2 Samuele 24:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yoaba wakambila mukelenge ne, Yehowa, Nzambi webe, akumbashe bantu bu mudiye musue, nansha misangu lukama lukama, mesu a mukelenge wanyi atangile bualu ebu; kadi mukelenge wanyi udi ukeba disanka ku bualu ebu bua tshinyi?

MUKANDA WA MYIDI MUKULU

³ Yowabe kuandamuna mukalenga ne: — Mukalenga, meme ndi musue bua Maweja-Nangila Mvidi Mukulu webe avudije bena Izrayele misangu lukama. Ndi musue bua wikale ne muoyi, umone bionsu ebi. Kadi udi musue kuenza bualu bua mushindu ewu bua thinyi?

2 Samuele 24:3 ပူးပေါင်းရင်းမြစ်များ

2 Samuele 10:12

Nuikale ne dikima; tuikale bu balume mene mene bualu bua bantu betu ne bua misoko ya Nzambi wetu; Yehowa enze biandi malu adi mimpe ku mesu kuandi.

2 Samuele 24:4

Kadi dî dia mukelenge diakahita mei a Yoaba ne tupitene tua masalayi bukole. Yoaba ne tupitene tua masalayi bakumuka ku mesu kua mukelenge bua kubalabo bungi bua Bena Isalele.

Misambu 115:14

Yehowa anuvudishe bua nukumbane ba bungi, nuenu ne bana banudi nulela.

Nsumuinu 14:28

Bantu bavule mbutumbi bua mukelenge, kadi dikeha dia bantu ndibutuka dia mukokeshi.

Yeshaya 60:5

Mu diba adi neumone muanda eu, neutambe kusanka, mutshima webe neukume, neûle ne disanka; bua nebakudimune biuma bidi bituadibue ha mai manene, nebanfikishe kûdi, ne luhetu lua bisamba bia bantu nelufike kûdi.

Dielulula 1:11

Yehowa, Nzambi wa batatuʼetu, anukumbashe tô ne hanuahita bungi buenu bua katataka misangu tshinunu, anusankishe bu muakunulayeye!