Abakuke 2:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua dikuatshika diandi dia maluvu didi dimuvuisha umena dikamakama, muena dihetu udi kayi musue kushala kuandi; maluvu adi adiundisha lukuka luandi ku bunene bua Muaba wa Bafue, bu lufu ludi kaluyi mua kukuta; kadi yeye udi usangisha ba mu bisamba bionso ne udi ukungisha bantu bonso kudiye.

MUKANDA WA MYIDI MUKULU

⁵ Bushuwa, bubanji budi bufikisha bantu ku diakabi. Badi baditambisha kabena ne dikisha. Badi mukana buashi, bu dijimba dia bafue kadiyi diwula. Badi bu mudi lufu, ludi lubutula amu kubutula bantu. Ke mudi bena Babilone bakuata amu kukuata matunga, bua bantu bashale bapika babu kashidi.

Abakuke 2:5 ပူးပေါင်းရင်းမြစ်များ

2 Bakalenga 14:10

Bulelela, wewe wakuhita Bena Edome bukole, wakadibandisha mu mutshima webe, wakadisua; Shala biebe kuebe, uditumbishe nkayebe. Udi musue kudibuesha mu malu bua kudikengesha ne bua kuhona, wewe ne Bena Yuda hebe, bua tshinyi?

Misambu 138:6

Yehowa udi muhandishibue mulu, kadi udi umona bantu bahuekele; udi mumanye badi ne dihetu hatshidibo kule.

Nsumuinu 20:1

Nyinyo udi museki wa bantu, maluvu makole adi bu muena diyoyo; muntu yonso udi ubikuatshika kena ne meji.

Nsumuinu 21:24

Mubuidi ndina didibo binyika muntu udi ne dihetu ne didibandisha, udi wenza malu andi ne kudisua kuhite bukole.

Nsumuinu 27:20

Muaba wa Bafue ne wa Kubutuka kabiena biule kashidi; mesu a muntu kaena ûkuta kashidi.

Muambi 5:10

Wananga biuma kena usankishibua ku biuma; wananga bubanji kena ukuta bubanji; ebu mbualu bua hatuhu kabidi.

Yeshaya 14:6

bakadi bakuma bantu mu tshiji tshiabo, babakuma ne mikumu yakadi kayiyi ne ndekelu, bakadi bakokesha ba mu bisamba bia bantu ne luonji, babakengesha ne dikenga diakadi muntu kayi mua kukanda.

Yeshaya 16:6

Tuakunvua lumu lua diambu dia Moaba ne, Udi ne diambu dihita bukole. Tuakunvua lumu lua kudisua kuandi, lua dihetu diandi, ne lua dikamakama diandi; kufunafuna kuandi kudi bualu bua hatuhu.

Yeshaya 2:17

Diambu dia bantu nedihuekeshibue, kudisua kua bantu nekukeheshibue; anu Yehowa nkayandi neatumbishibue mu dituku adi.

Yeshaya 21:5

Badi balongolola mesa, badi bâdisha biata, badi badia, badi banua. Jukai, nuenu bana ba mukelenge, labai manyi ha ngabu!

Yeshaya 5:14

Nunku Muaba wa Bafue wakudiundisha kunvua kuau kua nzala, wakubutula mukana muau kamuyi ne nshikidilu, ne badi ne butumbi mu Yelushalema badi bahuekamu, tshisumbu tshiabo tshia bantu bangi, ne tshia badi babishamu diyoyo, ne muntu udi uditumbishamu.

Yeshaya 5:8

Mulau wikale kudi badi balamakasha nsubu ne nsubu, ne badi basangakasha budimi ku budimi, tô ne hikalaku kakuyi muaba, ne badi banushikamisha ha nkayenu munkatshi mua buloba!

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 50:29

Bikilai bananyi ba mata bua kuluisha Bena Babulona, bonso badi banana buta; babanyunguluke ne bitudilu bia bena nvita mu nseke yonso, muntu wandi umue kahanduki: Numufute bu mudi bienzedi biandi, bualu bua wakudibandisha ku mpala kua Yehowa, Wa Tshijila wa Isalele.

Yirmeya 51:39

Yehowa udi wamba ne, Huiwuabo luya lua nvinyo, nembalongoluele bidia bia disanka, nembakuatshishe maluvu, bua basanke biabo, balale tulu tua tshiendelele, kabayi batabale.

Abakuke 1:15

Yeye udi ukuata buonso buabo ne ndobo; udi ubakoka munda mua kahamba kandi bua kuya nʼabo, udi ubasangisha mu bukuondo buandi; nunku udi usanka ne udi utumba.

Abakuke 1:17

Yeye neananukile kuhumuna kahamba kandi tshiendelele ne kena ulekela kushiha ba mu bisamba bia bantu, anyi?

Abakuke 2:4

Monai, mutshima wa udi udibandisha kawena muakane munda muandi; kadi muntu muakane neikale ne muoyo bua lulamatu luandi.

1 Tesalonike 4:11

ne bua nuenu nukebe bikole bua kuikala talala, ne bua kuenza malu enu nkayau, ne bua kuenza mudimu ne bianza bienu bu mutuakanuambila;

Yakobe 4:6

Kadi yeye udi utuha ngasa muhite. Nunku Makanda wa Nzambi udi wamba ne, Nzambi udi uhidia badi badisue, kadi udi uha badi badihuekesha ngasa.