Bienzedi 28:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Hakatshiabu Paulo tshisumbu tshia nkunyi, hakatshieleye mu kahia, nyoka wakahatukamu bualu bua luiya lua kahia, wakalamata ku tshianza tshiandi.

MUKANDA WA MYIDI MUKULU

³ Polu kuangula nkunyi bua kuela mu kapia. Nyoka kupatukamu, unyema luya, kumusuma ku tshianza.

Bienzedi 28:3 ပူးပေါင်းရင်းမြစ်များ

Yobe 20:16

Udi unua lulengu lua nyoka ya mbanvu; ludimi lua nyoka wa ntoka ludi lumushiha.

Yeshaya 30:6

Dî dia tshijila bua nyama ya ku luseke lua Sude. Badi bahitshila mu buloba bua dikenga ne kanyinganyinga, kudi nyama wa ntambue mukashi ne nyama wa ntambue mulume, kudi kufuma nyoka wa ntoka ne nyoka wa kahia udi uhahala, badi batuala biuma biabo bidibo bateka ha nyima ha nkungulu ya mpunda, ne bintu biabo bia mushinga mukole ha nyama ya tumelo, baya nʼabi kudi bantu badi kabayi mua kubakuatshisha.

Yeshaya 41:24

Monai, nudi bintu bia hatuhu, ne mudimu wenu udi wa hatuhu; wanusungula udi muena tshinyangu.

Yeshaya 59:5

Badi batoya makela a nyoka wa dikala, badi baluka butande bua ntanda; wadia makela â udi ufua, ne dikela didi muntu ushiha didi ditoya nyoka wa dikala.

Amosa 5:19

Didi bu muntu munyeme nyama wa ntambue ne udi usambakena ne nyama wa nkashama! Anyi didi bu muntu mubuele mu nsubu muandi, muteke tshianza tshiandi ku tshimanu tshia nsubu, ne nyoka udi umusuma!

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Matayi 23:33

Nuenu nyoka, ne bana ba nyoka, nudi bamanye mua kuhanduka dihila dia mu Ngena munyi?

Matayi 3:7

Kadi hakamoneye Bafalese ba bungi ne Basadoke balua kubatijibua, yeye wakabakonka ne, Nuenu bana ba nyoka, wakunudimusha bua kunyema ku mulau ulualua nganyi?

Marke 16:18

nebakuate nyoka ne bianza, bianuabo tshintu tshia lufu, katshiena tshibasamisha; bialengabo badi ne masama bianza, nebasangale.

Bienzedi 28:2

Basenshi bakadi batutua luse lua bungi: bakatutemena kahia, bakatubikila buonso buetu, bualu bua nvula wakadi muloke ne bua mashika akadiku.

Bienzedi 28:4

Hakatangila basenshi nyoka mubi mulembelele ku tshianza tshiandi, bakambilangana ne, Bulelela, muntu eu udi mutahianganyi; wakuhanduka mu mai, kadi dilumbulula dilelela kadiena ditabusha bua yeye kuikala ne muoyo.

2 Korente 11:23

Bobo badi bena mudimu ba Kilisto, anyi? (Ndi ngakula bu muena kutshimbakana.) Meme ndi mubatambe; mu midimu mihite yabo bungi, mu nkanu misangu mitambe yabo bungi, mu mibundabunda mivule; nakadi hehi ne lufu misangu ya bungi.

2 Korente 6:9

bu bantu badi kabai bamanyibua, kadi tudi bamanyibua bimpe; bu bantu bafuafua, kadi monai, tudi ne muoyo; bu bakengeshibua, kadi katuena tushihibua;