Danyele 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

MUKANDA WA MYIDI MUKULU

² Ke tshimvua mumone etshi: Mvua mu Shushane, tshimenga tshikulu tshia ditunga dia Elame, ku muelelu wa mukidi udi dina dia Ulayi.

Danyele 8:2 ပူးပေါင်းရင်းမြစ်များ

Genese 10:22

Bana balume ba Sheme badi nunku Elama ne Ashû ne Âpakashada ne Luda ne Alama.

Genese 14:1

Mu matuku a Amalafele, mukelenge wa Shinâ, ne Ayoka, mukelenge wa Elasa, ne Kedôlaome, mukelenge wa Elama, ne Tidala, mukelenge wa Goyima,

Nehemya 1:1

Mei a Nehemiya, muana wa Hakaleya. Mu ngondo wa Kiseleu mu tshidimu tshia makumi abidi hanakadi mu Shushana, nsubu wa mukelenge,

Estere 1:2

mu matuku au mene hakashikama Ahashawelosha mu nkuasa wa bukelenge buandi wakadi mu nsubu wandi wa mu Shushana,

Estere 2:8

Nunku hakunvuabo mukenji wa mukelenge ne dî diandi, ne hakasangishabo bansongakashi ba bungi mu nsubu wa mukelenge wa mu Shushana mu bianza bia Hegai, Esetê wakadi mufidibue mu nsubu wa mukelenge; bakamufila mu bianza bia Hegai, mulami wa bakashi.

Estere 3:15

Bena mikanda bakaya lubilu bua mukenji wa mukelenge, ne mukenji wakaledibua mu nsubu wa mukelenge wa mu Shushana. Mukelenge ne Hamana bakashikama bua kunuabo nvinyo, kadi bonso ba mu musoko wa Shushana bakadi bakema.

Estere 7:6

Esetê wakamba ne, Muhumbishi ne muena lukuna wetu udi muntu eu mubi Hamana mene. Hashishe Hamana wakatamba kutshina ku mesu kua mukelenge ne kua mukelenge mukashi.

Estere 8:15

Môdekai wakumuka ku mesu kua mukelenge muluate bilulu bia bleu ne bitoke bia bukelenge, ne tshifulu tshia butumbi tshia or, ne tshikowelu tshikunzubile tshia bilulu bia lin; bena musoko bakadi mu Shushana bakela mbila, bakasanka.

Estere 9:11

Mu dituku adi bakamanyisha mukelenge bua bungi bua bantu bakashihabo mu nsubu wa mukelenge wa mu Shushana.

Estere 9:15

Bena Yuda ba mu Shushana bakadisangisha mu dituku dia dikumi ne anai dia ngondo wa Adâ, bakashiha bantu balume ba mu Shushana nkama isatu; kadi kabakahaula bintu biabo.

Yeshaya 11:11

Mu dituku adi Mukelenge neolole tshianza tshiandi tshiakabidi bua kuhikuleye difuka dia bantu bandi badi mu Ashû, mu Ejipitu, mu Patelosa, mu Atiopa, mu Elama, mu Shinâ, mu Hamata ne mu maloba adi ku muelelu wa mai manene.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Yirmeya 25:25

ne bakelenge bonso ba Zimeli ne bakelenge bonso ba Elama ne bakelenge bonso ba Bena Madai;

Yezekiyele 1:1

Mu tshidimu tshia makumi asatu, mu ngondo muinai, mu dituku ditanu dia ngondo, hanakadi munkatshi mua bahika ku muelelu wa musulu wa Kebâ, diulu diakabuluka, ne nakamona bikena kumona bia Nzambi.

Yezekiyele 32:24

Elama udiku ne tshisumbu tshionso tshia bantu bandi bavule tshinyunguluka lukita luandi; buonso buabo bashihibue, bashihibue ku muele wa nvita, bahueke mu ndondo wa buloba kabayi banze kutengudibua, bakadi bakuatshisha ba ha buloba bakadi ne muoyo buowa; badi badituadila bundu buabo diatshimue ne bantu badi bahueka mu Dina dia Bafue.

Danyele 10:4

Mu matuku makumi abidi ne anai a ngondo wa kumudilu, hanakadi ku muelelu wa musulu munene wa Hidekela,

Danyele 7:15

Meme, Danyele, mutshima wanyi wakalubakana munda muanyi, bikena kumona bia ku mutu wanyi biakankuatshisha buowa.

Danyele 7:2

Danyele wakamba ne, Nakadi ntangila mu tshikena kumona tshianyi butuku, ekumona, mpehele inai ya mu diulu yakaheha ha mutu ha mai manene.

Danyele 8:1

Mu tshidimu tshisatu tshia bukokeshi bua mukelenge Beleshasâ tshikena kumona tshiakamueneka kundi meme Danyele, bu muakamuenekatshi kundi ku tshibangidilu.

Danyele 8:3

Nakabanduluka, nakatangila, ekumona, tshimpanga tshiakadi ne nsengu ibidi tshiakimana ku muelelu wa musulu. Nsengu ei yakadi mile, kadi lumue luakahita lukuabo bule, ne lusengu alu luhite bule luakamena ku nyima kua lukuabo.

Dibadika 12:6

Yeye wakamba ne, Unvuai mei anyi, bikala muprofete munkatshi muenu, meme Yehowa nendimanyishe kudiye mu tshikena kumona, meme nensombe nʼandi mu tshilota.

Ebrewu 1:1

Nzambi, mumane kuambila batatu mei andi kudi baprofete bandi kale mu bituha bia bungi ne mu biambidi bia bungi,

Didimanyisha 9:17

Nunku, nakamona tubalu mu tshikena kumona, ne bakadi bashikama ha nyima hatu, bikala ne bibuikilu bia ha tshiadi bikunzubile, ne bia lubidibidi lua soufre; ne mitu ya tubalu idi bu mitu ya nyama ya ntambue, ne mukana muatu mudi muhatuka kahia ne muinshi ne soufre.