2 Samuele 21:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ bimpe ufile bana bandi muanda mutekete mu bianza bietu, tuetu netubowe ku mesu kua Yehowa mu Gibea wa Shaula wakadi musungula kudi Yehowa. Mukelenge wakamba ne, Nembafile.

MUKANDA WA MYIDI MUKULU

⁶ Nanku batupeshe bantu balume muanda mutekete ba ku ndelanganyi ya Shawule. Netubowe kumpala kua Maweja-Nangila ku Ngibeya, mu tshimenga tshivuabu basombe kudi Shawule, mukalenga uvua Maweja-Nangila musungule. Mukalenga Davide kuitaba ne: — Eyowa, ndi nnupesha.

2 Samuele 21:6 ပူးပေါင်းရင်းမြစ်များ

Genese 40:19

hahita matuku asatu, Palô neakukose mutu, neakuowe ku mutshi, ne nyunyu ya mulu neyizokole munyinyi wa mubidi webe.

Genese 40:22

Kadi yeye wakowa kahita ka bena bidia bu muakamba Yosefe.

2 Samuele 17:23

Hakatangila Ahitofele ne, Bakahidia lungenyi luanyi, yeye wakela tshiseba ha nyima ha nyama wandi wa mpunda, wakajuka, wakaya kuandi ku musoko wandi, wakalongolola malu a mu nsubu wandi, wakadiowa, wakafua, bakamujika mu lukita lua tatu wandi.

2 Samuele 18:10

Muntu mukuabo wakatangila bualu ebu, wakamanyisha Yoaba ne, Mona, nakatangila Abashaloma mulembelele ku mutshi.

2 Samuele 19:28

Bualu bua bantu bonso ba mu nsubu wa tatu wanyi bakadi bu bantu bafue ku mesu kua mukelenge wanyi, kadi wewe wakashilaku muntu webe munkatshi mua bantu bakadi badia ku mesa ebe mene. Nunku ntshidi ne bua kudila kudi mukelenge kabidi bualu kai?

1 Kulondolola 12:3

Ahiezê wakadi kapitene kabo; hashishe Yoasha, ne bana balume ba Shemâ, Muena Gibea, ne Yeziele ne Pelete, bana balume ba Asemaweta, ne Belaka ne Yehu, Muena Anatota,

Ezela 6:11

Nakela mukenji mukuabo kabidi ne, Yonso udi ukudimuna dî edi, batule dibaya dinene dia ku nsubu wandi, bamuoweleku, muasa ku dibaya; bavuishe nsubu wandi bu diala bua bualu ebu;

Estere 9:10

bana halume dikumi ba Hamana, muana wa Hamedata, muena lukuna wa Bena Yuda; kadi kabakahaula bintu biabo.

Matayi 27:5

Wakimasha bituha bia mpalata hanshi mu ntempelo, wakumuka biandi, wakaya wakadiowa.

Bienzedi 13:21

Hashishe bakalomba mukelenge; Nzambi wakabaha Shaula, muana wa Kishi, muntu wa mu tshisamba tshia Benyamina, tô bidimu makumi anai.

Dielulula 21:22

Bikala muntu muenze bualu bubi bua lufu, ne badi bamushiha, nebamuowe ku mutshi;

Yoshua 10:26

Ku nyima Yoshua wakabashiha, wakabowa ku mitshi itanu; bakadi balembelela ku mitshi tô ne ku dilolo.

Yoshua 8:29

Bakowa mukelenge wa Ai ku mutshi tô ne ku dilolo; bakamba diba kubuela Yoshua wakamba ne, Batulule tshitalu tshiandi, bakatshiela ku mbelu kua tshibi tshia musoko, bakunguisha mushiki wa mabue ha mutu hatshi, udihu tô ne ku dituku edi.

1 Samuele 10:1

Hashishe Samuele wakangata mulondo wa manyi, wakâhongolola ha mutu handi, wakamutua mishiku, wakamba ne, Yehowa kakakuela manyi bua wewe wikale mukelenge ku mutu kua buhianyi buandi, anyi?

1 Samuele 10:24

Samuele wakambila bantu bonso ne, Tangilai, yeye wakadi Yehowa musungule kakuena mukuabo bu yeye munkatshi mua bantu bonso. Bantu bonso bakela mbila ne, Mukelenge ikale ne muoyo!

1 Samuele 10:26

Shaula wakahingana ku nsubu kuandi ku Gibea; ne tshisumbu tshia bantu bakole bakadi Nzambi ulamakasha mitshima yabo kudiye tshiakaya nʼandi.

1 Samuele 11:4

Hashishe ba-messager bakalua kudi Shaula ku Gibea, bakamba mei au onso mu matshu a bantu: bantu bonso bakabisha mei abo, bakadila.

1 Samuele 24:21

Nunku uditshihe kundi ku mesu kua Yehowa ne, Kuena ushiha bana banyi badi balonda ku nyima, ne kuena ujimisha dina dianyi munkatshi mua nsubu wa tatu wanyi.

1 Samuele 24:22

Davidi wakaditshiha kudi Shaula. Shaula wakahingana kuandi, katu Davidi ne bantu bandi bakaya ku musoko wa lumbu.