2 Samuele 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Davidi wakashiha kabidi Hadadezê, muana wa Lehoba, mukelenge wa mu Soba, hakayeye bua kujadika bukelenge buandi buakadi ku musulu wa Pelata.

MUKANDA WA MYIDI MUKULU

³ Pavua Adadezere, muana wa Rekobe, mukalenga wa Soba, mu ditunga dia bena Siriya, mu luendu, ukeba mua kukuata tshiakabidi buloba bua ku musulu wa Perate, Davide kumutshimuna.

2 Samuele 8:3 ပူးပေါင်းရင်းမြစ်များ

Genese 15:18

Mu dituku adi mene Yehowa wakahunga ne Abalama tshihungidi ne, Ndi mpa tunkanunuina biebe buloba abu ku musulu wa mu Ejipitu to ne ku musulu munene wa Pelata,

2 Samuele 10:15

Hakamanya Bena Sulia ne, Bena Isalele bakatuhita bukole, bakadisangisha hamue.

2 Samuele 10:16

Hadadezê wakatuma dî, wakabikila Bena Sulia bakadi dishiya dia musulu wa Pelata; bakalua ku Helama, ne Shobaka, kapitene ka masalayi a Hadadezê, wakadi ku mutu kuabo.

2 Samuele 10:19

Hakatangila bakelenge bonso bakadi balamata Hadadezê ne, Bena Isalele bakatuhita bukole, bakalekela kuluangana ne Bena Isalele, bakabakuatshila mudimu. Nunku Bena Sulia bakatshina kukuatshisha Bena Amona kabidi.

2 Samuele 10:6

Hakatangila Bena Amona ne, Davidi wakalengulula, Bena Amona bakabikila Bena Sulia ba mu Bete-lehoba ne ba mu Soha, binunu makumi abidi bakadi benda hanshi; mukelenge wa Mâka wakafila tshinunu tshia bantu; bantu ba Tobo bakadi binunu dikumi ne bibidi.

2 Samuele 23:36

Igala, muana wa Natana wa mu Soba, ne Bani, Muena Gada,

1 Bakalenga 4:21

Solomo wakakokesha makelenge onso ku musulu wa Pelata to ne ku buloba bua Bena Peleshete ne ku matshika a buloba bua Ejipitu; bakamulambula milambu, bakakuatshila Solomo mudimu tô matuku andi onso.

1 Kulondolola 18:3

Davidi wakahita Hadadezê, mukelenge wa Zoba, bukole tô ne ku Hamata, hakayeye bua kujadika bukelenge buandi kukala kua musulu wa Pelata.

2 Kulondolola 8:3

Solomo wakaya ku Hamatasoba, wakauhita bukole.

Misambu 60:1

Wewe Nzambi, wakutubenga, wakuhanduka mualu wetu wa nvita; wewe wakadi nʼetu tshiji; utuhingashe kudi kabidi.

Misambu 72:8

Yeye neikale ne bukokeshi ku mai manene tô ne ku mai manene makuabo, ne ku Musulu wa Pelata tô ne kunfudilu kua buloba.

Ekesode 23:31

Nenteke mikalu yenu ku Dishiba Dikunze tô ne ku mai manene a Bena Peleshete, ne ku tshihela tô ne ku musulu wa Pelata, bualu bua meme nenfile bena buloba mu bianza bienu, nuenu nenubihate ku mpala kuenu.

Dielulula 11:24

Miaba yonso mudi nudiata munda mua makasa enu neyikale yenu: ku tshihela ne mikuna ya Lebanona ne ku musulu munene wa Pelata tô ne ku mai manene adi ku nyima kuenu.

1 Samuele 14:47

Hakabuela Shaula mu bukelenge bua Isalele, yeye wakaluangana nvita ne bena lukuna bandi bonso ba ku nseke yonso: wakaluangana ne Bena Moaba ne Bena Amona ne Bena Edome ne bakalenge ba mu Seba ne Bena Peleshete; ku miaba yonso yakayeye, yeye wakabahita bukole.