Abakuke 1:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Buonso buabo badi balua bua kuenza tshimbambila; badi batangisha mesu abo ku mpala, badi basangisha bena lukanu bakuatshibue mu nvita bu nsenga ya mu mai.

MUKANDA WA MYIDI MUKULU

⁹ Badi bafika ne tshinyangu bu mvunde, batangila kumpala ne lukuka, baboya bena lukanu bungi bu lusenga.

Abakuke 1:9 ပူးပေါင်းရင်းမြစ်များ

Genese 41:49

Yosefe wakasangisha matete bu bungi bua nsenga ya kukala kua mai manene, akatamba bungi, yeye wakalekela kua-bala, kabakamanya mua kuabala.

2 Bakalenga 12:17

Mu tshikondo atshi Hazaele, mukelenge wa Sulia, wakaya kuluangana ne bena musoko wa Gata, wakaunyenga; Hazaele wakatangila mpala wandi bua kuyeye ku Yelushalema.

Yobe 29:18

Hashishe, nakamba ne, Nenfuile mu nsubu muanyi; nenvudishe matuku anyi bu dinfuenkenya dia buloba;

Misambu 139:18

Bu meme muâbale, akadi kuhita lusenga bungi. Hanatabala, ntshidi nʼebe.

Yeshaya 27:8

Hawabihata, hawabatuma kukuabo, udi ufuilangana nʼabo; wakabumusha ne luhehele luandi lukole mu dituku diakafuma tshihehele ku luseke lua esete.

Yirmeya 15:8

Bakashi babo ba mu lufuila badi bahita nsenga ya mu mai manene bungi; nakubishila bakashi baledi ba bansongalume mushihianganyi munda munya. Nakubatumina kanyinganyinga ne buowa lukasa.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 34:22

Yehowa udi wamba ne, Monai, ndi ngela mukenji, nengahingashe ku musoko eu, nealuangane ne benʼau, neabatambe bukole, neawoshe ne kahia; ne nenvuishe misoko ya mu Yuda bu bikulu, kayiyi ne bantu.

Yirmeya 4:11

Mu tshikondo atshi nebambile bantu aba ne ba mu Yelushalema ne, Luhehele ludi luosha ludi lufuma ku miaba ya hatuhu ya ha mutu ha mikuna ya mu tshihela, nelufike kudi muana mukashi wa bantu banyi, kaluyi luhehula, kaluyi lutokesha.

Yirmeya 4:7

Nyama wa ntambue wakubandaku, mufume mu tshihuka muakadiye, mubutudi wa bisamba bia bantu; udi mu nshila wandi, muhatuke mu muaba wandi bua kuvuisha buloba buenu tshihela, bua misoko yebe ibutuke, ikale kayiyi ne bantu.

Yezekiyele 17:10

Bulelela, wakakunyibua, kadi udi mua kudiunda, anyi? Kawena mua kufubidila tshiendelele, haututa luhehele lua ku esete, anyi? E, neufubidile mu buloba buakadiundilau.

Yezekiyele 19:12

Kadi bakajula muonshi au ne tshifikʼa munda, bakawela hanshi ha buloba; luhehele lua ku esete luakafubisha mamuma au; matamba au makole akufubidila, ne kahia kakawosha.

Danyele 11:17

Yeye neatangishe mpala wandi bua kuyeye kudi mukelenge wa ku sude ne bukole buonso bua bukelenge buandi ne bua kuhunga nʼandi tshihungidi: neamuhe muanʼandi bu mukashi wandi bua kubutula buloba bua Ejipitu, kadi muanda udiye uhangidisha kawena ujalama ne kawena umulubulula.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Osheya 13:15

Nansha biavudishabo bana munkatshi mua bana babo, luhehele lua ku esete neluhehe, luhehele lua Yehowa lufume mu tshihela; ne mushimi wabo wa mai neukame, ne mpokolo wabo neume; neluhaule bintu bionso bilengele bidi mu tshibutshilu.

Abakuke 1:17

Yeye neananukile kuhumuna kahamba kandi tshiendelele ne kena ulekela kushiha ba mu bisamba bia bantu, anyi?

Abakuke 1:6

Monai, ndi mbisha Bena Kasada, tshisamba atshi tshia bantu badi ne luonji ne benji ba malu lukasa lukasa, badi bahitshila mu buloba bujima bua kunyengabo miaba ya kushikama idi kayiyi yabo.

Rome 9:27

Yeshaya wakela dî dikole ne, Bikala bungi bua Bena Isalele bu nsenga ya kukala kua mai manene, difuka didi dishala nedisungidibue.

Balombodi 7:12

Bena Midiyana ne Bena Amaleka ne bantu bonso ba ku esete bakadi balale mu tshibanda bu mikumbi bua bungi buaho. Kabakamanya mua kubala tumelo tuabo, bungi bualu buakadi bu nsenga ya ku muelelu wa mai manene.