2 Samuele 22:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Wewe neusungile bantu badi mu dikenga; kadi mesu ebe adi kudi badi badisue anu bua wewe kubahuekesha.

MUKANDA WA MYIDI MUKULU

²⁸ Udi wambuluisha tshisamba tshidibu bafuisha bundu, upepeja badi baditambisha.

2 Samuele 22:28 ပူးပေါင်းရင်းမြစ်များ

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Misambu 131:1

Yehowa, mutshima wanyi kawena udibandisha, mesu anyi kaena ne dihetu. Tshiena ngela meji anyi ku mianda mitambe bunene, anyi ku mianda mitambe kunkemesha bua meme kuyenza.

Misambu 138:6

Yehowa udi muhandishibue mulu, kadi udi umona bantu bahuekele; udi mumanye badi ne dihetu hatshidibo kule.

Misambu 140:12

Ndi mumanye ne, Yehowa neabingishe muena dikenga hamulumbuluishabo, nealumbuluile bahele biakane.

Ekesode 10:3

Mose ne Alona bakaya kudi Palô, bakamuambila ne, Yehowa, Nzambi wa Bena Ebelu, udi Wamba ne. Wewe neuhidie kudihuekesha ku mesu kuanyi musangu bule munyi? Ulekele bantu banyi baye kuntendelela.

Ekesode 18:11

Katataka ndi mumanye ne, Yehowa udi utamba nzambi yonso buene, bualu bua wakahatula bantu mu bianza bia Bena Ejipitu hakabaleshabo dikamakama.

Nsumuinu 21:4

Mesu adi ne dihetu ne mutshima udi udibandisha bidi disanka dia bantu babi, bidi malu mabi.

Yeshaya 2:17

Diambu dia bantu nedihuekeshibue, kudisua kua bantu nekukeheshibue; anu Yehowa nkayandi neatumbishibue mu dituku adi.

Yeshaya 37:23

Wewe wakufunyina nganyi bulobo, wakuhenda nganyi? Wakubishila nganyi dî diebe? Wakubandishila nganyi mesu ebe ne diambu? Wakuenzela Wa Tshijila wa Isalele nunku!

Yeshaya 5:15

Muntu muhuekele udi muiname, muntu munene udi muhuekeshibue, mesu a badi badibandisha adi mahuekeshibue.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Matayi 5:3

Badi bahele mu mitshima yabo badi ne disanka, bua bukelenge bua mu diulu budi buabo.

Luke 14:11

Bualu bua wadibandisha nebamuhuekeshe, wadihuekesha nebamubandishe.