2 Samuele 5:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Kadi Davidi wakanyenga musoko wa lumbu wa Siona; eu udi musoko wa Davidi.

MUKANDA WA MYIDI MUKULU

⁷ Kadi Davide kukuata mukuna wa Siyone uvuabu bakolesha ne bimana. Ke pavuabu binyika mukuna wa Siyone awu ne: Tshimenga tshia Davide.

2 Samuele 5:7 ပူးပေါင်းရင်းမြစ်များ

2 Samuele 5:8

Dituku adi Davidi wakamba ne, Washiha Bena Yebuse, aye biandi ku misulu ya mai, ashihe balema ne bafofo, badi mutshima wa Davidi ukina. Nunku badi bamba ne, Bafofo ne balema kabena habuela mu nsubu.

2 Samuele 5:9

Davidi wakashikama mu musoko wa lumbu, bakawidika ne, Musoko wa Davidi. Davidi wakabanga ku Milo, wakasa lumbu luakanyunguluka musoko.

2 Samuele 6:10

Nunku Davidi wakahidia kuya ne mushete wa Yehowa ku musoko wa Davidi; kadi Davidi wakasesuka nʼau, wakaya ku nsubu wa Obeda-edome, Muena Gita.

2 Samuele 6:12

Bakambila Davidi ne, Yehowa wakavudishila Obeda-edome disanka bualu bua mushete wa Nzambi. Nunku Davidi wakaya, wakumusha mushete wa Nzambi mu nsubu wa Obeda-edome, wakalua nʼau ku musoko wa Davidi ne disanka.

2 Samuele 6:16

Hakadibo halua ne mushete wa Yehowa mu musoko wa Davidi, Mikala, muana mukashi wa Shaula, wakimana ku disoso dia nsubu, wakatangila Davidi wenda utuhika, uja maja ku mpala kua Yehowa; yeye wakamulengulula mu mutshima wandi.

1 Bakalenga 2:10

Davidi wakalala tulu ne bankambua bandi, bakamujika mu musoko wa Davidi.

1 Bakalenga 3:1

Solomo wakahunga tshihungidi ne Palô, mukelenge wa Ejipitu, wakangata muana mukashi wa Palô, wakalua nʼandi ku musoko wa Davidi tô ne hakashikisheye kuibaka nsubu wandi ne nsubu wa Yehowa ne lumbu luakadi lunyunguluka Yelushalema.

1 Bakalenga 8:1

Solomo wakasangisha bakulu bonso ba mu Isalele, ne bonso bakadi ku mutu kua bisamba biabo, ne tuhita tuakadi ku mutu kua nsubu ya Bena Isalele, kudi mukelenge Solomo mu Yelushalema, bua kuluabo ne mushete wa tshihungidi tshia mei a Yehowa mu musoko wa Davidi, Siona mene.

1 Bakalenga 9:24

Muana mukashi wa Palô wakumuka mu musoko wa Davidi, wakabuela mu nsubu wakamuashila Solomo; hashishe yeye wakasa Milo.

1 Kulondolola 11:7

Davidi wakashikama mu musoko eu wa lumbu, nunku bakabikila musoko eu ne, Musoko wa Davidi.

2 Kulondolola 24:16

Bakamujika mu musoko wa Davidi diatshimue ne bakelenge, bualu bua yeye wakenza bimpe mu Isalele, ne kudi Nzambi ne ku nsubu wandi.

2 Kulondolola 5:2

Hashishe Solomo wakabikila bakulu bonso ba Bena Isalele, ne bonso bakadi ku mutu kua bisamba, ne bakadi ku mutu kua biota bia batatuʼabo ba mu Isalele ku Yelushalema, bua kuangatabo mushete wa tshihungidi tshia mei a Yehowa ku musoko wa Davidi, Siona mene.

Nehemya 3:15

Mushiku wa mbelu wa ku mpokolo wa mai bakalongolola kudi Shaluma, muana wa Kole-hosa, mukokeshi wa luseke lua Misepa; wakawasa, wakaubulula, wakateka bibi ne milonda ne biamu; wakalongolola lumbu lua ku dina dia mai a Shela hehi ne tshibunda tshia mukelenge tô ne ku tshibandilu tshidi tshihueka ku musoko wa Davidi.

Misambu 132:13

Bualu bua Yehowa wakusungula Siona; wakamunanga bu muaba wandi wa kuikaleye, wamba ne,

Misambu 2:6

Meme hanyi nakujadika Mukelenge wanyi ha mutu ha Siona, mukuna wanyi wa tshijila.

Misambu 48:12

Endakanai ku nseke yonso ya Siona, numunyunguluke, balai bungi bua bibumba biandi.

Misambu 48:3

Nzambi wakudimanyisha mu mbalasa yau bu tshinyemenu tshile.

Misambu 51:18

Wenzele Siona bimpe mu disanka diebe dimpe, wibake ngumbu ya Yelushalema.

Misambu 87:2

Yehowa udi unanga bibuelelu bia ku Siona ne dinanga dihite didiye nʼadi ku miaba yonso idi Yakoba muikale.

Misambu 9:11

Nuimbile Yehowa udi mushikame mu Siona misambu ya kumutumbisha nʼai; numanyishe bienzedi biandi munkatshi mua bantu ba ha buloba.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 59:20

Yehowa udi wamba ne, Nealue ku Siona bu Muhikudi, kudi ba mu Yakoba badi bakudimuna mitshima bua kulekela malu mabi.

Yirmeya 21:13

Yehowa udi wamba ne, Mona, ndi nkuhidia, wewe udi mushikame mu tshibanda, ne ha dibue dia mu mpata, wewe udi wamba ne, Nganyi neahuekemu bua kutuluisha? Anyi nganyi wabuela mu miaba itudi bashikame?

Mika 4:2

Ba mu bisamba bia bungi bia bantu nebalue, nebambe ne, Luai bienu, tubande ku mukuna wa Yehowa, tubuele mu nsubu wa Nzambi wa Yakoba; yeye neatuyishe bienzedi biandi, tuetu netuende mu nshila yandi; bualu bua diyisha nediluhuke mu Siona, ne dî dia Yehowa nedihatuke mu Yelushalema.

Rome 9:33

bu muakafundabo ne, Tangila, ndi nteka mu Siona dibue dia tshilenduishi, ne dibue dia buteyi; Ne weyemena kudidi kena ufuishibua bundu.

Ebrewu 12:22

Kadi nuenu nuakulua ku mukuna wa Siona ne ku musoko wa Nzambi udi ne muoyo, Yelushalema wa mu diulu, ne ku misumba ya banjelo idi kayi mua kubadibua,

Didimanyisha 14:1

Nakatangila, ne mona, Muana wa Mukoko muimane ha Mukuna wa Siona, ne bantu tshishikula tshimue ne mbombo inai ne binunu binai bakadi ngandi, bikale ne dina diandi, ne dina dia Tatu wandi, mafunda ha mpala habo.