2 Samuele 21:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yishebi-benoba, wakadi wa bana ba bantu bale ba nfiondo, bujitu bua difuma diandi buakadi bua nshekele ya tshiamu tshia mitaku nkama isatu; wakadi mubueshe muele wa nvita muhia-muhia ku mukaba, wakela meji bua kushiha Davidi.

MUKANDA WA MYIDI MUKULU

¹⁶ Ishebi-Benobe, muntu wa mpolondu wa ku ndelanganyi ya Arafa, uvua musue kushipa Davide. Uvua muvuale bia mvita bipiabipia. Lusongu lua difuma diende luvua lua tshiamu tshikunze, luvua ne bujitu bua kilo isatu ne pa mutu.

2 Samuele 21:16 ပူးပေါင်းရင်းမြစ်များ

Genese 14:5

Mu tshidimu tshia dikumi ne binai Kedôlaome wakalua ne bakelenge bakadi nʼandi, bakahita Bena Lefa ba mu Ashelota kânayima bukole, ne Bena Zusa ba mu Hama, ne Bena Eme ba mu Shawe kiyatayima,

Genese 6:4

Mu matuku au bantu banene ba nfiondo bakadi ha buloba, ne hakaya bansongalume ba bantu ba Nzambi kudi bansongakashi ba bantu ba tshianana, bakalela nʼabo bana Bobo bakadi bantu banene ba kale ne ba butumbi.

2 Samuele 21:18

Ku nyima kua bualu ebu bakaluangana ne Bena Peleshete mu Gobo; Sibekai, Muena Husha, wakashiha Safa, wakadi wa bana ba bantu bale ba nfiondo.

2 Samuele 21:20

Bakaluangana ku Gata kabidi; muntu munene wa nfiondo wakadiku, wakadi ne minu ya nonu isambombo ku tshianza ne tshianza ne bana ba nkasa basambombo ku dikasa ne dikasa, kusangisha makumi abidi ne inai; yeye kahidi wakadi muledibue kudi bantu bale ba nfiondo.

2 Samuele 21:22

Aba banai bakaledibua mu Gata kudi bantu bale ba nfiondo, bakashihibua ku bianza bia Davidi ne bia bantu bandi.

2 Samuele 5:18

Bena Peleshete bakadi bamuangalaka kuonso mu tshibanda tshia Lefayima.

Dibadika 13:22

Bakayila ku luseke lua sude, bakafua ku Hebelone, ne Ahimana ne Sheshai ne Talemai, bana ba Anaka bakadimu. (Bakasa Hebelone bidimu muanda mutekete ku mpala kua Soana mu Ejipitu.)

Dibadika 13:28

Kadi bantu badi mu buloba abu badi bakole, misoko yabo idi ne mpangu ya mabue, ne idi minene be; ne bualu bukuabo, tuakamonamu bana ba Anaka.

Dielulula 1:28

Netubuelemu munyi? Bana betu bakatekesha mitshima yetu, bakamba ne, Bantu aba badi batuhita hunene ne bule; misoko yabo idi minene, ne mpangu yai ya mabue idi miye mulu mule; bualu bukuabo, tuakatangilamu bana balume ba Bena Anaka.

Dielulula 2:10

(Bena Eme bakashikamamu diambedi, bantu banene, bantu ba bungi, bule bua Bena Anaka:

Dielulula 2:11

badi bababikila kabidi ne, Bena Lefa, bu Bena Anaka; kadi Bena Moaba bakababikila ne, Bena Eme.

Dielulula 2:21

bantu bakole, bantu ba bungi, bule bua Bena Anaka; kadi Yehowa wakabashiha ku mpala kuabo, bobo bakabalonda ku nyima, bakashikama mu muaba wabo;

Dielulula 3:11

(Anu Oga, mukelenge wa Bashana, wakadi mushale wa Bena Lefa; monai, bulalu buandi buakadi bua biamu; budi mu Laba wa Bena Amona: bule buabu buakadi coudées tshitema ne butshiama buabu buakadi coudées mai.)

Dielulula 9:2

bantu banene badi bale, bana balume ba Anaka, banudi bamanye; nuakulua lumu luabo ne, Nganyi udi mua kuimana ku mpala kua bana balume ba Anaka?

Yoshua 11:22

Kakuakadi muena Anaka wakashala mu buloba bua Bena Isalele; anu mu Gaza ne mu Gata ne mu Ashedodo bakuabo bakashalamu.

Yoshua 15:14

Kaleba wakihata bana balume basatu ba Anaka: Sheshai ne Ahimana ne Talemai, bana ba Anaka.

1 Samuele 17:7

Mutondo wa difuma wakadi bu mbungu wa mukumi wa bilulu; lusongo lua difuma luakadi ne bujitu bua nshekele ya tshiamu tshifike nkama isambombo; mutuadi wa ngabu wandi wakaya ku mpala kuandi.