Danyele 8:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nakatangila tshimpanga tshituta nsengu ku luseke lua wesete, lua nôde ne lua sude; kakuakadi nyama mikuabo yakamanya kua kuimana ku mpala kuatshi, kakuakadi munga wakamanya mua kuhandishibua ku bukole buatshi; kadi tshiakenza bu muakasuatshi kuenza, tshiakadibandisha kabidi.

MUKANDA WA MYIDI MUKULU

⁴ Meme kumona tshimpanga tshikuma nsengu ku luseke ludi diba dibuelela, ku luseke ludi ku mutu ne lua kuinshi kua ditunga. Kakutua nyama mukuabu utua mua kutshituila nkanana. Kakuvua muntu utua mua kudipandisha ku bumfumu buatshi. Tshimpanga atshi tshitua tshienza muatshi mutuatshi tshisue. Bukole buatshi buvua buenda budiunda.

Danyele 8:4 ပူးပေါင်းရင်းမြစ်များ

1 Bakalenga 22:11

Sedekiya, muana wa Kenana, wakadienzela nsengu ya biamu, wakamba ne, Yehowa udi wamba ne, Wewe neusekile nʼai Bena Sulia tô ne hajiminabo.

Yobe 10:7

kadi wewe udi mumanye ne, Tshiena muntu mubi; ne kakuena muntu udi mumanye mua kunsungila mu tshianza tshiebe.

Misambu 44:5

Ku dikuatshisha diebe tudi mua kushindika badi nʼetu lukuna hanshi. Mu dina diebe tudi mua kudiata badi babika kutuluisha muinshi mua makasa etu.

Misambu 50:22

Telejai matshu enu ku dî edi, nuenu badi bahua Nzambi muoyo, bua meme tshinuhandi bihesa bihesa, kakuena wa mua kunuhandisha!

Misambu 7:2

Bua kabampandi bu mudi nyama wa ntambue mua kuenza, badi bantuanya bihesa bihesa handi tshiyi ne musungidi.

Yezekiyele 34:21

Bualu bua nudi nusakila ne lubese ne diaha ne nudi nutua mikoko mitekete nsengu yenu, tô ne hanuayitangadisha mu miaba mikuabo,

Danyele 11:16

Kadi yeye eu, udi ulua kuluisha mukelenge wa ku sude, nênze bu mudi mutshima wandi musue; kakuena muntu udi mua kumutantamena. Neimane biandi mu buloba bulengele, neabubutule ne tshianza tshiandi.

Danyele 11:36

Mukelenge au nênze bu mudi mutshima wandi musue; neadinemeshe, neadibandishe ba mutu ba nzambi yonso, neadiule Nzambi wa nzambi ne mei adi matambe bubi. Neatute dikasa dimpe tô ne hashika tshiji tshia Nzambi, bualu bua malu akahangidisheye nênjibue.

Danyele 5:19

Bua bunene buakamuhesheye, bantu ba bisamba bionso ne ba mu miaku yonso bakazakala ku mpala kuandi ne bakamutshina. Bakasueye kushiha, wakabashiha; bakasueye kushiya ne muoyo, wakabashiya ne muoyo; bakasueye kubandisha, wakababandisha; bakasueye kuhuekesha, wakabahuekesha.

Danyele 5:30

Mu butuku abu mene Beleshasâ, mukelenge wa Bena Kasada, wakashihibua.

Danyele 7:5

Monai! Nyama muibidi wakadiku, mufuanangane ne nyama wa ours, wakadi mulale kabese, wakadi ne mifuba ya mbavu isatu mukana muandi mikuata ku menu andi; bakamuela dî ne, Juka, udie munyinyi wa bungi.

Danyele 8:7

Nakamumona ufika hehi ne tshimpanga, wakatshifuila tshiji tshikole, wakabunda tshimpanga, wakatshibula nsengu yatshi ibidi. Tshimpanga katshiakadi ne bukole kabidi bua kuimana ku mpala kuandi, kadi mpumbu wakatshituta hanshi, wakatshidiata. Kakuakadi munga wakamanya mua kuhandisha tshimpanga ku bukole bua mpumbu.

Mika 5:8

Difuka dia Yakoba nedikale munkatshi mua bisamba bia bantu, munkatshi mua bisamba bia bungi, bu nyama wa ntambue munkatshi mua nyama ya muitu, bu muana wa ntambue munkatshi mua bisumbu bia mikoko; yeye mene, biahiteye munkatshi muai, udi widiata, udi wisunsula, ne kakuena muntu wayihandisha.

Dielulula 33:17

Butumbi buandi budi bu muanʼa bute wa ngombe, nsengu yandi idi bu nsengu ya ngombe wa mu mpata; yeye neatue bantu bonso ba ha buloba nsengu yandi, ne ba binunu makumi bia bantu ba mu Efelayima ne binunu bia bantu ba mu Manashe.