2 Samuele 6:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Davidi ne Bena Isalele bonso bakadi bimba ku mpala kua Yehowa biombelu bia mishindu yonso bienza bia mabaya a mitshi ya cyprès, bisanji ne nzenze ya nshinga dikumi ne mbau ne makasa ne biamu bia kukumangana.

MUKANDA WA MYIDI MUKULU

⁵ Davide ne bena Izrayele bonsu bavua basanka kumpala kua Maweja-Nangila, bimba biombelu bia mishindu mishilangane, bienza ne mabaya a mitshi ya pin, bu bisanji, nzenze, ngoma, makasa, ne biamu bia kututakaja.

2 Samuele 6:5 ပူးပေါင်းရင်းမြစ်များ

2 Bakalenga 3:15

Kadi katataka ulue ne muimbi wa tshisanji kundi. Hakamuimbila muimbi wa tshisanji, tshianza tshia Yehowa tshiakalua kudiye.

1 Kulondolola 13:8

Davidi ne Bena Isalele bonso bakimba misambu ne bisanji ne nzenze ne nkumbi ne makasa ne mpungi ne bukole buabo buonso.

1 Kulondolola 15:28

Nunku Bena Isalele bonso bakalua ne mushete wa tshihungidi tshia mei a Yehowa bela mbila ne tshiona tshikole tshia nshiba ne mpungi ne tshia biamu bia kukumakasha, bakadi bimba nzenze ne bisanji ne dî dikole.

2 Kulondolola 20:28

Bakalua ku Yelushalema mu nsubu wa Yehowa ne bisanji ne nzenze ne mpungi.

Misambu 47:5

Nzambi wakubanda mu diulu munkatshi mua mbila, Yehowa wakubanda mu tshiona tshia dî dia mpungi.

Danyele 3:10

Wewe Mukelenge, wakuela mukenji ne, Hunvua muntu yonso tshiona tshia mpungi, tshia nshiba, tshia nzenze, tshia nkombe, tshia guitare, tshia tumama ne tshia biombelu bionso, budiye nʼabu mbua kutua mpala hanshi ne kutendelela luhingu lua or.

Danyele 3:15

Katataka binuitabusha kutua mpala yenu hanshi ne kutendelela luhingu lunakuenza, hanunvua tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, mbimpe. Kadi binuikala kanuyi nutendelela, ha diba adi mene nebanuele munda mua tshikutu tshia kahia kakole; ne nzambi kai udi mua kunuhandisha mu bianza bianyi?

Danyele 3:5

Diba dinunvua tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, tuai mpala hanshi, tendelelai luhingu lua or ludi mukelenge Nebukadenesâ muimanyike.

Danyele 3:7

Nunku hakunvua bantu bonso tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, ba bisamba bionso ne ba miaku yonso bakatua mpala yabo hanshi, bakatendelela luhingu lua or luakadi mukelenge Nebukadenesâ muimanyike.

Amosa 5:23

Umukai kundi ne mutoyi wa misambu yenu, tshiena nteleja matshu anyi ku muadi wa bisanji bienu.

Amosa 6:5

Badi bimba misambu ya tshimbimba ne lunzenze, badi badienzela bisanji bu muakenza Davidi.

1 Samuele 10:5

Hashishe bûdi nʼabu mbua kuya ku mukuna wa Nzambi, kudi masalayi a Bena Peleshete; hawafika ha buihi ne musoko, neusangile ne tshisumbu tshia baprofete bafume ku mutu kua mukuna badi ne lunzenze lua nshinga dikumi ne dizele ne lushiba ne tshisanji; bobo mene nebikale bamba dî dia Nzambi.

1 Samuele 16:16

Mukelenge wetu ambile bena mudimu badi ku mpala kuandi ne, Nuye, nunkebele muntu udi mumanye mua kungimbila tshisanji bimpe: hashishe halua nyuma mubi mufume kudi Nzambi kudi, yeye neimbe tshisanji ne tshianza tshiandi ne wewe newikale bimpe.