Balombodi 11:2 - Mukanda wa Nzambi Dihungila Dikulukulu ne Dihungila Dihia-dihia 2003

² Mukashi wa Gilada wakamulelela bana ba balume; hakakola bana ba mukashi wandi mene, bobo bakihata Yefeta, bakamuambila ne, Wewe kuena ne buhianyi mu nsubu wa tatu wetu, bualu bua wewe udi muana wa mukashi wa bende.

MUKANDA WA MYIDI MUKULU

² Mukaji wa Ngilaade wa ku nzubu, uvua mumulelele pende bana ba balume. Bana abu bamane kukola, kuipatabu Yefete, bamuamba ne: — Wewe kuena mua kupiana bintu bia tatu to, bualu udi muana wa mukaji mukuabu.

Balombodi 11:2 ပူးပေါင်းရင်းမြစ်များ

Genese 12:10

Tshiole tshiakadi mu buloba abu, ne Abalama wakaya mu Ejipitu bua kushikamamu bualu bua tshiole tshiakadi tshikole mu buloba abu.

Genese 21:10

Nunku yeye wakambila Abalahama ne, Wihate muhika eu ne muana wandi mulume bualu bua muana wa muhika eu kena mua kuhiana buhianyi muomumue ne muana wanyi Isaka mene.

Nsumuinu 2:16

Bua bualu ebu budi bua kukuhandisha mu bianza bia mukashi wa bende, mu bianza bia mukashi udi muena tshiendenda udi ukubomba ne mei andi.

Nsumuinu 5:20

Bua munyi, wewe muanʼanyi, mûdi ne bua kukuatshika ne dinanga dia mukashi wa bende, ne bua kuela tshituha mu tshiadi tshia muena tshiendenda?

Nsumuinu 5:3

Bua mishiku ya mukashi wa bende idi imata buitshi, mukana muandi mudi muhite manyi busenu.

Ngalate 4:30

Kadi Mukanda wa Nzambi udi wamba tshinyi? Udi wamba ne, Ihata mukashi muhika ne muanʼandi mulume: bualu bua muana wa mukashi muhika kena mua kuhiana bintu ne muana wa mukashi, muena budishikaminyi.

Dielulula 23:2

Muana wa masandi kabuedi mu disangisha dia bantu ba Yehowa; ne tunkanuniuna tuandi kaubuedi mu disangisha dia bantu ba Yehowa tô ne hahita bikondo dikumi.

Balombodi 11:1

Yefeta, Muena Gilada, wakadi muena nvita wa bukitu, wakadi muana wa mukashi wa masandi; Gilada wakalela Yefeta.

Balombodi 11:3

Hashishe Yefeta wakanyema ku mesu kua bana babo, wakashikama mu buloba bua Tobo; ne bantu ba hatuhu bakadisangishaku kudi Yefeta, bakaluhuka nʼandi.