2 Samuele 24:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Davidi wakashilaku Yehowa tshioshelu, wakafilahu milambu ya kuosha ha kahia ne milambu ya kuvuisha nʼai ditalala. Yehowa wakasengeledibua nunku bua buloba, ne disama diakashika munkatshi mua Bena Isalele.

MUKANDA WA MYIDI MUKULU

²⁵ Davide kuasa tshilambuilu muaba awu. Kulambulaye Maweja-Nangila milambu ya kuosha ne ya bobumue. Nanku, Maweja-Nangila kufuila bena ditunga luse. Tshipupu tshia disama tshivua tshibakengesha kujikatshi.

2 Samuele 24:25 ပူးပေါင်းရင်းမြစ်များ

Genese 12:7

Yehowa wakamueneka kudi Abalama, wakamba ne, Nempe tunkanunuina biebe buloba ebu Abalama wakenzela Yehowa, wakamueneka kudiye, tshioshelu.

Genese 22:9

Bakafika ku muaba wakamua mbila Nzambi, ne Abalahama wake nza tshioshelu, wakalongolola nkunyi, wakasuika muanʼandi Isaka, wakamuladika ha tshioshelu ha mutu ha nkunyi.

Genese 8:20

Noa wakashila Yehowa tshioshelu, wakangata wa nyama yonso idi miakane ne wa nyunyu yonso idi miakane, wakabika bu mulambu wa kuosha ha kalua ha tshioshelu.

2 Samuele 21:14

Bakajika mifuba ya Shaula ne ya Yonatana muanʼandi mu lukita lua Kishi, tatu wandi, mu Sela mu buloba bua Benyamina. Bakenza malu onso akabambila mukelenge. Ku nyima kua bualu ebu Nzambi wakasengeledibua bualu bua buloba.

2 Samuele 24:14

Davidi wakambila Gada ne, Ndi munkatshi mua malu manene: tuhone mu bianza bia Yehowa, bualu bua luse luandi ludi lunene; tshihonyi mu bianza bia bantu.

1 Bakalenga 1:1

Mukelenge Davidi wakadi muntu mununu, mukoke wa bidimu bia bungi; bakamubikila ne bilulu bia bungi, kadi yeye kakunyua luya.

Yezekiyele 16:42

Nunku nempuwishe tshiji tshianyi kûdi, mukau wanyi undi nʼau kûdi neûmuke, nengikale holâ, tshiena ngikale ne tshiji kabidi.

Dibadika 17:13

Muntu yonso udi ulua ha buihi ne nsubu wa Yehowa utu wadia: buonso buetu netulue, anyi?

Balombodi 21:4

Hakatshiabu, bantu bakabika ne dinda dionso, bakasaku tshioshelu, bakafua milambu ya kuosha ne milambu ya kubavuisha ditalala.

Balombodi 6:24

Hashishe Gideona wakibakilaku Yehowa tshioshelu, wakatshibikila ne, Yehowa-Shaloma; tshitshidiku tô ne lelu mu Ofela wa Bena Abiezê.

1 Samuele 13:9

Shaula wakamba ne, Balue ne milambu ya kuosha ne ya kuvuisha nʼai bantu ditalala kundi. Yeye wakafila milambu ya kuosha ha kahia.

1 Samuele 14:35

Shaula wakashila Yehowa tshioshelu; tshiakadi tshioshelu tshia diambedi tshiakashileye Yehowa.

1 Samuele 7:17

Wakadi uhingana ku Lama bualu bua nsubu wandi wakadiku: wakalumbululaku Bena Isalele, wakashilaku Yehowa tshioshelu.

1 Samuele 7:9

Samuele wakangata muana wa mukoko utshivua wamua mabele, wakamufila bu mulambu wa kuosha mujima ha kahia kudi Yehowa; Samuele wakalombela Bena Isalele Yehowa bikole; Yehowa wakamunvuila.