2 Samuele 23:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Benaya, muana wa Yehoyada, muana wa muena bukitu wa mu Kabesele, Wakenza biandi malu manene, wakashiha bana balume babidi ba Aliele wa mu Moaba. Yeye wakahueka kabidi, wakashiha nyama wa ntambue mu lubuebue mu tshikondo tshia neige.

MUKANDA WA MYIDI MUKULU

²⁰ Benaya, muena Kabseyele, muana wa Yoyada, ne muikulu wa muena mvita wa bukitu, uvua muenze malu manene a bungi. Benaya uvua mushipe ba Ariyele babidi ba bena Mowabe. Dituku dikuabu tshikondu tshia mvula wa neje, Benaya kupueka mu tshiina tshia mayi bua kushipa nyama wa ntambue.

2 Samuele 23:20 ပူးပေါင်းရင်းမြစ်များ

2 Samuele 1:23

Shaula ne Yonatana bakadi bakane, bakadi banyishibua kudi bantu mu mioyo yabo, kabakadi bahanduluke mu lufu luabo; bakahita nyunyu ya mikanku lubilu, bakatamba nyama ya ntambue bukole.

2 Samuele 20:23

Yoaba wakadi ku mutu kua masalayi onso a Bena Isalele; Benaya, muana wa Yehoyada, wakadi ku mutu kua Bena Kelete ne Bena Pelete;

2 Samuele 23:19

Yeye kakadi ne dina dia butumbi munkatshi mua aba makumi asatu, anyi? Nunku bakamusungula kapitene kabo; kadi yeye kakadi wa mu mulongo wa basatu ba ku mpala.

2 Samuele 23:21

Yeye wakashiha Muena Ejipitu, wakadi muena bukitu; Muena Ejipitu wakadi ne difuma mu tshianza tshiandi; kadi Benaya wakaya kudiye ne mulangala, wakanyenga difuma dia Muena Ejipitu mu tshianza tshiandi, wakamushiha ne difuma diandi mene.

2 Samuele 23:22

A mmalu akenza Benaya, muana wa Yehoyada, ne wakadi ne dina dinene munkatshi mua bantu basatu ba bukitu.

2 Samuele 8:18

Benaya, muana wa Yehoyada, wakadi ku mutu kua Bena Kelete ne Bena Pelete; bana balume ba Davidi bakadi miloho yandi.

1 Bakalenga 1:26

Kadi meme mene, muntu webe, ne Sadoka muakuidi mukuabo, ne Benaya, muana wa Yehoyada, ne muntu webe Solomo, kakatubikila.

1 Bakalenga 1:38

Nunku Sadoka muakuidi, ne Natana muprofete, ne Benaya, muana wa Yehoyada, ne Bena Kelete ne Bena Pelete bakaya, bakabandisha Solomo ha nyima ha mpunda wa mukelenge Davidi, bakaya nʼandi ku Gihona.

1 Bakalenga 1:8

Kadi Sadoka, muakuidi mukuabo, ne Benaya, muana wa Yehoyada, ne Natana muprofete, ne Shimei ne Lei, ne bena bukitu ba Davidi kabakalamata Adoniya.

1 Bakalenga 2:46

Nunku mukelenge wakela dî kudi Benaya, muana wa Yehoyada; yeye wakaya, wakamushiha, wakafua. Nunku bukelenge buakajadikibua mu bianza bia Solomo.

1 Kulondolola 12:8

Bena Gada bakuabo bakaya kudi Davidi ku musoko wa lumbu wa mu tshihela, bena bukitu bakayishibua malu onso a nvita, bakamanya mua kuluangana ne ngabu ne mafuma; mpala yabo yakadi bu mpala ya nyama ya ntambue, bakamanya mua kunyema lubilu bu ntole ya mu mikuna;

1 Kulondolola 18:17

Benaya, muana wa Yehoyada, wakadi ku mutu kua Bena Kelete ne Bena Pelete; bana balume ba Davidi bakadi tuhita ha buihi ne mukelenge.

Ekesode 15:15

Bakelenge ba Edome bakukema, balume bakole ba Moaba badi bazakala, bantu bonso ba mu buloba bua Kanana bakujimina.

Yoshua 15:21

Bimenga bia kunfudilu kua tshisamba tshia Bena Yuda ku mukalu wa Edome ku Sude biakadi Kabesêle ne Edê ne Yagû,