2 Samuele 22:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nunku Yehowa wakanfuta ku buimpe buanyi, ne ku butoke kunakadi nʼabu ku mesu kuandi.

MUKANDA WA MYIDI MUKULU

²⁵ Ke Maweja-Nangila kunsankisha, bualu ndi mmuitaba muanyi muonsu, ndi ngenza anu mudiye musue.

2 Samuele 22:25 ပူးပေါင်းရင်းမြစ်များ

2 Samuele 22:21

Yehowa wakanfuta ku buimpe buanyi; wakampingishila bintu ku butoke bua bianza bianyi.

1 Bakalenga 3:6

Solomo wakamba ne, Wewe wakalesha muntu webe Davidi, tatu wanyi, luse lunene lujalame, bu muakendeye ku mesu kuebe mu bushuwa ne buakane ne mu butoke bua mutshima kûdi; wewe wakumulamina luse elu lunene lujalame bualu bua wewe wakamuha muana mulume bua kushikameye mu nkuasa wandi wa bukelenge: bualu ebu buakuenjibua lelu.

Nsumuinu 11:31

Tangila, nebaleshe muntu muakane difutu diandi ha buloba; nebatumbe kufuta muntu mubi ne muenji wa malu mabi!

Nsumuinu 5:21

Bualu bua nshila ya muntu idi ku mesu kua Yehowa, yeye udi widikisha nshila yandi yonso bimpe.

Yeshaya 3:10

Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

2 Korente 5:10

Bualu bua butudi nʼabu mbua kumueneshibua buonso buetu ku mpala kua tshilumbuluidi tshia Kilisto, bua muntu ne muntu kuangateye bintu bia mu mubidi wandi bu muakenzenzeye, nasha malu mimpe nasha malu mabi.

1 Samuele 26:23

Yehowa neafute muntu yonso bu mudi buimpe buandi ne lulamatu luandi lua ku bushuwa; bualu bua Yehowa wakakufila mu tshianza tshianyi lelu ne meme tshiakitabusha bua kulenga muntu wakela Yehowa manyi ha mutu tshianza.