Danyele 7:2 - Mukanda wa Nzambi Dihungila Dikulukulu ne Dihungila Dihia-dihia 2003

² Danyele wakamba ne, Nakadi ntangila mu tshikena kumona tshianyi butuku, ekumona, mpehele inai ya mu diulu yakaheha ha mutu ha mai manene.

MUKANDA WA MYIDI MUKULU

² “Butuku mvua mumone Mvidi Mukulu undeja lupepele lufumina ku ntengu inayi ya buloba, lupepa pa mayi manene.

Danyele 7:2 ပူးပေါင်းရင်းမြစ်များ

Yeshaya 17:12

Aka! Mutoyi wa bantu ba bungi udiku, badi bahisha mutoyi udi bu tshiona tshia mai manene! Diyoyo didiku dia luendu lukole lua bisamba bia bantu badi benda lubilu bu mudi dihueka dia lukasa dia mai mahita bungi!

Yirmeya 49:36

Nentumine Elama mpehele mai ya ku nseke mai ya diulu, nembatangadishe ku mpehele ei yonso, kakuena kuikala tshisamba tshidibo kabayi bafika kudi badibo bihata mu Elama.

Yirmeya 51:42

Mai manene akabanda ha mutu ha Babulona, wakubuikidibua ne kuelangana kua mambuanka a bungi.

Danyele 11:4

Hatantamaneye, nebanyenge bukelenge buandi, nebabutahulule tô ne ku mpehele inai ya mu diulu; kadi kabena babuhiana kudi bana bandi, kabuena buikala ne bukole buakadibu nʼabu hakadiye ubukokeshe; bualu bua nebabuangate, nebabuheshe banga bantu badi kabayi ba munkatshi mua bantu bandi.

Danyele 2:19

Hashishe, bualu ebu busokoka buakasokolodibua kudi Danyele mu tshikena kumona butuku. Mu diba adi Danyele wakatumbisha Nzambi wa mu diulu.

Danyele 7:13

Nakatangila mu bikena kumona butuku kabidi, ekumona, mukuabo mufuane muana wa muntu ulua mu matutu a mu diulu, wakafika kudi Wa Kale wa Matuku a Bungi, bakafua nʼandi ku mpala kuandi.

Danyele 7:7

Hashishe, mu bikena kumona bia butuku nakamona nyama muinai, wakadi ukuatshisha bantu buowa ne wakadi ne luonji lukole, muhite bukole, muikale ne menu manene a tshiamu tshifike. Wakadia bintu biakakuateye, wakabitshibula bituha bituha, wakadiata biakashala muinshi mua makama andi. Wakashilangana ne nyama mikuabo yonso yakadi ku mpala kuandi, wakadi ne nsengu dikumi.

Danyele 8:2

Nakamona malu â mu tshikena kumona; hanakâmona, nakamanya ne, Ndi mu Shushana, luhangu lunene lua mukelenge lua mu province wa Elama; mu tshikena kumona atshi nakadimona hehi ne musulu wa Ulai.

Danyele 8:8

Mpumbu wa mbushi Wakenza malu mahite bunene; kadi hakahiteye bukole, lusengu alu lunene luakatshibuka, mikuabo mai yakamena mu muaba walu, mitangilangane ne mpehele inai ya mu diulu.

Zekâya 6:5

Muanjelo wakangandamuna ne, Ebi bidi makalu adi aya ku mpehele mai ya diulu mimane kudimuenesha ku mpala kua Mukelenge wa buloba bujima.

Matayi 24:31

Yeye neatume banjelo bandi ne mpungi wa dî dikole, nebasangishe bakusunguleye ba ku mpehele inai, kunfudilu kukuabo kua diulu tô ne kukuabo.

Didimanyisha 17:15

Yeye wakungambila ne, Mai awakatangila, kudi mukashi wa masandi ushikama, adi bantu ne bisumbu bia bantu, ne bisamba, ne miaku.

Didimanyisha 7:1

Ku nyima kua bualu ebu nakatangila banjelo banai bimana ku matengu anai a buloba, bakuate mpehele mai ya buloba, bua luhehele kaluhehi ha buloba, anyi ha mai manene, anyi ha mutshi.