Balombodi 18:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Hakadibo ha buihi ne nsubu wa Mika, bakamanya dî dia nsongalume, Muena Lewi; bakasemena ha buihi, bakamukonka ne, Wakalua nʼebe kunoko nganyi? Udi wenza tshinyi mu muaba eu? Wakadila tshinyi kunoko?

MUKANDA WA MYIDI MUKULU

³ Pavuabu muaba awu, kumvuabu nsongalume wa bena Levi wakula. Kumanyabu tshiakuidi tshiende. Kuyabu kukonka nsongalume awu ne: — Udi mukubikile muaba ewu nnganyi? Udi wenza tshinyi? Tshiudi musombele muaba ewu ntshinyi?

Balombodi 18:3 ပူးပေါင်းရင်းမြစ်များ

Genese 27:22

Yakoba wakasemena ha buihi ne Isaka tatuʼandi, yeye wakamulengela tshianza tshiandi, wakamba ne, Dî ndia Yakoba kadi bianza mbia Esau.

Yeshaya 22:16

Udi wenza tshinyi kunoko, ne udi ne muntu kai kunoko, bua wewe wakudiumbuila majambu? Wakudiumbuila majambu ha mukuna, wakadisongela muaba mu dibue bua yeye kulalamu!

Matayi 26:73

Hakahita tshituha tshihi, bakadi bimane ha buihi bakalua, bakambila Petelo ne, Bulelela, wewe udi wabo, bualu bua muaku webe udi ukusokolola.

Balombodi 12:6

bobo bakamuambila ne, Wambe biebe ne, Shiboleta; ne yeye wakamba ne, Siboleta, bualu bua yeye kakadi mua kuamba dî adi bimpe; hashishe bakamukuata, bakamushihela ku malobo a Yadene. Ku tshikondo atshi Bena Efelayima binunu makumi anai ne bibidi bakafua.

Balombodi 18:2

Bena Dana bakatuma bantu batanu ba mu meku abo, bena bukitu ba ku Solea ne ba ku Eshataola bua kutentekelabo buloba ne bua kubutangilabo. Bakabambila ne, Yai bienu, nutangile buloba; bakalua ku mikuna ya Efelayima ku nsubu wa Mika, bakalalaku,

Balombodi 18:4

Yeye wakabambila ne, Mika wakangenzela nunku ne nunku, wakambuesha mu mudimu, nakalua muakuidi wandi.