Amosa 7:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mukelenge Yehowa wakandesha tshikena kumona etshi: Monai, yeye wakadi utuma mikumbi ku tshibangidilu tshia kutoloka kuibidi kua bia kudia; monai, kuakadi kutoloka kuakalonda bia kudia biakanowelabo mukelenge.

MUKANDA WA MYIDI MUKULU

¹ Teleja bivua Maweja-Nangila Mvidi Mukulu mundeje: meme kumona muvuaye mufuke mpasu mipite bungi. Bantu bakavua bamane kunowa bidibu ne bua kulambula mukalenga wa ditunga. Bisosa bi-kavua bituadija kutoloka tshiakabidi.

Amosa 7:1 ပူးပေါင်းရင်းမြစ်များ

Yeshaya 33:4

Nebasangishe bintu biwakunyenga mu nvita bu mudi meshi a mbudibudi adia bintu; bu mudi mikumbi yikila ha bintu, bantu nebadiele hamʼbidi habi.

Yirmeya 24:1

Yehowa wakahesha bihondo bibidi bia mamuma a nfigi biteka ku mbelu kua ntempelo wa Yehowa, hakadi Nebukadenesâ, mukelenge wa Babulona, mumane kuya ne Yekoniya, muana wa Yehoyakima, mukelenge wa Yuda, ne baminyampala ba mu Yuda ne bena mabaya ne batudi ba biamu, mumuke nʼabo ku Yelushalema, mulue nʼabo ku Babulona.

Yezekiyele 11:25

Hashishe nakambila bakadi mu buhika malu onso akandeshabo kudi Yehowa.

Yowele 1:4

Tshintu tshiakashiyabo kudi mukumbi udi ukosa ntshiakudiabo kudi mukumbi udi ulela bana bavule; tshidi mukumbi udi ulela bana bavule mushiye ntshiakudiabo kudi mukumbi udi utuhika; tshidi mukumbi udi utuhika mushiye ntshiakudiabo kudi mukumbi udi uhohola.

Yowele 2:25

Nennuhingashile bintu ha mutu ha bienu biakadiabo kudi mikumbi, kudi mukumbi udi utuhika, kudi mukumbi udi uhohola, ne kudi mukumbi udi ukosa, tshisumbu tshianyi tshinene tshia bena nvita tshinakatuma munkatshi muenu.

Amosa 4:9

Yehowa udi wamba ne, Nakanukengesha hanakafubisha midioko yenu ne butu; mikumbi yakadia madimi enu mavule a masolo ne madimi enu a tumuma tua nvinyo, mitshi yenu ya nfigi ne ya olive kabidi; kadi kanuakahingana kundi.

Amosa 7:4

Mukelenge Yehowa wakandesha tshikena kumona etshi: Monai, Mukelenge Yehowa wakela dî bua kutuma kahia; ne kakakamisha mai manene, kakadi kamba kuhidisha buloba kabidi.

Amosa 7:7

Yeye wakandesha tshikena kumona etshi: Monai, Yehowa wakadi muimane ha mutu ha lumbu luakaludikabo diambedi ne nshinga udi ne tshiamu tshia plomb, luidi elu lua plomb luikale mu tshianza tshiandi

Amosa 8:1

Mukelenge Yehowa wakandesha tshikena kumona etshi: Monai, tshibondo tshia mamuma mabobe.

Zekâya 1:20

Yehowa wakandesha batudi ba biamu banai.

Malaki 3:11

Yehowa wa misumba udi wamba ne, Nenkanyine mudi wa bia kudia, bua yeye kabutudi bintu bidi buloba buenu bumenesha; ne muonshi wenu wa tumuma mu budimi kawena uhohoka tumuma tua nvinyo hatshididi tubishe.