2 Samuele 24:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Tshiji tshia Yehowa tshiakatemena Bena Isalele kabidi, wakenzesha Davidi bualu buabo, wamba ne, Ya, bala bungi bua Bena Isalele ne bua Bena Yuda.

MUKANDA WA MYIDI MUKULU

¹ Dituku dikuabu, Maweja-Nangila kufikila kabidi bena Izrayele munda. Kuenzejaye Davide bualu buvua ne bua kukebela bantu makenga, bualu Davide uvua mupete meji a kubadika bena Izrayele ne bena Yuda.

2 Samuele 24:1 ပူးပေါင်းရင်းမြစ်များ

Genese 45:5

Mitshima yenu kayinyingaladi, kanukuatshiki tshiji bualu bua nuenu nuakumpana kunoko; bualu bua Nzambi wakantumina ku mpala kuenu bua kusungila mioyo ya bantu.

Genese 50:20

Bua bualu buenu nuenu nuakasua kungenzela bibi, kadi Nzambi wakasua kuenza bimpe, wakakudimuna malu bua kusungileye bantu bu muakuenzeleye lelu.

2 Samuele 12:11

Yehowa udi Wamba kabidi ne, Mona, nenkubishile bualu bubi mu nsubu webe mene; nenunyenge bakashi bebe ku mesu kuebe, nembafile kudi muena mutumba nʼebe, nealale ne bakashi bebe mu munya.

2 Samuele 16:10

Mukelenge wakamuebesha ne, Nuenu bana balume ba Seluya, ndi nʼenu bualu kai? Biampendeye bualu bua Yehowa wakamutuma ne, Uhende Davidi, udi nganyi bua kumuebesha ne, Udi wenza nunku bualu kai?

2 Bakalenga 3:6

Ku tshikondo atshi mukelenge Yeholama wakafuma ku Samalea, wakabikila Bena Isalele bonso.

1 Kulondolola 21:1

Satana wakimana ku mpala kua Bena Isalele, wakasonsola mutshima wa Davidi bua kubaleye Bena Isalele.

1 Kulondolola 7:2

Bana ba balume ba Tola: Uzi ne Lefaya ne Yeliele ne Yamai ne Ibisama ne Shemuele, bakadi ku mutu kua nsubu ya batatuʼabo, ya Tola mene, bena bukitu ba dikima mu bikondo biabo; bungi buabo mu matuku a Davidi buakadi binunu makumi abidi ne bibidi ne nkama isambombo.

1 Kulondolola 7:40

Aba bonso bakadi bana ba Ashê ba ku mutu kua nsubu ya batatu babo, bena nvita basungula ba bukitu ne tulala tua ha mutu. Bungi buabo buakabalabo mu kulondolola kuabo bua kuluangana nvita bakadi binunu makumi abidi ne bisambombo.

2 Kulondolola 32:25

Kadi Hezikiya kakenzela Nzambi bimpe bu muakamuenzeleye bimpe, bualu bua yeye wakadisua mu mutshima wandi, nunku tshiji tshia Nzambi tshiakadi kudiye ne kudi Bena Yuda ne ba mu Yelushalema.

Ekesode 7:3

Nenkoleshe mutshima wa Palô, nennudishe bimanyinu bianyi ne malu anyi a kukema mu buloba bua Ejipitu.

Yezekiyele 14:9

Bikala muprofete eu muteyibue bua kuamba dî dikuabo, meme Yehowa nakuitabusha bua muprofete eu ateyibue, ne nengolole tshianza tshianyi bua kulenga hamʼbidi handi, nemmubutule bua kumûmusha munkatshi mua bantu banyi Bena Isalele.

Yezekiyele 20:25

Nakabaha mei a kulondabo akadi kâyi makane, ne mikenji yakadi kayiyi mua kubavuisha muoyo.

Lewitiki 10:6

Mose wakambila Alona ne Eleazâ ne Itama ne, Kanutudi bifulu ku mitu yenu, kanuhandi bilulu bienu, bua kanufu bienu, ne bua tshiji tshia Yehowa katshilu kudi bantu bonso, kadi bana benu, tshisamba tshionso tshia Bena Isalele, badile bualu bua kahia kakatemesha Yehowa.

Dibadika 1:19

Bu muakambila Yehowa Mose, wakababadila mu tshihela tshia Sinai.

Bienzedi 4:28

ne bua kuenza malu onso akasungula tshianza tshiebe ne mutshima webe diambedi ne, Alue.

2 Tesalonike 2:11

Bua bualu ebu Nzambi udi ubatumina dienzesha dia dihambuka, bua bobo bitabushe mashimi;

Balombodi 2:14

Tshiji tshia Yehowa tshiakadi kudi Bena Isalele, ne yeye wakabafila mu bianza bia bahandi, bakabahaula; yeye wakabahana kudi bena lukuna bakadi ha buihi nʼabo; kabakamanya mua kuimana ku mpala kua bena lukuna babo kabidi.

Balombodi 2:20

Tshiji tshia Yehowa tshiakadi kudi Bena Isalele kabidi, ne yeye wakamba ne, Bualu bua tshisamba etshi tshiakashiha tshihungidi tshinakahunga ne batatuʼabo, kabakunvua dî dianyi,

1 Samuele 26:19

Katataka ndî nkusengelela ne, Mukelenge wanyi unvue mei a muntu wandi. Bikala Yehowa nguakakusonsolola bualu buanyi, yeye itabushe mulambu; kadi bikala bantu mbakenza nunku, bobo bedibue mulau kudi Yehowa, bualu bua bobo bakungihata lelu bua meme tshikadi mu buhianyi bua Yehowa, badi bangambila ne, Ya, ukuatshile nzambi mikuabo mudimu.