2 Samuele 4:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakalua ne mutu wa Ishi-boshete kudi Davidi mu Hebelone, bakambila mukelenge ne, Tangila, mutu wa Ishi-boshete, muana wa Shaula, muena lukuna webe wakakeba muoyo webe; Yehowa wakasombuela mukelenge wetu lelu bua Shaula ne bana bandi.

MUKANDA WA MYIDI MUKULU

⁸ Kufikabu ne mutu wa Ishebaale kudi mukalenga Davide ku Ebrone, bamuambila ne: — Mukalenga, tangila mutu wa Ishebaale, muana wa muluishi webe Shawule, uvua ukeba mua kukushipa. Lelu Maweja-Nangila mmusombuele Shawule ne ndelanganyi yende bualu buebe.

2 Samuele 4:8 ပူးပေါင်းရင်းမြစ်များ

2 Samuele 18:19

Hashishe Ahimasa, muana wa Sadoka, wakamba ne, Nye lubilu bua kumanyisha mukelenge ne, Yehowa wakakusombuela kudi bena lukuna bebe.

2 Samuele 18:31

Monai, Muena Kushi wakafika; Muena Kushi wakamba ne, Ndi ne lumu lua kuambila mukelenge, bualu bua Yehowa wakakusombuela lelu kudi bonso bakabika bua kukutombokela.

2 Samuele 2:8

Abinê, muana wa Nê, kapitene ka masalayi a Shaula, wakamana kuangata Ishi-boshete, muana wa Shaula, wakalua nʼandi ku Mahanayima;

2 Samuele 22:48

Nzambi mene udi unsombuela, udi untekeshila bantu,

Misambu 71:24

Ludimi luanyi neluambile bantu bua buakane buebe mu kulumbulula dinda tô ne ku dilolo; bualu bua bakadi bakeba kungenzela bibi bakufuishibua bundu, bakutamuka.

Matayi 2:20

Bika biebe, angata muana ne baba wandi, uya mu buloba bua Isalele; bua bakebi ba muoyo wa muana bakufua.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Didimanyisha 6:10

ne bakadila ne dî dikole, bamba ne, O Mukelenge wa tshijila ne mulelela, udi windisha musangu bule munyi bua kulumbuluisha ne bua kutusombuela bua mashi etu kudi badi bikala ha buloba?

1 Samuele 18:11

Shaula wakela difuma diandi; bualu bua wakamba ne, Neushihe Davidi, difuma dimusompoke dikuate ku tshimanu tshia nsubu. Kadi Davidi wakahanduka ku mesu kuandi misangu ibidi.

1 Samuele 19:1

Shaula wakambila Yonatana, muanʼandi mulume, ne bahika bandi bonso bua kushihabo Davidi. Kadi Yonatana, muana mulume wa Shaula, wakatamba kusanka bua Davidi.

1 Samuele 19:15

Shaula wakatuma bantu bakuabo bua kutangilabo Davidi, wamba ne, Luanʼandi kundi mu bulalu bua meme kumushiha.

1 Samuele 20:1

Davidi wakanyema ku Nayota hehi ne Lama, wakaya kudi Yonatana, wakamukonka ne, Nakuenza tshinyi? Dihanga dianyi didi tshinyi? Nakuenza bualu bubi kai ku mesu kua tatu webe bua yeye udi ukeba muoyo wanyi?

1 Samuele 23:15

Davidi wakamanya ne, Shaula wakalua kukeba muoyo wanyi. Davidi wakadi mushikame mu tshihela tshia Zifa mu ditu.

1 Samuele 24:4

Bantu ba Davidi bakamuambila ne, Mona, dituku diakakuambila Yehowa ne, Mona neufile muena lukuna webe mu tshianza tshiebe, diakufika; wewe umuenzele bu mûdi umona ne mbimpe. Hashishe Davidi wakajuka, wakakosa tshihesa tshia tshikowelu tshia Shaula mu musokoko.

1 Samuele 25:29

Biabika bantu bua kukulonda ne bua kukeba muoyo webe, muoyo wa mukelenge wanyi newikale musuikibue mu tshisumbu tshiotshimue ne muoyo wa Yehowa, Nzambi webe; ne mioyo ya bantu badi nʼebe lukuna, yeye neayele bu mudibo bela mabue mu tshieledi.