Danyele 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ bansongalume badi kabayi ne tshilema hamʼbidi habo, badi ne mpala milengele, meji makane a ngenyi yonso, bayishibue meji, bajingulule lungenyi lua malu onso, bakumbane biabo bua kukuata mudimu mu nsubu wa mukelenge; bua yeye amanye mua kubayisha mikanda ne muaku bia Bena Kasada.

MUKANDA WA MYIDI MUKULU

⁴ Nsongalume ayi ikale ne bukole bua mubidi, kayiyi ne bulema pambidi, ya mubidi mulenga, ya bukole, ya meji, ya dimanya dikumbane, ne ya lungenyi lutue lua kujingulula nalu malu, bua benzele mukalenga mudimu mu nzubu wende wa bukalenga. Nebabalongeshe mua kuakula ne kufunda muakulu wa bena Babilone.

Danyele 1:4 ပူးပေါင်းရင်းမြစ်များ

Genese 41:46

Yosefe wakadi ne bidimu makumi asatu hakimaneye ku mpala kua Palo, mukelenge wa Ejipitu. Yosefe wakumuka ku mpala kua Palô, wakendakana mu buloba bua Ejipitu buonso.

2 Samuele 14:25

Kakuakadi muntu mukuabo wakatumbishabo mu Isalele bua bulengele buandi bu Abashaloma; bualu bua yeye kakadi ne katoba kakese mu lubombo lua mutu wandi tô ne munda mua makasa andi.

Nsumuinu 22:29

Udi utangila muntu udi wenza mudimu wandi ne lungenyi, anyi? Yeye neimane ku mpala kua bakelenge, kena wimana ku mpala kua bantu bahuekele.

Muambi 7:19

Lungenyi ludi luvuisha bukole kudi muena meji, buhite bua bileba dikumi mu musoko.

Yeshaya 36:11

Hashishe Eleyakima ne Shebena ne Yoa bakambila Labashake ne, Tudi tukusengelela ne, Wakule ne bantu bebe mu muaku wa Bena Sulia, bualu bua tuetu tudi tûjingulula; kuakudi nʼetu mu muaku wa Bena Yuda mu matshu a bantu badi ha mutu ha lumbu.

Yirmeya 5:15

Yehowa udi wamba kabidi ne, Unvuai, nendue ne tshisamba tshidi kule bua kuluangana nʼenu, nuenu ba mu Bena Isalele. Tshidi tshisamba tshikele, tshidi tshisamba tshiakadiku kale, tshidi tshisamba tshidi ne muaku unudi kanuyi bamanye, tshidi tshisamba tshidi ne mei anudi kanuyi njingulula.

Danyele 2:10

Bena Kasada bakandamuna mukelenge ne, Kakuena muntu ha buloba udi mua kulesha mukelenge bualu ebu, bualu bua kakuena mukelenge, nansha bikaleye muntu muhite bunene ne bukole, ukadi muebeshe muena mbuku, mumanyi wa malu a mitoto, anyi Muena Kasada bualu bua nunku.

Danyele 2:2

Hashishe, mukelenge wakela dî bua kubikilabo batempi ba mbuku, bamanyi ba malu a mitoto, bena muhongo ne Bena Kasada, bua bobo bajinguluile mukelenge bilota biandi. Nunku bakabuela, bakimana ku mpala kua mukelenge.

Danyele 3:8

Mu diba adi Bena Kasada bakuabo bakasemena ha buihi, bakabanda Bena Yuda.

Danyele 4:7

Hashishe, bena mbuku, bena buloshi, Bena Kasada ne bamanyi ba malu a mitoto bakalua ku mpala kuanyi; nakabawila tshilota, kadi kabakamanya mua kummanyisha dijingulula diatshi.

Danyele 5:11

Muntu mukuabo udiku mu bukelenge buebe udi ne nyuma wa nzambi ya tshijila munda muandi. Mu matuku a tatuʼebe bakamusangana muikale ne munya, dijingulula dia malu, ne meji, bu meji a nzambi yetu mene. Mukelenge Nebukadenesâ, tatuʼebe mene, wakamuteka kahita ka batempi ba mbuku, bamanyi ba malu a mitoto, Bena Kasada ne bena meji bakuabo.

Danyele 5:7

Mukelenge wakela dî dikole ne, Balue ne bamanyi ba malu a mitoto, Bena Kasada, ne batempi ba mbuku. Mukelenge wakambila bena meji ba mu Babulona ne, Muntu yonso wabala tshifundu etshi, wandesha dijingulula diatshi nebamuluatshishe bilulu bikunzubile, nebamuele lukanu lua or mu nshingu muandi, nebamuteke bu muisatu munkatshi mua bakokeshi na bukelenge ebu.

Danyele 9:1

Mu tshidimu tshia kumudilu tshia bukokeshi bua Dayawesha, muana wa Ahashawelosha, wa tshisamba tshia Bena Madai, wakalelabo mukelenge ku mutu kua bukelenge bua Bena Kasada;

Zekâya 2:4

wakamuambila ne, Ya lubilu, ambila nsongalume eu ne, Yelushalema neikale ne bantu muomumue ne misoko idi kayiyi ne ngumbu, bualu bua bisumbu bivule bia bantu ne bia bimuna nebikalemu.

Bienzedi 7:20

Mu tshikondo etshi bakalela Mose, yeye wakadi muana muimpe be ku mesu kua Nzambi; bakamudisha ngondo isatu mu nsubu wa tatu wandi;

Bienzedi 7:22

Bakayisha Mose lungenyi luonso lua Bena Ejipitu; yeye wakadi mukole mu mei andi ne mu bienzedi biandi.

Efeze 5:27

bua yeye aditekele ekelesia ku mpala kuandi bu wa butumbi, kai ne ditoba ne mufudi anyi tshintu tshikuabo tshia nunku; kadi bua ekelesia ikale wa tshijila ne kai muhishibue.

Balombodi 8:18

Hashishe yeye wakambila Zêba ne Salemuna ne, Bantu banuakashiha ku Tabô bakadi ba mushindu kai? Bakamukudimuna ne, Bakadi bu wewe mene; muntu ne muntu bakadi bafuanangana ne bana ba mukelenge.