Danyele 8:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Lusengu lukuabo, lusengu lukese mene, luakahatuka ku lunga lusengu lua mu nsengu ai inai, luakadiunda tô ne hakahitalu bunene ku luseke lua sude, lua esete ne ku luseke lua buloba bulengele.

MUKANDA WA MYIDI MUKULU

⁹ “Ku lumue lupite bukese lua ku nsengu ayi, kupatukaku lusengu lupialupia. Kudiundalu ne bukole bupite, lutangila kuinshi, luseke ludi diba dipatukila, ne luseke lua ditunga dipite buimpe.

Danyele 8:9 ပူးပေါင်းရင်းမြစ်များ

Misambu 105:24

Yehowa wakavudisha bantu bandi bua kukumbanabo ba bungi, wakabavuisha bantu bahite bena lukuna babo bukole.

Misambu 48:2

Mukuna wa Siona udi mulengele mu kubanda kuau mulu, ku nseke ya ku nôde, disanka dia ba ha buloba bonso, musoko wa Mukelenge munene.

Yirmeya 3:19

Nakamba ne, Ahu nenkuteke munkatshi mua bana banyi, nenkuhe buloba buimpe ne buhianyi buimpe munkatshi mua bisamba bionso bia bantu! Nakamba kabidi ne, Neumbikile ne Tatu wanyi ne kuena uhingana ku nyima kuyi undonda.

Yezekiyele 20:15

Bualu bukuabo kabidi, nakabisha tshianza tshianyi bua kuditshiha kudibo mu tshihela ne, Tshiena ndua nʼenu mu buloba bunakanuha, buloba budi bûle tente ne mabele ne buitshi, budi ne butumbi ku mpala kua maloba onso.

Yezekiyele 20:6

mu dituku adi nakabisha tshianza tshianyi bua kuditshiha kudibo bua kubahatula mu buloba bua Ejipitu ne kubateka mu buloba bunakamana kubatentekelela, buloba budi bûle tente ne mabele ne buitshi, budi ne butumbi ku mpala kua maloba onso.

Danyele 11:16

Kadi yeye eu, udi ulua kuluisha mukelenge wa ku sude, nênze bu mudi mutshima wandi musue; kakuena muntu udi mua kumutantamena. Neimane biandi mu buloba bulengele, neabubutule ne tshianza tshiandi.

Danyele 11:21

Muntu udi bakuabo bahetula neahingane mu muaba wandi, wakadibo kabayi banze kunemeka bu mukelenge; yeye neamueneke mu tshikondo tshidi bantu basombe talalâ, neahete bukelenge ku mei andi a lubombo.

Danyele 7:8

Hanakadi ngela meji a nsengu ei, ekumona, munkatshi muai muakamena lusengu lukuabo, lusengu lukese mene; ku mpala kualu bakatula nsengu isatu ya diambedi ne bitaku biai! Monai! Ku lusengu elu kuakadi mesu bu a muntu, mukana muakadi muamba mei a diambu.

Zekâya 7:14

Nakabatangadisha mu nvunde munkatshi mua bisamba bionso biakadibo kabayi banze kumanya. Nunku buloba buakumukabo buakabutudibua ku nyima kuabo, kakuakadi muntu wakayamu anyi wakafumamu; buloba buakadi busankisha mitshima ya bantu buakakudimuka tshikulu.