2 Samuele 21:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bakajika mifuba ya Shaula ne ya Yonatana muanʼandi mu lukita lua Kishi, tatu wandi, mu Sela mu buloba bua Benyamina. Bakenza malu onso akabambila mukelenge. Ku nyima kua bualu ebu Nzambi wakasengeledibua bualu bua buloba.

MUKANDA WA MYIDI MUKULU

¹⁴ Kuyabu kuyijika muaba umue ne mifuba ya Shawule ne ya Yonatane, mu lukita lua Kishe, tatuende wa Shawule, luvua ku Sela mu buloba bua bena Binyamine. Bantu bamane kuenza bonsu bivua mukalenga Davide muambe, Mvidi Mukulu kukumbaja bionsu bivua bena ditunga balombe.

2 Samuele 21:14 ပူးပေါင်းရင်းမြစ်များ

2 Samuele 21:13

Wakasaku ne mifuba ya Shaula ne ya Yonatana muanʼandi mulume; bakayisangisha ne mifuba ya bantu bakowabo.

2 Samuele 24:25

Davidi wakashilaku Yehowa tshioshelu, wakafilahu milambu ya kuosha ha kahia ne milambu ya kuvuisha nʼai ditalala. Yehowa wakasengeledibua nunku bua buloba, ne disama diakashika munkatshi mua Bena Isalele.

2 Samuele 3:32

Bakajika Abinê mu Hebelone; mukelenge wakabandisha di diandi, wakadila muadi ku lukita lua Abinê; ne bantu bonso bakadila.

2 Samuele 4:12

Davidi wakela bansongalume bandi dî, bakabashiha, bakabakosa bianza biabo ne makasa abo, bakabisuika hehi ne dishiba dia mu Hebelone. Kadi bakambula mutu wa Ishi-boshete, bakaujika mu lukita lua Abinê mu Hebelone.

Yona 1:15

Nunku bakambula Yona, bakamuela mu mai manene, ne mai manene akalekela kubisha mavuala manene.

Zekâya 6:8

Hashishe, yeye wakatuela dî ne, Tangila, tudi tuya ku buloba bua ku nôde tuakuholesha mutshima wanyi mu buloba bua ku nôde.

Dibadika 25:13

nedikale kudiye ne kudi bana badi bamulonda ku nyima, bu dihungila dia mudimu wa buakuidi tshiendelele bualu bua yeye wakadi ne mukau bualu bua Nzambi wandi, wakabuikidila Bena Isalele bubi.

Dibadika 25:8

yeye wakalonda ku nyima kua Muena Isalele mu nsubu wakababambakasha bubidi buabo, Muena Isalele ne mukashi Nunku disama diakalekedibua munkatshi mua Bena Isalele.

Yoshua 18:28

ne Sela ne Elefe ne musoko wa Bena Yebuse (Yelushalema mene), Gibena ne Kîyata; bimenga dikumi ne binai ne misoko yabi. Ebu mbuhianyi bua Bena Benyamina ku meku abo.

Yoshua 7:26

Bakunguisha mushiki munene wa mabue ha mutu handi; udiku tô ne lelu; ne Yehowa wakalekela tshiji tshiandi. Nunku badi babikila muaba au ne, Tshibanda tshia Akola tô ne lelu.

1 Samuele 10:2

Haumuka kundi lelu, wewe neusungile ne balume babidi ha majambu a Lakele ku Selesa ku mukata wa buloba bua Benyamina; bobo nebakuambile ne, Nyama ya mpunda îwakaya kukeba yakamueneka; mona, tatu webe wakalekela kunyingalasha mutshima bua nyama ya mpunda, udi unyingalasha mutshima bualu buebe, wamba ne, Nengenze tshinyi bua muanʼanyi wa balume?