2 Samuele 3:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nzambi atambe kuela Abinê mulau binahanga kuenzela Davidi malu onso akamulaya Yehowa;

MUKANDA WA MYIDI MUKULU

⁹ Maweja-Nangila annyoke bikole, pangikala tshiyi ngenzela Davide bionsu bivua Maweja-Nangila mumulaye.

2 Samuele 3:9 ပူးပေါင်းရင်းမြစ်များ

2 Samuele 19:13

Nuenu nukonke Amasa kabidi ne, Wewe kuena mufuba wa mu mifuba yanyi ne musunyi wa mu misunyi yanyi, anyi? Nzambi angenzele malu onso adiye musue, binahanga kukuhingishila kapitene ka masalayi mu muaba wa Yoaba.

2 Samuele 19:14

Yeye wakalekesha mitshima ya Bena Yuda bonso, wakakasha mitshima yabo bu mutshima umue; nunku bakatumina mukelenge di ne, Hingana ne bantu bebe bonso.

2 Samuele 3:35

Hashishe bantu bonso bakalua kudi Davidi bua adie biandi, diba ditshidi mulu; kadi Davidi wakaditshiha ne, Nzambi atambe kungela mulau binalabula bidia anyi bintu bikuabo diambedi diba kadiyi dianze kubuela.

1 Bakalenga 19:2

Hashishe Izebele wakatuma mukenji kudi Eliya ne, Nzambi yonso bambe kungenzela malu mabi onso binahanga kuvuisha muoyo webe bu muoyo wa umue wabo makelela ha diba edi.

1 Bakalenga 2:23

Hashishe mukelenge Solomo wakaditshiha kudi Yehowa Wamba ne, Nzambi angenzele malu adiye musue, bikala Adoniya kayi muambe dî edi bua kuhisha nʼadi muoyo wandi.

1 Kulondolola 12:23

Ebu mbungi bua bakadi ku mutu kua bena nvita bakalua kudi Davidi mu Hebelone bua kukudimunabo bukelenge bua Shaula kudiye bu muakadi dî dia Yehowa.

Rute 1:17

nenfue kuwafua, nenjikibuehu kabidi, bialua tshintu tshikuabo hankatshi hetu bua kutuhandulula, anu lufu nkayalu, Yehowa angenzele muonso muenzeye tô ne ha mutu.

1 Samuele 14:44

Shaula wakamba ne, Nzambi angenzele bualu ebu ne bukuabo ha mutu, bualu bua wewe Yonatana neufue bulelela.

1 Samuele 15:28

Samuele wakamuambila ne, Yehowa wakahanda bukelenge bua Isalele buakadi kûdi lelu, wakabuha mukuenu udi ukuhita buakane.

1 Samuele 25:22

Nzambi atambe kuela bena lukuna ba Davidi mulau binashila muntu au muana mulume umue wa bintu bionso bidiye nʼabi tô ne muatshiabu.

1 Samuele 28:17

Yehowa wakakuenzela bu muakambeye mukana muanyi. Yehowa wakamana kunyenga bukelenge mu tshianza tshiebe, wakahidia mukuenu, Davidi mene.

1 Samuele 3:17

Yeye wakamukonka ne, Bualu kai buakakuambila Yehowa? Ndi nkusengelela ne, Kubusokoki. Nzambi akuenzele wewe malu au onso ne makuabo ha mutu biwasokoka bunga bualu bua malu onso akakuambileye.