Dibadika 13:2 - Mukanda wa Nzambi Dihungila Dikulukulu ne Dihungila Dihia-dihia 2003

² Utume bantu, bua bobo batentekele buloba bua Kanâna, bundi mpa Bena Isalele, usungule mundi ku tshisamba ku tshisamba, mundi yonso udi bu mukelenge munkatshi muabo.

MUKANDA WA MYIDI MUKULU

² — Usungule mukulu umue ku tshisamba tshionsu tshia bena Izrayele. Utume bakulu aba bua batentekele ditunga dia bena Kenaane, dindi mpesha bena Izrayele.

Dibadika 13:2 ပူးပေါင်းရင်းမြစ်များ

Ekesode 18:25

Mose wakasungula balume ba lungenyi lule ba munkatshi mua Bena Isalele, wakabateka bakokeshi ha mutu ha bantu, bakokeshi ba bantu tshinunu ne ba bantu lukama ne ba bantu makumi atanu ne ba bantu dikumi.

Dibadika 1:4

Nuye bienu ne muntu wa mu tshisamba muntu wa mu tshisamba, muntu yonso udi ku mutu kua nsubu wa batatuʼabo.

Dibadika 11:16

Yehowa wakambila Mose ne, Unsangishile balume makumi muanda mutekete ba bakulu ba mu Isalele, baudi mumanye ne mbakulu ba bantu, ne bakelenge badi ku mutu kuabo, ulue nʼabo ku mpala kua ntenta wa kusambakena, bobo bimaneku nʼebe.

Dibadika 13:16

Au mmena a balume bakatuma Mose bua kutentekelabo buloba Mose wakidika Hoshea, muana mulume wa Nuna ne, Yoshua.

Dibadika 13:3

Mose wakabatuma ku Kanâna bumuke ku tshihela tshia Palana, muakamba Yehowa buonso buabo bakadi balume ba ku mutu kua Bena Isalele.

Dibadika 32:8

Batatu benu bakenza nunku hanakabatuma ku Kadeshe-bânea bua kutentekelabo buloba.

Dibadika 34:18

Nenusungule mukelenge wa mu tshisamba ne tshisamba bua kunutahuluila buloba.

Dielulula 1:15

Nunku nakasungula balume ba lungenyi lule, banuakamanya, nakabateka ku mutu kuenu, tuhita tua binunu binunu, ne tuhita tua nkama nkama, ne tuhita tua makumi atanu makumi atanu, ne tuhita tua dikumi dikumi, ne miloho bungi bua bisamba bienu.

Dielulula 9:23

Hakanumusha Yehowa ku Kadeshe-bânea ne, Yai bienu, nuhiane buloba bunakanuha; hashishe nuakahidia dî dia Yehowa, Nzambi wenu, kanuakamuitabusha, kanuakunvua di diandi.

Yoshua 3:12

Nunku musungule bantu dikumi ne babidi ba mu bisamba bia Bena Isalele, muntu umue wa mu tshisamba ne tshisamba.