Abakuke 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bua malu â diyisha dia mikenji diakuteketa, ne kulumbulula kuakane kakuenaku. Bualu bua bantu babi badi basesuisha muntu muakane, nunku kulumbulula kua bilumbu kudi kunyanguka.

MUKANDA WA MYIDI MUKULU

⁴ Bu muudi kuyi wenza bualu, mikenji yebe mmifue, bena buenzayi badi babinga, bantu babi badi bapisha badi kabayi ne bualu, nsambu yonsu badi bayikosa amu bibi.

Abakuke 1:4 ပူးပေါင်းရင်းမြစ်များ

1 Bakalenga 21:13

Bantu aba babidi, bena lukinu, bakabuela, bakashikama ku mpala kuandi; bena lukinu aba bakamudingila, Nabota mene, ku mesu kua bantu bonso, bamba ne, Nabota wakahenda Nzambi ne mukelenge kabidi. Hashishe bakumuka nʼandi mu musoko, bakamushiha ne mabue.

Yobe 21:7

Bualu kai bantu babi badi bashala ne muoyo, balua banunu ne bikala ne bukole bua bungi?

Misambu 11:3

Hashimbulabo bishimikidi bia nsubu, muntu muakane udi mua kuenza tshinyi?

Misambu 119:126

Tshikondo tshiakufika bua Yehowa kuenza mudimu wandi wa kulu mbuluisha, bua bantu aba bakavuisha mikenji yebe ne ntshianana.

Misambu 22:12

Balume ba ngombe ba bungi badi bannyunguluka, balume ba ngombe bakole ba mu Bashana badi banjika nseke yonso.

Misambu 22:16

Bualu bua mbua yakunnyunguluka, tshisumbu tshia benji ba malu mabi tshidi tshingela munkatshi; bakuntaha mputa misompoke mu bianza ne mu makasa.

Misambu 59:2

Umpandishe mu bianza bia benji ba malu mabi, unsungile mu bianza bia badi bamatshisha mashi a bantu.

Misambu 59:4

badi banyema lukasa, badilongolola mu mualu wa nvita, meme tshiyi ne dibanda. Utabale, biebe, ungakidile ne dikuatshisha diebe, umone!

Misambu 94:3

Yehowa, bantu babi nebenze nunku musangu bule munyi? Bantu babi nebatumbe musangu bule munyi?

Ekesode 23:2

Kulondi ku nyima kua tshisumbu tshia bantu tshinene bua kuenza malu mabi, kuikadi bu mu manyi wa bualu munkatshi mua bantu badi basangisha dî diabo bua kudibingisha mu tshilumbu tshidi ka tshiyi tshilelela.

Ekesode 23:6

Kuhidi kubingisha muntu muhele mu tshilumbu tshiakane tshidiye nʼatshi bualu bua buhele buandi.

Yeshaya 5:20

Mulau wikale kudi badi babikila bualu bubi ne, Mbualu buakane, ne bualu buakane ne, Mbubi; badi babala midima bu munya, badi babala munya bu midima; badi babala bintu bia bululu bu bintu bisheme ne bintu bidi bisheme bu bintu bia bululu!

Yeshaya 59:12

Bualu bua malu mabi etu akuvulangana ku mpala kuebe, ne mihi yetu idi ituhisha; bualu bua malu mabi etu adi ikala nʼetu, ne ludi bamanye mibi yetu:

Yirmeya 12:1

Yehowa, wewe udi muakane hanakeba kukuela mpata, kadi ndi musue kuyikilangana nʼebe bualu buanyi: Nshila wa bantu babi udi ne diakalengele bualu kai? Bualu kai bonso badi basonguelangana badi ne ditalala?

Yirmeya 12:6

Bualu bua bana benu mene ne ba mu tshiota tshia tatu webe bakukutungila tshitungu; bobo mene badi bakulonda ne mbila; kuitabushi mei abo, nansha biakuambilabo mei mimpe.

Yirmeya 26:8

Hakashikisha Yelemiya kuamba mei onso akamuambila Yehowa bua kuambileye bonso, bakuidi ne baprofete ne bantu bonso bakamukuata, bamba ne, Wewe neufue bulelela.

Yirmeya 8:7

E, lusongo nyunyu tua mu diulu, tudi tumanye bikondo biatu; nyunyu wa nkutshi ne kandinda ne nyunyu wa mudinga idi ivuluka bikondo biai bia kuluayi; kadi bantu banyi kabena bamanye mikenji ya Yehowa.

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Osheya 10:4

Badi bamba mei a hatuhu; badi baditshiha ne mitshihu ya mashimi, badi bahunga bihungidi; nunku kulumbulula kuabo kua bilumbu nekujuke bu mudi mamuma a mulungu atoloka mu mabula a madimi.

Amosa 5:12

Bualu bua ndi mumanye ne malu mabi enu adi mavule, ne mibi yenu idi mihite bukole; nuenu nudi nukengesha badi bakane, nudi nuangata mbueshilu, nudi nusesuishe bahele ku tshibuelelu tshia musoko.

Amosa 5:7

nuenu mbadi bakudimuna kulumbulula kuakane bua kuluaku anu bululu, mbadi badiate buakane ne makasa.

Marke 7:9

Yeye wakabambila ne, Bulelela, nuakuvuisha mukenshi wa Nzambi bu wa hatuhu, bualu bua nuenu kulonda tshilele tshienu.

Bienzedi 7:52

Muprofete kai wakadi bankambua benu kabai bamukengeshe? Bakashiha bakadi badianjila kuamba diambedi ne, Muakane ulualua; katataka nuenu nuakulua bamutungidi bandi ne bamushihi;

Bienzedi 7:59

Bakadi bakuma Stefano mabue ulomba Mukelenge wamba ne, Mukelenge Yesu, angata muoyo wanyi,

Rome 3:31

Nunku tudi tivuisha mikenshi ne, Nya tshianana bua ditabusha, anyi? Nasha kakese! Tudi kujadika mikenshi.

Dielulula 16:19

Kanulumbuluishi bantu ne dilumbuluisha didi kadiyi diakane; kanutangidi mpala ya bantu; kanuitabushi bintu bia kunubueshilabo nʼabi; bualu bua bintu bia kunubueshilabo nʼabi bidi bifofomesha mesu a muena lungenyi, bidi binyanga dilumbuluisha didi diakane.