Dibadika 13:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Bakalua kudi Bena Isalele ne lumu lubi lua buloba buakatentekelabo, bakamba ne, Buloba abu butuakutentekela buta buadia bantu badi bikalamu, bantu bonso batuakamonamu badi bantu ba mibidi minene.

MUKANDA WA MYIDI MUKULU

³² Nanku batentekedi abu kubipisha ditunga dia Kenaane, bamba ne: — Mu Kenaane bantu benyi kabena mua kusombamu to. Nebafue amu kufua. Kabidi bantu bonsu badimu mbantu bale!

Dibadika 13:32 ပူးပေါင်းရင်းမြစ်များ

2 Samuele 21:20

Bakaluangana ku Gata kabidi; muntu munene wa nfiondo wakadiku, wakadi ne minu ya nonu isambombo ku tshianza ne tshianza ne bana ba nkasa basambombo ku dikasa ne dikasa, kusangisha makumi abidi ne inai; yeye kahidi wakadi muledibue kudi bantu bale ba nfiondo.

1 Kulondolola 20:6

Nvita yakadi mu Gata kabidi, kuakadi muntu munene wakadi ne minu ne bana ba makasa makumi abidi ne binai, minu isambombo ku tshianza ne ku tshianza, ne bana ba makasa basambombo ku dikasa ne ku dikasa; wakaledibua kudi muntu wa nfiondo.

Misambu 106:24

Hashishe, bakahetula buloba abu buimpe, kabakitabusha dî dia mulayi wandi.

Yezekiyele 36:12

Nengendeshe bantu ha mutu heńu kabidi, bantu banyi Bena Isalele mene; nebanuangate bu bintu biabo, nenuikale buhianyi buabo ne kanuena nubashiya kabayi ne bana kabidi.

Amosa 2:10

Meme nakanuluhula mu buloba bua Ejipitu, nakanulombola mu tshihela tô bidimu makumi anai, bua nuenu nuangate buloba bua Bena Amole.

Amosa 2:9

Kadi meme hanyi nakashiha Muena Amole ku mpala kuabo, bule buandi buakadi bu bua mitshi ya cèdre, ne bukole buandi buakadi bu bua mitshi ya telebinta; kadi nakanyanga mamuma andi akadi kulu, ne miji yandi ya kuinshi.

Dibadika 13:28

Kadi bantu badi mu buloba abu badi bakole, misoko yabo idi ne mpangu ya mabue, ne idi minene be; ne bualu bukuabo, tuakamonamu bana ba Anaka.

Matayi 23:13

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nuinshidila bantu tshibi tshia bukelenge bua mu diulu; nuenu kanuena nubuelamu, kanuena nuitabusha bua bakuabo badi basue kubuela babuele!

Dielulula 1:28

Netubuelemu munyi? Bana betu bakatekesha mitshima yetu, bakamba ne, Bantu aba badi batuhita hunene ne bule; misoko yabo idi minene, ne mpangu yai ya mabue idi miye mulu mule; bualu bukuabo, tuakatangilamu bana balume ba Bena Anaka.