Danyele 2:31 - Mukanda wa Nzambi Dihungila Dikulukulu ne Dihungila Dihia-dihia 2003

³¹ Wewe, mukelenge, wakatangila, ekumona, luhingu lunene! Luhingu alu luakadi lunene be ne luakadi lukenka ne dinkenke dikole, luakimana ku mpala kuebe; tshinfuanyi tshialu tshiakakukuatshisha buowa.

MUKANDA WA MYIDI MUKULU

³¹ “Mukalenga, tshiuvua mumone ntshietshi: Kumpala kuebe kuvua lupingu lunene, lupite bunene, bikenka bikole, lukuatshisha bowa.

Danyele 2:31 ပူးပေါင်းရင်းမြစ်များ

Yeshaya 13:11

Nenkengeshe ba ha buloba bua bubi buabo, ne bantu babi bua malu mabi abo; nempuwishe kudilesha kua badi badisue, nempuekeshe kudibandisha kua bakokeshi badi bakengesha bantu babo.

Yezekiyele 28:7

nunku nenkutumine bantu ba bende bua kukuluishabo, bobo mene badi bahita ba mu bisamba bikuabo kukuatshisha bantu buowa; nebahatule miele yabo ya nvita bua kujimisha bulengele bua lungenyi luebe, nebanyange butumbi buebe.

Danyele 2:36

Ke muakadi tshilota nanku; netulonde dijingulula diatshi ku mpala kua mukelenge.

Danyele 2:37

Wewe, mukelenge, udi mukelenge wa bakelenge, udi Nzambi wa mu diulu muhe bukelenge, bukokeshi, bukole ne butumbi.

Danyele 3:1

Mukelenge Nebukadenesâ wakenza luhingu lua tshiamu tshia or, bule bualu buakadi coudées makumi asambombo, butshiama bualu buakadi coudées isambombo. Wakaluimanyika ku mpata wa Dula mu province wa Babulona.

Danyele 4:36

Mu diba adi mene meji anyi akahingana kundi; ne bua butumbi bua bukelenge buanyi, buneme buanyi ne butumbi buanyi biakahingana kundi. Bena meji banyi ne miloho yanyi hakalua kundomba lungenyi. Nakajadikibua mu bukelenge buanyi, ne butumbi buanyi buakahita bua diambedi bunene.

Abakuke 1:7

Badi bazakasha mitshima ya bantu ne badi babakuatshisha buowa; dikosa diabo dia bilumbu ne kudibandisha kuabo bidi bifuma munda muabo nkayabo.

Matayi 4:8

Diabolo kabidi wakaya nʼandi ku mutu kua mukuna wakadi mule be, wakamulesha makelenge onso a ha buloba ne butumbi buau;

Luke 4:5

Diabolo wakabanda nʼandi, wakamulesha makelenge onso a ha buloba tshikondo tshimue.