia kunua.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

2 Korente 2:15

Bualu bua tudi bu dihembu dimpe dia Kilisto mu Nzambi kudi bantu badi basungidibua ne kudi bantu badi bajimishibua;

2 Korente 2:16

kudi bakuabo tudi bu dihembu dia lufu ku lufu, ne kudi bakuabo tudi bu dihembu dia muoyo ku muoyo. Muntu kai udi ukumbana malu â?

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Dielulula 12:11

Hashishe nenulue ne bintu binakanuambila ku muaba udi Yehowa, Nzambi wenu, Usungula bua kujadikamu dina diandi; milambu yenu ya kuosha ne nyama yenu mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu kunudi nuditshiha nʼaku kudi Yehowa.

Dielulula 12:17

Kanudi ku mbelu kuenu tshintu tshia dikumi tshia manvua enu, anyi tshia nvinyo yenu mihia-mihia, anyi tshia manyi enu, anyi tshia banʼa bute ba ngombe yenu ne ba mikoko yenu: nansha milambu yenu mudi nuditshiha nʼai, nansha bintu bidi mitshima yenu misue kufila, nansha milambu idibo bakuha:

Dielulula 12:6

nenulueku ne milambu yenu ya kuosha, ne nyama mishiha, ne bintu bia dikumi bia bintu bienu, ne bintu bienu bidibo bakuha, ne milambu ya kuditshiha kuenu, ne bintu bidi mitshima yenu misue kufila, ne banʼa bute ba ngombe yenu ne ba mikoko yenu.

Filipe 4:18

Kadi ndi ne bintu bionso ne bitamba; nakukuta bualu bua nakangata bintu kudi Epafodito biakafuma kunudi, muhuya wa dihembu dimpe, mulambu muitabushibue, udi usankisha Nzambi.