Dibadika 11:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Meme nempueke, nensombe nʼebe, nengangate Nyuma udi kûdi, nembaheye, nenukuatshishangane bua kutuala bujitu bua bantu aba, wewe kuena ubutuala nkayebe.

MUKANDA WA MYIDI MUKULU

¹⁷ Meme nempueke muaba awu bua kuyukila nebe. Bukole bua Mueyelu wanyi buudi nabu, nembuabanyine kabidi bakulu abu tshitupa. Nanku kuakuikala nkayebe ne mudimu wa kulama bantu. Bakulu abu nebakuambuluishe.

Dibadika 11:17 ပူးပေါင်းရင်းမြစ်များ

Genese 11:5

Yehowa wakahuka hanshi bua kumona musoko ne tshibumba biakasa bana ba bantu.

Genese 17:22

Nzambi wakalekela kuyikila ne Abalahama, wakamushiya, wakaya mu diulu.

Genese 17:3

Abalama wakadia mpala hanshi, ne Nzambi wakayikila nʼandi ne,

Genese 18:33

Hakashikisha Yehowa kusangana ne Abalahama yeye wakaya biandi ne Abalahama wakahingana kuandi.

2 Bakalenga 2:15

Hakamutangila bana balume ba baprofete bakadi ku Yeleko, bakambilangana ne, Nyuma wakadi nʼandi Eliya wakatulukila Elisha. Bakalua kumuakidila. Bakinama hanshi ku mpala kuandi.

2 Bakalenga 2:9

Hakasabukabo, Eliya wakambila Elisha ne, Ulombe tshindi mua kukuenzela diambedi tshiyi muanze kubandishibua kudi Elisha wakamuambila ne, Ndi nkusengelela ne, Witabushe bua bituha bibidi bia nyuma webe bikale kundi.

Nehemya 9:20

Wewe kabidi wakabaha Nyuma webe muimpe bua kubayisha, wewe kuakakandisha mana ebe mukana muabo, wewe wakabaha mai a kumana nʼau nyota yabo.

Ekesode 18:18

Wewe neuhange bulelela, ne wewe ne bantu badi nʼebe bujitu bua bualu ebu budi bukutamba bukôle, wewe nkayebe kuena mua kubuenza.

Ekesode 18:22

Bobo nebalumbuluile bantu bilumbu matuku onso bobo nebalue kûdi ne bilumbu binene, kadi bobo nebakose bilumbu bikese; nunku badi mua kukumatshisha.

Ekesode 19:11

badilongolole ku dituku disatu, bualu bua Yehowa neahueke ha mukuna wa Sinai ku mesu kua bantu dituku disatu.

Ekesode 19:20

Yehowa wakahueka mu diulu, wakalua ha mutu ha mukuna wa Sinai. Yehowa wakabikila Mose ku mutu kua mukuna, ne Mose wakabanda.

Ekesode 34:5

Yehowa wakahueka mu ditutu, wakimanahu nʼandi. Wakamumanyisha dina dia Yehowa.

Yeshaya 44:3

Bualu bua nendongolole mai ha buloba budi kabuyi ne mai, nempatule misulu mu buloba budi bûme; nengitshikishe Nyuma wanyi hamʼbidi ha bana bebe, ne disankisha dianyi hamʼbidi ha tunkanunuma tuebe.

Yeshaya 63:11

Hashishe, yeye wakavuluka matuku a kale, a Mose ne bantu bandi. Wakaluhula balami ba mikoko yandi mu mai manene udi kudi kunyi? Wakatuma Nyuma wandi Muimpe munkatshi muabo udi kudi kunyi?

Yowele 2:28

Ku nyima kua malu â nengitshikishile bantu bonso Nyuma wanyi; bana benu ba balume ne bana benu ba bakashi nebambe malu adi kâyi manze kulua, bakulumpe benu nebalote bilota, bansongalume benu nebamone bikena kumona.

Dibadika 11:25

Yehowa wakahueka mu dî ditu, wakasomba nʼandi, wakangata tshituha tshia Nyuma wakadiye nʼandi, wakamuteka kudi bakulu makumi muanda mutekete, hashishe hakalua. Nyuma kudibo, bakamba dî dia Nzambi, kadi kabakenza kabidi musangu mukuabo.

Dibadika 12:5

Yehowa wakahueka mu difutu, wakimana ku mbelu kua Ntenta, wakabikila Alona ne Mîyama, bobo bakaluhuka.

Dibadika 12:8

meme nensombe nʼandi mukana ha mukana, ne mei adiye mumanye, tshiena nsomba nʼandi ne nsumuinu, neatangile mundidimbi wa Yehowa nunku kanuakutshina bua kusonguela mundi wanyi Mose munyi?

Dibadika 27:18

Yehowa wakambila Mose ne, Wangate Yoshua, muana mulume wa Nuna, udi ne Nyuma munda muandi, utentekashe tshianza tshiebe ha mutu nʼandi,

Dibadika 7:89

Hakaya Mose mu ntenta wa kusambakena bua kusomba ne Yehowa, hashishe yeye wakunvua Di diakadi diakula nʼandi ha mutu ha tshibuikidi tshia ha mutu ha mushete wa Nzambi hankatshi ha bakeluba babidi ne yeye wakasomba ne Yehowa.

Yowanane 3:13

Kakuena muntu wakubanda mu diulu anu yeye wakufuma mu diulu, Muana wa muntu mene, udi biandi mu diulu.

Yowanane 7:39

Yeye wakadi Wamba bua Nyuma wangatabo kudi bakumuitabusha; Nyuma kakadi muanze kulua, bua Yesu kakanza kutumbishibua.

Rome 8:9

Kadi nuenu kanuena nuikala mu malu a mubidi, nudi nuikala mu malu a Nyuma, bikala Nyuma wa Nzambi munda muenu. Ne bikala muntu kai ne Nyuma wa Kilisto, kena wa Kilisto nasha.

1 Korente 2:12

Kadi tuetu tuakangata nyuma, kengua ha buloba, kadi Nyuma wa kudi Nzambi, bua tuetu tumanye masanka akatuabo tshianana kudi Nzambi.

1 Tesalonike 4:8

Nunku wahetula kena uhetula muntu kadi udi uhetula Nzambi udi unuha Nyuma Muimpe wandi.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Yuda 1:19

Aba badi bavuisha matahuluka, badi balonda malu a mitshima ya ha buloba, kabena ne Nyuma.

1 Samuele 10:6

Nyuma wa Yehowa neakutulukile bikole, wewe newambe nʼabo dî dia Nzambi, wewe neukudimuke bu mu ntu mukuabo.