Abakuke 3:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Wakahatuka biebe bua kuhandisha bantu bebe, bua kuhandisha muntu webe muedibue manyi ha mutu; wakatshibula musonga wa nsubu wa bantu babi, mumueneshe bishimikidi biandi hatoke tô ne ku mutu kua tshimanu.

MUKANDA WA MYIDI MUKULU

¹³ Kadi udi ufika bua kusungila bantu bebe, ne mukalenga uudi musungule, mujidile. Udi ushipa mukalenga wa tshisamba tshia bena buenzayi, ubutula kashidi bonsu badi bamulonda.

Abakuke 3:13 ပူးပေါင်းရင်းမြစ်များ

2 Samuele 5:20

Davidi Wakafika ku Bâla-pelasima; Davidi wakabashihelaku; wakamba ne, Yehowa wakahita bena lukuna banyi bukole ku mpala kuanyi, bu mudi mai ahita bintu bukole ku mpala kuau. Nunku wakidika muaba au ne, Bâla-pelasima.

Misambu 105:15

Wakamba ne, Kanulengi bantu banyi bedibue manyi ha mutu tshianza, kanuenzedi baprofete banyi bibi.

Misambu 105:26

Wakatumaku Mose muntu wandi, ne Alona wakasunguleye.

Misambu 110:6

Nealumbuluishe ba mu bisamba bia bantu, neûshe maloba abo tente ne bitalu. Neatekeshe badi ku mutu kua buloba butantakane.

Misambu 137:7

Yehowa, uvuluke muakenza Bena Edome mu dituku dia makenga a mu Yelushalema, bu muakambabo ne, Ubutulai! Ubutulai, tô ne ku bishimikidi biau!

Misambu 20:6

Katataka ndi mumanye ne, Yehowa neasungile wakueleye manyi ha mutu handi, neitabe kudiye ne ditaba difume mu diulu diandi dia tshijila, ku bienzedi bikole bia tshianza tshiandi tshia balume tshidi tshimusungila.

Misambu 28:8

Yehowa udi bukole bua bantu bandi, udi lumbu lua luhandu kudi wandi muedibue manyi ha mutu.

Misambu 68:7

Nzambi, hawakaluhuka bua kuya ku mpala kua bantu bebe, hawakenda uhitshila mu tshihela,

Misambu 77:20

Wakalombela bantu bu tshisumbu tshia mikoko, ku tshianza tshia Mose ne tshia Alona.

Misambu 99:6

Mose ne Alona bakadi munkatshi mua bakuidi bandi, Samuele kabidi wakadi munkatshi mua badi babikila dina diandi, bakadila kudi Yehowa, yeye wakabitaba.

Yeshaya 63:11

Hashishe, yeye wakavuluka matuku a kale, a Mose ne bantu bandi. Wakaluhula balami ba mikoko yandi mu mai manene udi kudi kunyi? Wakatuma Nyuma wandi Muimpe munkatshi muabo udi kudi kunyi?

Yeshaya 64:1

Nakadi kusua bua wewe ubande diulu, uhueke hanshi ha buloba bua mikuna ikanke ku mpala kuebe,

Yezekiyele 13:14

Nunku nenshimbule lumbu lunuakulaba lubemba, nenushimbule hanshi, bua bishimikidi bialu bimueneshibue hatoke tô; hashimbukalu, nuenu nenufue muinshi mualu; nunku nenumanye ne, Ndi Yehowa.

Amosa 9:1

Nakatangila Yehowa muimane ha buihi ne tshioshelu; yeye wakamba ne, Kuma ku mitu ya makunshi a ku bibuelelu bia nsubu bua azakale; wâtshibule bituha ha mitu ha bantu bonso; nenshihe bakuabo badi bashala ne muoyo ku muele wa nvita, kakuena umue wabo wanyema, kakuena umue wabo wahanduka.

Yoshua 10:11

Hakanyemabo ku mpala kua Bena Isalele, ne hakadibo bahueka ku tshibanda tshia Bete-holona tô ne ku Azeka, Yehowa wakahamatshishila mabue a nvula mu diulu ne bakafua: bantu bakafua ku mabue a nvula bakahita bungi bua bantu bakashihabo ku miele ya nvita kudi Bena Isalele.

Yoshua 10:24

Hakaluabo ne bakelenge aba batanu kudi Yoshua, Yoshua wakabikila balume bonso ba mu Isalele, wakambila tuhita tua bena nvita tuakadi nʼandi ne, Luai bienu ha buihi, diatai makasa enu ha nshingu ya bakelenge aba batanu. Bobo bakalua ha buihi, bakadiata makasa abo ha nshingu yabo.

Yoshua 10:42

Bakelenge aba bonso ne buloba buabo buonso Yoshua wakanyenga musangu umue, bualu bua Yehowa, Nzambi wa Isalele, wakadila Bena Isalele nvita.

Yoshua 11:12

Yoshua wakanyenga misoko yonso ya bakelenge aba ne bakelenge bai kabidi, wakabashiha ne muele wa nvita, wakababutula, bu muakamba Mose, muntu wa Yehowa.

Yoshua 11:8

Yehowa wakabafila mu bianza bia Bena Isalele, bakabashiha, bakabihata tô ne ku Sidona, musoko munene, ne ku Miselefota-mayima, ne ku tshibanda tshia Misepa tshia ku esete; bakabashiha tô, kabakashiya nansha umue.