Danyele 7:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshia kumudilu tshia bukokeshi bua Beleshasa, mukelenge wa Babulona, Danyele wakalota tshilota, wakamona bikena kumona ku mutu wandi hakadiye mu bulalu buandi; hashishe, wakafunda tshilota tshiandi, utela malu onso akamoneye.

MUKANDA WA MYIDI MUKULU

¹ Tshidimu tshia kumpala tshia bukalenga bua Baltazare mu ditunga dia Babilone, Daniyele kulota. Pawaye mu bulalu, muoyi kumupampakana bikole, bua malu awa Mvidi Mukulu mumuleje. Pashishe Daniyele kufunda tshilota tshiende muvuaye mutshimone nunku:

Danyele 7:1 ပူးပေါင်းရင်းမြစ်များ

Genese 15:1

Hakashika malu a, dî dia Yehowa diakalua kudi Abalama mu tshilota ne, Abalama kutshinyi, meme ndi ngabu webe ne difutu diebe ditambe bunene.

Genese 46:2

Nzambi wakambila Isalele mu bikena kumona mu butuku ne, Yakoba, Yakoba Yeye wakitaba ne, Ndiku.

Yobe 4:13

Mu meji a ku bikena kumona bufuku, hadi tulu tukole tukuata bantu,

Yeshaya 30:8

Ya biebe mpindiu, funda dî edi ha dibue ku mpala kuabo, udifunde mu mukanda kabidi, bua dikaleku mu matuku adi kâyi manji kulua, bu tshimanyishilu tô ne tshiendelele.

Yeshaya 8:1

Yehowa wakangambila dî ne, Udiangatshile dibue dinene, ufundehu ne maleta adi muntu yonso mumanye mua kubala ne, Kuhaula-kua-bintu-kudi-kulua-lubilu, Kunyenga-kua-bintu-kudi-kudiendesha-lukasa.

Yirmeya 23:28

Muprofete udi ulota tshilota aule tshilota tshiandi: muntu udi ne dî dianyi ambile dî dianyi ne mutshima mutoke. Yehowa udi ukonka ne, Bisonsa bidi ne maminu a blé mudimu kai?

Yirmeya 27:7

Ba mu bisamba bionso nebamukuatshile mudimu ne muanʼandi mulume, muana wa muanʼandi mulume, tô ne hakumbana tshikondo tshia buloba buandi bua kufuabu; hashishe ba mu bisamba bia bungi ne bakelenge banene nebamuvuishe biandi muhika wabo.

Yirmeya 36:32

Hashishe, Yelemiya wakangata mukanda mukuabo, wakaha Baluka, muana wa Neliya, wakafundamu mei akaluhuka mukana mua Yelemiya, mei onso akadi mu mukanda wakoshabo mu kahia kudi Yehoyakima, mukelenge wa Yuda. Baluka wakasangishamu mei makuabo a bungi mafuanangane ne a diambedi.

Yirmeya 36:4

Nunku Yelemiya wakabikila Baluka, muana wa Neliya; ne Baluka wakafunda mei onso a Yehowa akunvueye mukana mua Yelemiya mu mabeshi a mukanda muvungulula.

Yezekiyele 1:1

Mu tshidimu tshia makumi asatu, mu ngondo muinai, mu dituku ditanu dia ngondo, hanakadi munkatshi mua bahika ku muelelu wa musulu wa Kebâ, diulu diakabuluka, ne nakamona bikena kumona bia Nzambi.

Yezekiyele 40:2

Mu bikena kumona bia Nzambi yeye wakalua nʼanyi mu buloba bua Isalele, wakanshikika ha mutu ha mukuna mule mule, kuakadi nsubu muidikishe hanshi bu musoko ku luseke lua sude.

Danyele 1:17

Nzambi wakaha bansongalume aba banai meji ne lungenyi mu diyila dia mikanda yonso ne mu meji makuabo; ne Danyele wakadi ne lungenyi lua kujingulula bikena kumona bionso ne bilota.

Danyele 2:1

Mu tshidimu tshibidi tshia bukokeshi bua Nebukadenesâ, yeye Nebukadenesâ wakalota bilota; mutshima wandi wakahampakana, kakadi ne tulu ku mesu.

Danyele 2:26

Mukelenge wakebesha Danyele, wakadibo babikila ne Beleteshasâ, ne, Wewe udi mua kummanyisha tshilota tshinakulota ne dijingulula diatshi, anyi?

Danyele 4:13

Mu bikena kumona bia ku mutu wanyi binakadi nʼabi mu bulalu buanyi nakatangila, ekumona, mutangidi, muntu wa tshijila, uhueka hanshi, mufume mu diulu.

Danyele 4:5

Nakalota tshilota tshiakankuatshisha buowa; meji anakadi ngela munda ha bulalu buanyi ne bikena kumona binakamona ku mutu wanyi biakantatshisha.

Danyele 5:1

Mukelenge Beleshasâ wakalambishila miloho yandi tshinunu bidia bia disanka bia bungi, wakanua nvinyo ku mpala kua bantu aba tshinunu.

Danyele 5:22

Ne wewe muanʼandi, Beleshasâ, kuena muanji kudihuekesha, nansha wewe mumanye malu au onso.

Danyele 5:30

Mu butuku abu mene Beleshasâ, mukelenge wa Bena Kasada, wakashihibua.

Danyele 7:13

Nakatangila mu bikena kumona butuku kabidi, ekumona, mukuabo mufuane muana wa muntu ulua mu matutu a mu diulu, wakafika kudi Wa Kale wa Matuku a Bungi, bakafua nʼandi ku mpala kuandi.

Danyele 7:15

Meme, Danyele, mutshima wanyi wakalubakana munda muanyi, bikena kumona bia ku mutu wanyi biakankuatshisha buowa.

Danyele 7:7

Hashishe, mu bikena kumona bia butuku nakamona nyama muinai, wakadi ukuatshisha bantu buowa ne wakadi ne luonji lukole, muhite bukole, muikale ne menu manene a tshiamu tshifike. Wakadia bintu biakakuateye, wakabitshibula bituha bituha, wakadiata biakashala muinshi mua makama andi. Wakashilangana ne nyama mikuabo yonso yakadi ku mpala kuandi, wakadi ne nsengu dikumi.

Danyele 8:1

Mu tshidimu tshisatu tshia bukokeshi bua mukelenge Beleshasâ tshikena kumona tshiakamueneka kundi meme Danyele, bu muakamuenekatshi kundi ku tshibangidilu.

Yowele 2:28

Ku nyima kua malu â nengitshikishile bantu bonso Nyuma wanyi; bana benu ba balume ne bana benu ba bakashi nebambe malu adi kâyi manze kulua, bakulumpe benu nebalote bilota, bansongalume benu nebamone bikena kumona.

Amosa 3:7

Bulelela, Yehowa Nzambi kena wenza bualu, bikaleye kayi muanji kubusokoluela bantu bandi baprofete diambedi.

Abakuke 2:2

Hashishe, Yehowa wakangitaba ne, Funda tshikena kumona ha dibeshi dinene hatoke tô, bua muntu udi ubala amanye mua kutshibala lubilu.

Dibadika 12:6

Yeye wakamba ne, Unvuai mei anyi, bikala muprofete munkatshi muenu, meme Yehowa nendimanyishe kudiye mu tshikena kumona, meme nensombe nʼandi mu tshilota.

Rome 15:4

Bua malu onso akafundabo diambedi akafundibua bua kutuyisha, bua tuetu tuikale ne ditekemena bua ditantamana dietu ne bua busambi bua mu Mukanda wa Nzambi.

2 Korente 12:1

Ndi ne bualu bua kuditumbisha, kadi bualu ebu kabuena bunkuatshisha; kadi nenuambile bua bikena kumona ne kubuluibua kua malu a Mukelenge.

Didimanyisha 1:19

Nunku, ufunde malu awakatangila, ne malu adiku, ne malu adi amba kulua ku nyima kuau:

Didimanyisha 10:4

Ne hakakula mikungulu muanda mutekete, nakadi ngamba kufunda, ne nakunvua dî difuma mu diulu diamba ne, Teka tshimanyishilu ku malu akamba mikungulu muanda mutekete, kuafundi nasha.