Danyele 7:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nakasua kumanya kabidi bualu bua nsengu ai dikumi yakadi ha mutu handi, ne be lusengu alu lukuabo luakamenabu, bakatulabo nsengu mikuabo isatu ku mpala kualu, lusengu alu mene luakadi ne mesu, ne mukana muamba mei a diambu, luakadi luhite mikuabo bunene.

MUKANDA WA MYIDI MUKULU

²⁰ Mvua musue kumanya bualu bua nsengu dikumi ivua nayi nyama ku mutu; lusengu lukuabu luvua lumena, lutula nsengu mikuabu isatu. Lusengu alu luvua ne mesu, kabidi ne mukana muvua muakule miaku ya ditambisha. Luvua lumueneka bu lupite nsengu mikuabu bunene.

Danyele 7:20 ပူးပေါင်းရင်းမြစ်များ

Danyele 7:11

Hanakadi ntangila, bualu bua mei a diambu akambabo kudi lusengu, bakashiha nyama au, bakabutula mubidi wandi, bakaufila bua kûshidisha mu kahia.

Danyele 7:19

Hashishe, nakasua kumanya dî dia bushuwa bualu bua nyama au muinai wakadi mushilangane ne mikuabo yonso, uhita kukuatshisha bantu buowa, muikale ne menu a tshiamu tshifike ne nzadi ya tshiamu tshia mitaku; wakadia bintu biakakuateye, wakabitshibula bituha bituha, wakadiata bikuabo muinshi mua makama andi.

Danyele 7:21

Nakamona lusengu alu luluangana ne bansanto, lubahita bukole

Danyele 7:23

Yeye wakangambila ne, Nyama eu muinai neikale bukelenge buinai ha buloba budi bushilangana ne makelenge makuabo onso. Nebubutule buloba bujima, nebubudiatakashe mu makasa, nebubusunsule.

Danyele 7:7

Hashishe, mu bikena kumona bia butuku nakamona nyama muinai, wakadi ukuatshisha bantu buowa ne wakadi ne luonji lukole, muhite bukole, muikale ne menu manene a tshiamu tshifike. Wakadia bintu biakakuateye, wakabitshibula bituha bituha, wakadiata biakashala muinshi mua makama andi. Wakashilangana ne nyama mikuabo yonso yakadi ku mpala kuandi, wakadi ne nsengu dikumi.

Danyele 7:8

Hanakadi ngela meji a nsengu ei, ekumona, munkatshi muai muakamena lusengu lukuabo, lusengu lukese mene; ku mpala kualu bakatula nsengu isatu ya diambedi ne bitaku biai! Monai! Ku lusengu elu kuakadi mesu bu a muntu, mukana muakadi muamba mei a diambu.

Didimanyisha 12:3

Ne tshimanyinu tshikuabo tshiakamuenebua mu diulu; ne mona, dragon mukunze, muikale ne mitu muanda mutekete ne nsengu dikumi, ne bifulu bia butumbi muanda mutekete ha mitu handi.