2 Timote 3:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ nebikale ne tshimuenekelu tshia buimpe bua Nzambi, kadi bamane kudiula bukole buabu; umuke biebe kudi bantu aba kabidi.

MUKANDA WA MYIDI MUKULU

⁵ Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

2 Timote 3:5 ပူးပေါင်းရင်းမြစ်များ

Yeshaya 29:13

Mukelenge wakamba ne, Bualu bua bantu aba badi basemena hehi nʼanyi ne badi bantumbisha ne mukana muabo ne mishiku yabo, kadi bakumusha mitshima yabo kundi ne idi kule, ne badi bantshina anu bualu bua mukenji wa bantu wakuyilabo mu mitu yabo;

Matayi 7:15

Nuende badimuke kudi baprofete badi ne mashimi, batu balua kunudi baluate biseba bia mikoko, kadi munda muabo mudi nkashama idi ne luonji.

Efeze 4:14

Wakenza nunku bua tuetu katuikadi bu bana kabidi badi batshikishibua eku ne eku ne badi batambakashibua ku luhehele luonso lua diyisha, ku majimbu a bantu, ku budimu budibo balonda mu mashimi abo;

2 Tesalonike 3:14

Bikala muntu mukuabo kai utumikila dî dietu dia ku mukanda eu, mimanye muntu au bua kanubuelakanyi nʼandi, bua ku-fuishibueye bundu ku mesu.

2 Tesalonike 3:6

Bana betu, tudi Umuelela mukenshi mu dina dia Mukelenge Yesu Kilisto bua nuenu nudilamune kudi muanʼenu yonso wa mu Kilisto udi wenda utshimbakana, ne udi kai wenda bu mudi bilele biambibua kutudi binuakangata.

1 Timote 4:7

Kadi uhidie nsumuinu ya malu a hatuhu a bakashi bakulukashi. Udienzeshe bua kuheta malu a buimpe bua Nzambi.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

1 Timote 5:8

Kadi bikala muntu kai usubula badi bandi ne ba mu nsubu muandi mene, yeye wakadiula ditabusha diandi ne udi mutambe muntu udi uhidia kuitabusha bubi.

1 Timote 6:5

ne kutandangana kua bantu badi ne meshi abo moneka, ne bualu bulelela bumushibua munda muabo, badi batshinka ne, Buimpe bua Nzambi ntshihetelu tshia luhetu.

2 Timote 2:16

Kadi ehuka ku biakulakula bia hatuhu; bualu bua benʼabi nebatambe kudiunda mu malu adi kâi anemekela Nzambi;

2 Timote 2:23

Kadi uhidie dikonkangana dia malu mahote ne a badi kabai bayishibua, Umanye ne adi alela matandu.

Tite 1:16

Bobo badi bamba ne, Tudi bamanye Nzambi; kadi badi bamudiula ne bienzedi biabo; mbena tshinyangu, mbena buhidia, babengibue kadi Nzambi bua kuenza mudimu muimpe wonso.

Tite 3:10

Muntu udi muedi wa mukoso, hawamudimusha musangu umue anyi misangu ibidi, umuhidie;