2 Samuele 24:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Hakabala Davidi bantu, mutshima wandi wakamuhisha. Davidi wakambila Yehowa ne, Nakenza bubi mu bualu ebu bunakenza; kadi Yehowa, ndi nkusengelela ne, Ubuikile bubi bua muntu webe, bualu bua nakenza bualu buhote.

MUKANDA WA MYIDI MUKULU

¹⁰ Diakamue Davide kudiunwua ne: ndi muenze bibi pandi mubadike bantu ba bena Izrayele. Kuambilaye Maweja-Nangila ne: — Pandi mubadike bena Izrayele, ndi muenze bibi bitambe. Ndi ntonda ne: ndi muenze bualu ebu amu bu muntu udi kayi ne lungenyi! Maweja-Nangila umfuileku luse bua bubi buanyi.

2 Samuele 24:10 ပူးပေါင်းရင်းမြစ်များ

2 Samuele 12:13

Hashishe Davidi wakambila Natana ne, Nakenzela Yehowa bibi. Natana wakambila Davidi ne, Yehowa wakukubuikidila bubi buebe, wewe kuena ufila.

2 Samuele 24:17

Hakatangila Davidi muanjelo wakadi ushiha bantu, yeye wakambila Yehowa ne, Mona, nakenza bibi, nakenza bualu buhote; kadi mikoko ei yakenza tshinyi? Ndi nkusengelela ne, Tshianza tshiebe tshikale kundi ne ku tshiota tshia tatu wanyi.

1 Bakalenga 8:35

Hawakanda diulu bua nvula kayimatshi, bualu bua bobo bakukuenzela bibi; biatendelelabo ku muaba eu, bitabushabo dina diebe, biakudimunabo mitshima yabo bua mibi yabo hawabakengesha,

1 Kulondolola 21:7

Bualu ebu buakafikisha Nzambi munda; nunku yeye wakashiha Bena Isalele bakuabo.

1 Kulondolola 21:8

Davidi wakambila Nzambi ne, Nakuenza bibi hanakuenza bualu ebu; kadi katataka ndi nkusengelela ne, Ubuikidile bubi bua muntu webe; bualu bua nakuenza bualu buhote.

2 Kulondolola 16:9

Bualu bua mesu a Yehowa adi akenzekana ku nseke yonso ya buloba bua kulesha bakole buandi kudi bantu badi ne mitshima miakane kudiye. Wewe wakuenza buhote mu bualu ebu, kubangila mu dituku edi wewe newikale ne nvita.

2 Kulondolola 32:26

Kadi Hezikiya wakadihuekesha bua kudisua kuakadiye nʼaku mu mutshima wandi, ne yeye ne bantu ba mu Yelushalema, nunku tshiji tshia Yehowa katshiakafika kudibo mu matuku a Hezikiya.

Yobe 7:21

Wewe kuena umbuikidila bubi buanyi, kuena ungumusha malu mabi anyi bua tshinyi? Bualu bua mpindiu nendale hanshi mu dinfuenkenya, ne wewe neunkebe ne disuminyina, kadi tshiena ngikalaku.

Misambu 32:5

Nakatonda bubi buanyi kûdi, tshiakasokoka dihambuka dianyi ku buakane. Nakamba ne, Nentonde matomboka anyi kudi Yehowa; ne wewe wakandekelela dihila dia bubi buanyi.

Ekesode 10:16

Hashishe Palô wakabikila Mose ne Alona lubilu, wakamba ne, Nakuenzela Yehowa Nzambi wenu bualu bubi ne nuenu kabidi.

Nsumuinu 28:13

Udi usokoka matomboka andi kena wikala ne diakalengele, kadi udi uwatonda, uwalekela, neafuidibue luse.

Osheya 14:2

Nuye ne mei makane, hinganai kudi Yehowa. Numuambile ne, Utûmushile mibi yonso, witabushe malu adi makane, bua tuetu tufile mishiku yetu kûdi bu milambu ya ngombe.

Yowele 2:12

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.

Dibadika 12:11

Alona wakambila Mose ne, Mukelenge wanyi, kuteki bualu bubi kutudi, bualu bua tuetu tuakuenza buhote, tuakuenza bualu bubi.

Marke 7:22

ne lukuka lua biuma ne malu mabi ne mashimi ne bulobo ne disu dibi ne bihendu ne diambu ne buhote;

Yowanane 1:29

Hakatshiabu, yeye wakamona Yesu ulua kudiye, wakamba ne, Tangilai, Muanʼa mukoko wa Nzambi, udi umusha bubi bua ba ha buloba!

Yowanane 8:9

Hakunvuabo dî edi, bakumuka ku umue ku umue balondangane, babange ku wakadi mubatambe bukulu tô ne ku wa kunshikidilu; bakashîa Yesu nkayandi ne mukashi hankatshi hakadiye muimane.

Dielulula 32:6

Nuenu bantu bahote badi kabayi ne meji, nudi nuhingishila Yehowa malu mabi nunku, anyi? Yeye kena tatu wenu wakanuafuka, wakanuenza, wakanujadika, anyi?

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

1 Yone 1:9

Bituatonda mibi yetu, yeye udi wa kueyemenyibua ne udi ne buakane bua kubuikidila mibi yetu, ne bua kutulengesha ku malu mabi onso.

1 Samuele 13:13

Samuele wakambila Shaula ne, Wewe wakenza buhote: wewe kuakanemeka mukenji wa Yehowa, Nzambi webe, wakakuambileye; bu wewe muenze nunku, Yehowa wakadi kujadika bukelenge buebe mu Isalele tshiendelele.

1 Samuele 24:5

Ku nyima mutshima wa Davidi wakanyingalala bualu bua yeye wakakosa tshihesa tshia tshikowelu tshia Shaula.

1 Samuele 24:6

Davidi wakambila bantu bandi ne, Yehowa ampidishe tshienzedi mukelenge wanyi, wakela Yehowa manyi ha mutu, bualu ebu, tshiolodi tshianza tshianyi kudiye, bualu bua yeye udi muntu muedibue manyi kudi Yehowa.

1 Samuele 26:21

Hashishe Shaula wakamba ne, Nakuenza bibi; hingana, muanʼanyi Davidi, bualu bua tshiena nkuenzela bibi tshikondo tshikuabo, bualu bua muoyo wanyi wakadi bu tshintu tshia mushinga mukole ku mesu kuebe lelu; mona, nakuenza bu muntu muhote, nakutamba kuhambuka.