Abakuke 3:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa, tshiji tshiebe tshikatema kudi misulu, anyi? Wakadi ne mikuna tshiji, anyi? Njiya yakakukuata bua mai manene, bua wewe kuenda ha nyima ha tubalu tuebe, ne mu makalu ebe a luhandu, anyi?

MUKANDA WA MYIDI MUKULU

⁸ Maweja-Nangila, uudi mufikile munda nnganyi? Ke misulu iudi mutekele tshiji anyi? Ke mayi manene audi mufikile munda anyi? Udi ubanda pa mavuba, bu pa ditempu, didi nyama ya tubalu ikoka, bua uye kutshimuna baluishi.

Abakuke 3:8 ပူးပေါင်းရင်းမြစ်များ

Misambu 104:3

Udi ujadika makunshi a nsubu wandi wa mulu mu mai, udi uvuisha matutu bu dikalu diandi, udi wendakana ha mahuahua a luhehele.

Misambu 114:3

Mai manene akamona muanda eu, akanyema, musulu wa Yadene wakahingana tshianyima.

Misambu 114:5

Budi bukukuata ntshinyi, wewe mai manene, bua udi unyema? Ne wewe, Yadene, bua udi uhingana tshianyima?

Misambu 18:10

Wakenda mubande ha nyima ha mukeluba, wakahahala; e, wakaya lubilu ne mahuahua a luhehele.

Misambu 45:4

Mu butumbi buebe wende biebe utamba bukole mu nvita bua malu a bushuwa, a kalolo ne a buakane. Tshianza tshiebe tshia balume tshikuyishe bienzedi bidi bikuatshisha bantu buowa.

Misambu 68:17

Makalu a nvita a Nzambi adi binunu makumi abidi, adi binunu ha mutu ha binunu mene. Mukelenge udi munkatshi muau; ku Sinai udi mu muaba wandi wa tshijila.

Misambu 68:4

Imbilai Nzambi misambu, imbidilai dina diandi misambu ya kumutumbisha nʼai. Buwai nshila bualu bua yeye ulualua kuhita mu bihela; dina diandi nYehowa; tumbilai bienu ku mpala kuandi.

Misambu 77:16

Nzambi, mai akakutangila; mai akakutangila, akakuatshika buowa; e, ndondo wa mai wakakanka kabidi.

Ekesode 14:16

Wewe ubishe mujangala webe, wolola tshianza tshiebe ha mai, wahandulule, Bena Isalele nebaye munkatshi mua mai ha buloba bûme.

Ekesode 7:19

Yehowa wakela dî kudi Mose ne, Wambile Alona ne, Angata mulangala webe, olola tshianza tshiebe ha mutu ha mai a mu Ejipitu, ku mutu kua misulu yabo ne tusulu tuabo ne mashiba abo, mai onso akudimuke mashi, mashi neikale mu buloba bua Ejipitu buonso ne mu milondo ya mitshi ne mu milondo ya mabue.

Ekesode 7:20

Mose ne Alona bakenza bu muakamba Yehowa, Alona wakabisha mulangala, wakakuma mai akadi mu musulu, ku mesu kua Palô ne ku mesu kua bantu bandi, mai onso akadi mu musulu akakudimuka mashi.

Yeshaya 19:1

Di dia tshijila bualu bua Ejipitu. Monai, Yehowa udi wenda mubande ba ditutu didi diya lukasa, ne neafike ku Ejipitu. Mpingu ya mu Ejipitu neyizakale ku mpala kuandi, mitshima ya ba mu Ejipitu neyivingutuke munda muabo.

Yeshaya 50:2

Bualu kai, hanakulua, kakuakadi muntu bua kungakidila? Hanakukubikila, kakuakadi muntu bua kuitaba munyi? Tshianza tshianyi tshidi tshitamba buihi bua kukuhikula tshi, anyi? Tshiena ne bukole bua kukusungila, anyi? Tangila, ku kusamina kuanyi ndi ngumisha mai manene; ndi nvuisha misulu bu tshihela tshia lusenga; minyinyi yai idi inunka muhuya mubi bualu bua kakuena mai, idi ifua ne nyota.

Yeshaya 66:15

Bua, monai, Yehowa nealue mu kahia, ne makalu andi a nvita neâlue bu nvunde, bua kulesheye njiya yandi ne tshiji tshikole, ne kulesheye kubela kuandi ne ndimi ya kahia.

Nahume 1:4

Udi ubulukila mai manene, udi wakandisha, udi ukamisha misulu yonso Bashana ne Kâmele bidi bifuba, lutonga lua mu Lebanona ludi lufubidila.

Abakuke 3:15

Wewe wakadiatshisha tubalu tuebe ha mai manene, ha muenshi wa mai makole.

Marke 4:39

Yeye wakabika, wakabuikila luhehele, wakambila dishiha ne, Hua, talala talalâ. Luhehele luakalekela, muaba au wakatalala talalâ.

Didimanyisha 16:12

Muisambombo wakahongolola luhanza luandi ha musulu munene, Pelata; ne mai akadimu akûma bua nshila alongolodibue bua bakelenge badi bafuma kudi kuhatuka diba.

Didimanyisha 19:11

Nakatangila diulu dibululuke; ne mona, kabalu katoke, ne wakadi ushikama ba nyima haku wakabikidibua ne, Wa Kueyemena ne Mulelela; ne mu buakane buandi udi ulumbuluisha ne udi uluangana nvita.

Didimanyisha 19:14

Bena nvita ba mu diulu bakamulonda ba nyima ha tubalu tutoke, baluatshisha bilulu bia line bitoke ne bilengele.

Didimanyisha 6:2

Nakatangila ne, mona, kabalu katoke, ne wakadi ushikama ha nyima haku wakadi ne buta, ne bakamuhesha tshifulu tshia butumbi; ne wakahatuka, muikale mutambi, ne bua kutambeye bakuabo bukole.