2 Samuele 20:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Hashishe mukashi wakaha kudi bantu bonso ne lungenyi luandi. Bakakosa Sheba, muana wa Bikili, mutu, bakawela kudi Yoaba. Yeye wakela mpungi, bantu bonso bakumuka ku musoko, bakaya muntu ne muntu ku ntenta wandi. Yoaba wakahingana kudi mukelenge mu Yelushalema.

MUKANDA WA MYIDI MUKULU

²² Mukaji kuya kudi bana babu, kubabela bimpe. Nanku kukosabu mutu wa Sheba, kuwimanshilabu Yowabe. Yowabe kuelesha mpungi. Diakamue bena mvita bonsu kumukabu. Kupinganabu kuabu. Yowabe kupingana kudi mukalenga Davide mu Yerushalayime.

2 Samuele 20:22 ပူးပေါင်းရင်းမြစ်များ

2 Samuele 18:16

Yoaba wakela mpungi ne bantu bakalekela kulonda Bena Isalele, bualu bua Yoaba wakakanda bantu.

2 Samuele 18:17

Bakangata Abashaloma, bakamuha mu lubuebue lunene luakadi muitu, bakamungushila mushiki munene wa mabue; Bena Isalele bonso bakanyema muntu ne muntu ku ntenta wandi.

2 Samuele 2:28

Nunku Yoaba wakela mpungi ne bantu bonso bakimana talalâ, bakalekela kulonda Bena Isalele, kabakaluangana nʼabo kabidi.

2 Samuele 20:1

Muntu mubi wakadiku, dina diandi Sheba, muana wa Bikili, Muena Benyamina; yeye wakela mpungi, Wamba ne, Tuetu katuena ne tshituha kudi Davidi, katuena ne buhianyi kudi muana wa Yishai, nuenu Bena Isalele, muntu ne muntu ahingane ku ntenta wandi.

2 Samuele 20:16

Hashishe mukashi wa lungenyi wa mu musoko, wakela dî diandi ne, Unvuai! Telejai! Ndi nnusengelela ne, Ambilai Yoaba alue kunoko bua meme kuyikila handi.

Muambi 7:19

Lungenyi ludi luvuisha bukole kudi muena meji, buhite bua bileba dikumi mu musoko.

Muambi 8:11

Bualu bua kabena bakengesha benji ba malu mabi lukasa, mitshima ya bana ba bantu idi ikoleshibua bua kuenza malu mabi.